Hebriƒuɔ 8:10 - Katɔti Ɔku Kedee

¹⁰ Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Hebriƒuɔ 8:10 Referans Kwoze

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Romaƒuɔ 11:27

Na bunyimi bɔmɛni ndubɔkya ami ku-ma ntɛ si uwi ɔni na lídie ekpidi bana lɛlɔ.”

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Petro 1 1:23

Katɔti ɔ́ya na bínwini nwuna badi, ɔsika bɛ́kɛ ngba bɔwɔdi bɔni nsɔ naaadubo bɔsa na ɔɔɔdi bɔni mɔɔsa. Bɛ́kɛ ngba bɔmɛni bɛ́siku nwuna litemi lɛni mbo ngba geen kemmo na lise lísela uwi ƒui.

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Esekiel 37:27

Ndubulie mina kadi bekyuli akɔ na lɛbla bana Katɔti.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Yeremia 32:38

Badubɔbla mina bekyuli na ami lɛbla bana Katɔti.

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Israelƒuɔ Bɔlɛ 34:27

Amu na Unwoti ɔ́sɔ ɔ́su Mose ɔnini, “Nweni etemila amɛni ƒui se. Ɔsika etemila amɛni na ndubo buti bɔbla mina bunyimi ku Israel.”

Esekiel 39:22

Na ɔ́si uwi ɔmmɔ lɛlɔ lɛnɔ ni, Israelƒuɔ badubɔnu bɔti ka ami ndi Unwoti, bana Katɔti.

Lɛnu Ƒui Ɔnu 2:16

Mina Ɔyɔne, awɔ ɔni mɔɔnyuɛ ƒula baƒonu na eveteli ani nédie anwula akɔ, awɔ mbo-mi na ami lɛnɔ mbo-ɔ.

Israelƒuɔ Bɔlɛ 24:4

Ɔmmɔ kama Mose únweni Unwoti ɔda bubo bɔmmɔ lɛla biala úse. Mose ɔ́ta ɔtanta tutuutu na ɔ́tu lɛkpabi ɔ́lɛ kɔbi kɔmmɔ kaƒɔna, na úti atakpɛ leevu-anyɔ úse lɛkpabi lɛmmɔ kudɔ. Na lɛkpabi linwi biala linye lite Israel adua leevu-anyɔ ammɔ.

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Yeremia 31:1

Unwoti ɔnini, “Israel, líse kenye ka Limeyi lɛdi lɛdubo ni, ƒula adua ƒui bekyuli badubɔsɔ benwini mina badi na ami lɛdi bina Katɔti.

Hosea 2:23

Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu. Na ama banii na nka nnii baaadi mina badi ni, badubunwini mina badi. Na ama lɛnɔ badubɔsu banii, ‘Awɔ ndi bula Katɔti.’ ”

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Israelƒuɔ Bɔlɛ 34:1

Amu na Unwoti ɔ́su Mose ɔnini, “Nwi atabi anyɔ awɔdi aani kalɛ kani na edeedi ammɔ ese. Na ndubunweni etemila ani línweni lɛ́sia edeedi ani bɛ́bwɛ lɛlɔ lɛsia awɔdi ammɔ lɛlɔ.

Korintoƒuɔ 1 6:16

Bɛgyi lɛnɔ ka si ukyuli úti nwuna ɔlɔna útámanaku ɔyalɛ ɔdi lɛlɔ ni, ɔ́blaku-nwu unwi na ɔlɔna kemmo. Bunweni Kedee Ɔku ɔ́su nwaa ɔnii, “Bana inyɔ badubɔbla ɔlɔna unwi.”