Hebriƒuɔ 9:7 - Katɔti Ɔku Kedee

⁷ Na katɔma kammɔ kemmo aka ni, ɔkpane unengudi kani néteeduo mmɔ kunwi na lɛkwa kemmo. Na ntu úti ebuo ɔni na béeti bákpa ubugya ɔ́da na weti wakpa na anwu ɔlati ku bekyuli ekpidi ani bátati asa na bábla lili.

Hebriƒuɔ 9:7 Referans Kwoze

Lewiƒuɔ Ɔda Bubo 16:34

“Na bunyimi bɔmɛni bɔdubuse bute-mii uwi ƒui. Na ɔlɛka babla likpidi kɔtu bɔni budie akpala ɔdi ɔmɛni kunwi na lɛkwa kemmo ute Israelƒuɔ ƒui ekpidi lili.” Na bábla básia kalɛ kani na Unwoti úbo Mose ɔda.

Lewiƒuɔ Ɔda Bubo 5:18

Ɔmmɔ ɔsu ɔlɛka uti koƒonu kɔni nse sɛɛn na kútasɔ uboku ɔkpane. Na kuna kuye kulieku kalɛ na baakya kuye teete kɔtɔ bukpi ebuo ɔmmɔ udu. Na ɔkpane ɔmmɔ ɔbla likpidi kɔtu bɔni budie akpala na nwuna ekpidi ani na ɔ́bla lili na útati na liti lɛkyiɛ-nwu.

Hebriƒuɔ 7:27

Na uuuse aani bakpane benengudi babambadi bammɔ kalɛ bani nálɛ ka bataabla akpala na ama ku bekyuli bakladi lili taasia kama limeyi ndi limeyi. Mmomu kunwi kɔni na anwu úti lɛlɔ ɔ́kpa na bekyuli ƒui lili ni, ɔ́kpa kunwi pɛ kɔmmɔ kani na ɔ́sa.

Israelƒuɔ Bɔlɛ 30:10

Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Yesaia 28:7

Na Katɔti bakpane ku Katɔti kenye bediene ƒui benye baabla ntɛ ekpila na ntɛ kpakplaa bɔni ɔsu. Na baagbánta si baanu kɔyu kemmo ala iye baadi kasusu kpakplaa kadi na lɛla lɛdi lɛlɔ. Na ntɛ bɔ́ya na béƒu bakɛ.

Yesaia 9:16

Batɔnkune bamɛni baatɔnku-ma taatáyila, na bani batɔnku mmɔ lɛnɔ baayii ulu.

Yesaia 3:12

Bekyuli bani ablala nse aani banamu mɔɔnya mina bekyuli taakya, na beleku baadi-ma lɛlɔ. O mina kadi bekyuli, bina batɔnkune bákpanku-mii bésela batáyila. Bákpanku-mii bálɛku ulu geen ɔmmɔ lɛlɔ.

Hebriƒuɔ 10:3

Nsu ni, akpala ammɔ geen mɔɔyá na beenyimo bana ekpidi lɛkwa ndi lɛkwa.

Amos 2:14

Ina dɛ na bina lɛgba lɛɛta ni, bilakana bukeli. Na ina dɛ na bibo ɔlɔkplu ni, ndubutile-mii ala na libile-mii ɔlɔkplu ɔmmɔ na bikpi muedi, na ina dɛ na adi ukpone ni, alakana lɛlɔ budie.

Yesaia 29:14

Anwuɔsu nsɔ ndubo-ma buyu bɔtu ku liƒu ala ani ndubɔbla-ma kalɛ kadi. Ndubo banundane lɛnunda udu bɔyila. Na lídie lɛ́tina ka bakutine lɛnunda lɛɛɛdi lɛla lɛdi.”

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Kɔgya 19:12

Ukyuli ulánu anwu ɔlati ekpidi ƒui taati. Unwoti, die-mi lɛku ala ani na lɛ́bla na lɛɛɛgyi ka bɔƒiɔ na bɔdi kemmo.

Ala Alɛdi 2 33:9

Nsu Yuda ku Yerusalem bekyuli ƒui béni na bénu Manase litemi mmomu na bábla alaekpidi enengudi ani na etulo ani na kadi bamba bekyuli bani na lɛ́bɔku lɛ́lɛku-ma anumi muedi bábla.”

Samuel 2 6:7

Nsu Unwoti útatunaku Usa munu munu na lɛla lɛni na ɔ́bla mmɔ ɔsu. Ɔmmɔ ɔsu ɔ́ya na úkpi kɔnakunwi ɔ́tɛ adaka ɔmmɔ kɔmadɔ.

Bumomo Bɔka 15:25

Ɔmmɔ kama ɔkpane ɔdubɔbla akpala ute bana likpidi kɔtu bɔni budie na kadi bekyuli bammɔ ƒui lili na badubuti bakyiɛ-ma, ɔsika bátati asa na bábla-ni, na ɔmmɔ ɔsu béboku etela ka bakyula bete Unwoti ku likpidi lili buvele akpala.

Eƒesoƒuɔ 4:18

na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.

Hebriƒuɔ 6:19

Bula lɛnunsia lɛmɛni mɔɔyá na bɔda Katɔti kpakplaa na bula kayi kemmo aani kalɛ na kugyii lidu lɛɛda kalɔ geen. Na bɔsia Yesu anu. Anwu néduo katɔma kedee kani kenye na lɛdiku lɛƒa kemmo.

Hebriƒuɔ 9:3

Na kakpakɔ kammɔ katɔma kesii kani na béti kayakun kɔdi báda ni, mmɔ baalɔ banii ɔtɔ ɔni nse kedee ntulo ƒui.