Hebriƒuɔ 6:8 - Katɔti Ɔku Kedee

⁸ Nsu kalɔ kani na liyu alakpi mɔɔkwɛ́-ka lɛlɔ ni, kadanku ewida na keeebo kɔsia kɔdi. Na kasɔ kaladia lɛla lɛdi bɔbla lɛnɔ. Na kawɔlɔkɔ ni, kadubɔkywi.

Hebriƒuɔ 6:8 Referans Kwoze

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Lɛkpa Ulu 29:28

Na ɔkɛnku livo lɛni néƒi-nwu ku nwuna kɔnyi kati kati kɔni na úti ɔsu na Unwoti ɔ́gya-ma ɔ́lɛku bana kalɔ lɛlɔ na úƒwimi-ma utáva kɔlɔ bamba lɛlɔ. Anwuɔsu mmɔ belie ɔmwi kadi.”

Yeremia 44:22

Na uwi ɔni na útulo-nwu na ɔ́nɔ bɔnu ni, úwida bina kalɔ na káta kénwini ketele kalɔ kakwiidi kalɛ udu na kese ɔmwi na bɛɛnu mɛni.

Hebriƒuɔ 12:17

Na ɔmmɔ kama aani kalɛ na bɛgyi ni, uwi ɔni na ɔɔwia ka ɔti use-nwu kama ku kusɛ kusɛ ni, úni-nwu. Na Esau ɔ́sɔ útakana lɛla lɛni na ɔ́bla bɔvumana ina ka ɔ́wia kusɛ kusɛ ɔmmɔ ku keku.

Hebriƒuɔ 10:27

Mmomu ɔlɛka bunye butaanu ulu ku liƒu ka badubɔtɛku-bu litemi. Ɔsika ogya bonwu ɔni muubile ala ubakyula Katɔti bekisine ƒui.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Marko 11:21

Petro ɔ́kali lɛla lɛni nébo, na ɔ́su Yesu ɔnini, “Ala ɔtinane, nu kugyii kɔni na éwida mmɔ kúkpi!”

Marko 11:14

Amu na Yesu ɔ́su kugyii kɔmmɔ ɔnini, “Ukyuli ɔdi uleti ƒula kegyiibi ulakya kenye kudii lɛnɔ!” Na nwuna batɛyane bénu ka ɔ́su lɛni.

Mateo 7:19

Kugyii kɔdi biala na kulánwu ebi abuni ni, baadá-ku na beeti-ku taakya ogya.

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Esekiel 20:47

anii ami Unwoti Katɔti ndubo ogya ɔdi bɔtu bɔkya lɛku lɛmmɔ na ɔkyula kugyii kɔwɔdi ku kɔkwiidi biala. Na lɛla lɛdi lɛɛɛdubo ogya ɔmmɔ bɔkana bunine. Na ɔdubo bɔkywi busie katɔ kakɛ na ɔkyula lɛla biala na kesii kani na ɔ́sia úsela mmɔ.

Yeremia 17:6

Badubo bɔkwii bunye aani lɛku kemmo alakpi aani kalɔ kakwiidi kalɔ kani na mma bɔ́ƒɔ-ka lɛlɔ na lɛla biala lilakana bɔkwɛ na lɛlɛ lili na mmɔ.

Kɔgya 107:34

Na ɔɔbla kalɔ kani mɔɔdia adila lɛnɔ na keenwíni kalɔ kagyani kani mbo mma na kaládia edula. Ɔsika kalɔ kammɔ bekyuli badi bekyuli bekpidi.

Hiob 31:40

Mmomu si lɛ́bla ala amɛni ɔdi ni, na aya na antabi ku kakpa ku edula ani ƒui na lɛ́kya ayii akya, na liyu ku alakpi ekpidi aƒɔ kemmo kammɔ ƒui.”

Ala Kalɔ Buse 5:29

Na ɔ́sia-nwu lɛnyi ɔnii Noa. Mmɔ na ɔ́su ɔnini, “Ubi ɔmmɔ ndubɔda-bu udie abi ani na buubó na buunú ɔlɛ geen na bula enu kabla kani na bɔɔbla kemmo ka Katɔti úwida kalɔ kammɔ ƒui ɔsu.”

Ala Kalɔ Buse 4:11

Ɔƒɛni ni, ewida asiaku-ɔ. Na kalɔ kammɔ kéni-ɔ ka ádu ƒ'ɔnwani na nwuna ubugya úwi kalɔ kammɔ lɛlɔ ɔsu.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Samuel 2 23:7

Ɔmmɔ ɔsu ukyuli ɔni magyu liyu medie lɛnɔ ɔlɛka ɔnu ka ɔda atula ku abuala ani na ɔdubuti ɔda-nya udie ute na bakyula kɔnakunwi.”

Yesaia 27:4

Ńtakɛ kɔnyi na kemo kammɔ lɛlɔ. Ɔsika si bekisine badi-mi aani liyu ku alakpigya ni, nka ndubuduo-ma lɛlɔ mmɔ na lɛkyula-ma ƒui.