Hebriƒuɔ 6:7 - Katɔti Ɔku Kedee

⁷ Kalɔ kani mɔɔƒɔ́ ntu si ɔnantu ɔ́na na kaadia edula abuni teete bemonsene ni, Katɔti kusɛ kusɛ ɔɔsiáku-ka.

Hebriƒuɔ 6:7 Referans Kwoze

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Kɔgya 126:6

Bekyuli bani nda keku baakya edula adi ni, badubo bunwini ku ebiti ku lɛnu bɔtu uwi ɔni beti bana edula ani báƒɛ badububoku kaduli.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.

Esekiel 34:26

Badubulie bamana mina kɔbi kedee lɛlɔ. Na ndubo-ma kusɛ kusɛ bute na ɔnantu ɔna ute-ma utulo kalɛ na baawia muedi.

Kɔgya 24:5

Unwoti ɔdubute-ma kusɛ kusɛ na ɔƒɔ-ma na ute-ma ubo ka likpidi lɛdi lɛɛɛma-ma lɛlɔ.

Lewiƒuɔ Ɔda Bubo 25:21

Ami ndubute-mii kusɛ kusɛ lɛkwa lɛkundi kemmo ɔni na bina edula adubo bɔnwu geen ute akwa atɛ sɔɔn bɔdi.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Ala Kalɔ Buse 27:27

Anwuɔsu úsie na útákya-nwu kɔgbu. Na ka Isak únu Yakob adala ani na ɔkya ɔnyi ni, ɔ́su ɔnini, “Pɛ, mina ubi ɔnyi na ɔdi mɛni, na use aani katumalɔ ɔnyi kalɛ kani na Unwoti Katɔti úte-ka kusɛ kusɛ.

Ala Kalɔ Buse 1:11

Na údie lɛdi ɔnini, “Kalɔ kamɛni kakwɛ egyii ku livo lidu lidu ku adingyii lidu lɛnɔ.” Na úbo úte lɛni.

Mateo 7:8

Ɔsika ukyuli biala ɔni muuvele Katɔti ala ni, ɔdubute-nwu. Na ukyuli biala ɔni mɔɔwia ni, ɔɔkɛ́. Na ukyuli biala ɔni muubó Katɔti kegbuta kɔnu ni, ɔɔlɛmi teete-nwu.

Timoteo 2 2:6

Umonsene ɔni nábla kogyoklo geen na nwuna kemmo ni, anwu mɔɔka edula ammɔ bɔdi.