Hiob 10:21 - Katɔti Ɔku Kedee

²¹ asa na linwini nteesie kasuudikɔ kesii kani na nsɔ lɛɛɛdubo bɔsɔ bunwini bubo kama.

Hiob 10:21 Referans Kwoze

Hiob 3:5

Ya na lɛdisa bonwu lɛƒɔ limeyi lɛmmɔ, na lɛbla suu geen na liƒlukutu lɛƒɔ-ni lɛlɔ ƒui. Na ɔƒɛ ɔdi ɔsɔ utatu na limeyi lɛmmɔ lɛnu bukeye bɔdi.

Samuel 2 12:23

Nsu ka útebo-nwu kemmo lɛni na bukpi na úkpi ni, bi ɔsu na ɔlɛka lɛsɔ nteenyimi kenye lɛnɔ? Bɔkana na ndubɔkana na lɛsɔku-nwu liboku ngba? Ami kani ndubo bukpi na lisie-nwu kudɔ na anwu ɔsɔ ulénwini ulebo-mi kudɔ.”

Kɔgya 23:4

Si ina nkɛ ntédu kasuudikɔ kani nse aani kekpine muedi ni, naaayia ɔgbankpi ɔdi. Ɔsika ngyi ka awɔ na nsiaku. Na ƒula ɔgagyii ku ugyii ɔdadi muusé-mi kayi.

Hiob 16:22

“Ɔsika akwa alɛɛ kani nébu-mi na likpi, na nsɔ lɛɛɛdubo bunwini bubo lɛnɔ.”

Samuel 2 14:14

Na geen ni, bɔdubo bukpi, ɔsika buse aani ntu bɔni néwiakun na basɔ balakana-mu bɔkpala. Nsu Katɔti anwu uláda ukyuli ngba teedie lɛni, mmomu ukyuli ɔni na ɔ́gya na nwuna anumi ni, uléti-nwu teebo teevaakun ƒui.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Yesaia 38:11

Na lɛ́su nnii nsɔ lɛɛɛdubo Unwoti ɔni nli ngba bɔnu na bayawine bani nli ngba akɔ. Na nsɔ lɛɛɛdubo bekyuli bayawine badi lɛnɔ bɔnu, ɔsika nsɔ lɛɛɛdubo-ma akɔ bɔkya na kayawi kamɛni kemmo.

Kɔgya 88:6

Éti-mi ákya kalɔ kemmo kesii kani nse suu na kágyu voo mmɔ.

Hiob 3:13

Kesii kani na lídu ɔƒɛni amu ni, ndubo bɔyu butéduo kubiɔ na lɛtɛ kpoo ntaanwuna.

Hiob 10:22

Mmɔ kese aani usien lɛdibantɛ. Na si ina bi ogya na bátu muedi ni, ulékeye na anu lɛla ati. Kekuma ala bɔbla ku liƒu kani nkya mmɔ.”

Hiob 34:22

Na ukyuli ukpidi ɔdi ulakana bɔbɛ bɔkya kasuudikɔ kani na Katɔti ulakana-nwu bɔnu.

Hiob 38:17

Ɔban kayakun kani nákalɛ kekpine ni, ukyuli ɔdi ɔ́ɔtina-a kayakun kammɔ dii?

Kɔgya 39:13

Da kɔnyi buti na mina lɛlɔ ya, na aya na lɛsɔ lɛkɛ ebiti asa likpi lɛlɛ kayawi kamɛni kemmo.”

Hiob 17:13

Ami mina lɛnunsia ƒui ɔƒaani ni, ani ndi kekpine kesii kani na ndubusie ntátɛ kpoo na kasuudikɔ mmɔ.

Kɔgya 49:20

Ɔlakɛne ɔni neeebo ala kalɔ bunu lɛkɛ lɛyii udu na uukpi taayii udu aani eƒiebuo kalɛ.

Kɔgya 88:13

Nsu ni, Unwoti, mɔɔkpali-ɔ teevele ɔtanta biala ka ebunku-mi.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Etemila 11:8

Ina dɛ na élie ábi lɛlɔ ni, ya na lɛlɔ lɛyɔ-ɔ na ƒula ngba emeyi ƒui kemmo. Ɔsika ɔƒɛ ɔdubo ubasa ɔkya-a na asɔ akya lɛdisa lɛmmɔ kemmo na uwi utu. Na kalɔ bunu bɔdi buuubo ɔmɛni kemmo.