Hebriƒuɔ 8:1 - Katɔti Ɔku Kedee

¹ Lɛla lɛni geen na bɔɔyɔ́ budie bɔtina na litemi lɛmɛni kemmo ndi ka ni, bubo ɔkpane unengudi ɔmɛni ɔni nlie kesii kani náƒɔ kuye na Katɔti lɛgaboku kudɔ na katɔ.

Hebriƒuɔ 8:1 Referans Kwoze

Koloseƒuɔ 3:1

Ka amii ku Kristo na Katɔti ɔ́gyila ɔ́lɛku bekpine akɔ ɔsu ni, bɛwia ala ani nkya katɔ kama ulu na kesii kani na Kristo ulie ɔɔdiku Katɔti lɛga.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 10:12

Nsu uwi ɔni na Kristo anwu úbo úbeti lɛlɔ ɔ́kpa kunwi úte bekyuli ƒui ekpidi lili ɔni ndanku utédu kayawi kawɔlɔkɔ ni, ɔ́yu úlie Katɔti kɔdianu kesii kani náƒɔ kuye.

Mika 5:4

Na lɛlɔ ɔdine ɔmɛni ɔdubɔtɔnku nwuna bekyuli ɔkɛnku Unwoti nwuna Katɔti ɔni lɛnyi muukeye lɛlɔ. Na ɔdubɔnu-ma lɛlɔ aani kalɛ na baƒonu ɔdane ɔɔnu nwuna baƒonu lɛlɔ. Na nwuna bekyuli badubulie ku atu bɔyɔ, na lɛla lɛdi lilékpoku-ma. Na kayawi kadi bekyuli ƒui badubɔnu kalɛ geen na úbomo.

Kɔgya 104:1

O Katɔti, ndubumwi-ɔ ku mina kayi ƒui, ɔsika ébomo geen na eekeye ku ɔbu. Na bukeye bɔmmɔ bɔ́ka bɔ́mana-a aani kɔdi kalɛ.

Kɔgya 21:5

Ka áya na ɔ́di lɛlɔ ɔsu ni, nwuna ɔbu ɔ́kɔ katɔ geen. Na ɔ́ƒɔ lɛnyi na nwuna lɛgadi lɛ́kɛ ɔyikun na liikeye.

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Hebriƒuɔ 1:13

Ɔɔɔdi Katɔti ɔtu ɔdi na Katɔti ɔ́su ɔnini, “Sɔ lie keliekɔ kani náƒɔ kuye ketulo ƒui na mina kɔdianu kakɛ wetédu uwi ɔni na meti ƒula bekisine makya-a lɛgba kalɔ.”

Eƒesoƒuɔ 6:20

Na litemi lɛmmɔ ɔtalane na ndi, ina ka nkya kɔgba kemmo mɛni. Bivele na mina lili na lɛsu litemi lɛmmɔ kalɛ na ɔ́manku ku kayi buse!

Yesaia 24:14

Na nkyuli ɛlɛɛ bani nébu mmɔ báva momoomo ku lɛlɔyɔ básiku ɔƒɛ kanukɔ na bédie Unwoti Katɔti lɛgadi ɔyikun keyi.

Kɔgya 145:12

Na ɔmɛni ɔdubɔya na ukyuli biala ɔnu ƒula ablala bonwu ɔti ku kalɛ na ƒula Katɔ Ɔga Ɔma lɛgadi liikeye.

Kɔgya 110:1

Unwoti ɔ́su mina Unwoti ɔnini, “Sɔ lie-mi kɔdianu wetédu uwi ɔni na meti ƒula bekisine makya-a lɛgba kalɔ.”

Hiob 37:22

Na Katɔti bukeye bɔni muudie lɛlɔ taasiku kalɔ kammɔ katɔ kakɛ na buuwi lɛla biala lɛlɔ ni, buukeye teetulo ɔƒɛ bukeye ƒui.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.