Hebriƒuɔ 7:11 - Katɔti Ɔku Kedee

¹¹ Katɔti úte kadi ƒui bekyuli ɔda bubo bɔni nkɛnku Lewi ɔkpane bɔdi kabla ulu lɛlɔ. Na si bɔbla na bábla bana kabla na kédu káwɔlɔ ni, bi ɔsu na Katɔti ɔ́sɔ ɔ́ƒuna ɔkpane ɔbambadi ka ubo ɔsiaku Melkisedek ɔkpane bɔdi ulu lɛlɔ na ɔɔɔdi aani kalɛ na ɔ́ƒuna Lewi bebi bani ndi Aaron kaba?

Hebriƒuɔ 7:11 Referans Kwoze

Hebriƒuɔ 8:7

Si lɛla lɛdi nétebie na bunyimi bɔkukudi lɛlɔ ni, na nka ɔ́sɔ útamanku na ulu biala lɛlɔ ka basɔ bete-bu bunyimi bɔwɔdi bɔbambadi bɔdi.

Galatiƒuɔ 2:21

Lɛɛɛdubo Katɔti kɔnyana kɔni na ɔɔnu bekyuli kama bɔlɛ kudii. Ɔsika si ɔda bubo bɔkukudi bɔmmɔ lɛlɔ na Katɔti ɔɔsɔku anwu ku ukyuli ntɛ taaklibi ni, na Kristo úkpi keeke.”

Hebriƒuɔ 7:21

Nsu Yesu úbenwini ɔkpane ɔkɛnku Katɔti linyese lɛlɔ uwi ɔni na ɔ́su ɔnini, “Unwoti úse kenye kpakplaa kadi na ulavumana-ka kudii ɔnini, ‘Adi ɔkpane úsela uwi ƒui.’ ”

Hebriƒuɔ 7:15

Na ɔƒɛni ɔni na ɔkpane ɔbambadi ɔdi ɔ́da ɔ́lɛ aani Melkisedek kalɛ ni, lɛla lɛni na bɔ́su mɛni lɛdubɔbla-mii nwaa libu.

Hebriƒuɔ 5:6

Na likpo bamba ni, ɔ́sɔ ɔ́su ɔnini, “Adi ɔkpane úsela uwi ƒui na Melkisedek ɔkpane bɔdi ulu lɛlɔ.”

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Hebriƒuɔ 6:20

Mmɔ na Yesu ɔ́gyu ɔtɔ útéduo na abu ɔsu. Na únwini ɔkpane unengudi úte uwi ƒui na Melkisedek ɔkpane bɔdi ulu lɛlɔ.

Hebriƒuɔ 5:10

Na Katɔti nédie-nwu ka unwini ɔkpane unengudi na Melkisedek ɔkpane bɔdi ulu lɛlɔ.

Galatiƒuɔ 4:3

Lɛni kani na use abu lɛnɔ uwi ɔni na bɔdi banamu. Na ala ani na baatina na kayawi mɛni nátaadi-bu lɛlɔ.

Hebriƒuɔ 7:10

Ɔsika uwi ɔni na Abraham ɔ́siaku Melkisedek na uute-nwu ala lɛkpa leevudi lɛmɛni ni, na Lewi ɔmu ɔkya bana nana bene ubugya kemmo.

Hebriƒuɔ 7:12

Anwuɔsu si kavumana kadi kébo na ɔkpane bɔdi ulu ɔdi lɛlɔ ni, na agyi anii ɔdi ka kavumana kadi kebo na ɔda bubo bɔmmɔ lɛnɔ kemmo.

Hebriƒuɔ 7:13

Na ukyuli ɔni lɛlɔ na básu ala amɛni ƒui básiku ni, ɔ́si kaba bekyuli babambadi akɔ. Na kaba kammɔ bekyuli akɔ ɔdi útabla ɔkpane kabla na lɛkpabi lɛlɔ kudii.

Hebriƒuɔ 9:6

Lɛni na bábla ala amɛni bése mmɔ. Na bakpane béteeduo ɔtɔ udeedi kemmo mɛni buduo buduo taatábla bana bakpane kabla.