Hebriƒuɔ 9:1 - Katɔti Ɔku Kedee

¹ Bunyimi budeedi bɔmmɔ ni, bɔdanku ulu ɔni beeti taakpa ku kesii kani na baakpá na kalɔ lɛlɔ mɛni.

Hebriƒuɔ 9:1 Referans Kwoze

Israelƒuɔ Bɔlɛ 25:8

“Na aya na batu kevo kedee bete-mi na lilie-ma akɔ.

Hebriƒuɔ 8:2

Na ɔɔbla Katɔti kabla na kakpakɔ kedee kani ndi kakpakɔ geen kani na Katɔti ɔlati úti nwuna enu ɔ́bla. Na ɔɔɔdi bekyuli nábla-ka.

Lewiƒuɔ Ɔda Bubo 18:30

Ɔmɛni ɔsu bɛnu ka bɛ́di mina litemi lɛlɔ kalɛ na ɔdi ulabla ala ani bekyuli bani nélie mɛni bátaabla na beesé lɛlɔ mmɔ na bitasiaku bana ɔdi ala bɔbla kama na bibile lɛlɔ na biteese lɛlɔ bana kalɛ. Ami ndi Unwoti bina Katɔti.’ ”

Lewiƒuɔ Ɔda Bubo 22:9

“ ‘Bakpane ƒui ɔlɛka badi ɔda bubo bɔni líti muute-ma mɛni lɛlɔ kalɛ na baláƒiɔ na bekpi si bátanu ala ammɔ bátabu. Ami ndi Unwoti ɔni nédie-ma úse sɛsɛɛ líte lɛlɔ ka bese kedee.

Hebriƒuɔ 8:7

Si lɛla lɛdi nétebie na bunyimi bɔkukudi lɛlɔ ni, na nka ɔ́sɔ útamanku na ulu biala lɛlɔ ka basɔ bete-bu bunyimi bɔwɔdi bɔbambadi bɔdi.

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Esekiel 43:11

Na si bana ekpidi éduo-ma sɔsɔ ni, na asɔku lɛla biala na ánu na kakpakɔ kammɔ lɛlɔ ku lɛban lɛmmɔ ku kalɛ na bákɔku lɛla biala ku kalɛ na bényene lɛtɔ lɛmmɔ. Na edie ɔda bubo bɔni ndanku kalɛ na ɔlɛka bakpa na mmɔ na enweni lɛla biala ese kalɛ na batɛya kaduɛ na badi ala ammɔ ƒui lɛlɔ.

Bumomo Bɔka 9:12

Na betebu ala ammɔ lɛdi betese na kadi kegye-ni lɛlɔ iye babwɛ likubi lɛdi lɛnɔ si baadi. Ɔƒɛni si baadi limeyi lɛmɛni ni, badi bunyimi bɔmmɔ ƒui lɛlɔ kaduɛ.

Hebriƒuɔ 8:13

Na ka Katɔti ɔ́su ɔnii ɔdubuse bunyimi bɔwɔdi ni, na budeedi bɔ́bla bɔkukudi. Na lɛla lɛkukudi lɛni néetu uwi ni, lɛdubo bɔyii uwi klukui kemmo.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Romaƒuɔ 9:4

Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.