Hebriƒuɔ 3:12 - Katɔti Ɔku Kedee

¹² Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Hebriƒuɔ 3:12 Referans Kwoze

Yeremia 17:5

“Bekyuli bani ƒui nénwini kama bákya-mi na béti bana anu básia bekyuli bayawine ɔyikun lɛlɔ ni, ami Unwoti líwida-ma.

Yeremia 7:24

Nsu bina bati kuuku béni na bétenu-mi litemi. Bábla atuɔkplu. Na si ami líti-ma mɔɔsiaku ulu ɔdi ni, na ama beti ɔbambadi.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Yeremia 18:12

“Nsu ngyi ka bɛɛɛdubo ɔmɛni bunu na bɛvumana. Na bɛdubɔkana na bɛsu muedi bɛnini, ‘Ala ani na aasu ƒui ni, lɛdi lɛɛɛkɛ-bu. Bɔ́ɔbla bula kasusu ka butaabla atu ɔkplu ammɔ na lɛla lɛni na bɔɔyɔ́ na bɔdubo bɔbla.’

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Korintoƒuɔ 1 10:12

Ɔdi biala ɔni mɔɔkali ɔnii unye kpakplaa ni, ɔnu kaduɛ kalɛ na ulebuli.

Hebriƒuɔ 10:38

Mina bekyuli bani mɔɔsiaku-mi kama siin ni, badubulie ngba na bana bɔƒɔtaadi kemmo. Nsu bani menwini kama makya-mi ni, lɛlɔ liláyɔ-mi na bana lɛlɔ.”

Yeremia 11:8

atuɔkplu kani na binye bɛɛbla uwi ndi uwi na bíni bɛnii bilenu lɛla lɛni na mɔɔsu-mii. Na lɛla lɛni na bina likyulikpi kayi kani nkya-mii ni, kana bɔlɛ ku lɛyɔla na biinú taabla ala mmomu. Bítadi lɛla lɛni na búnyimi ɔdi lɛlɔ. Anwuɔsu ndubo bɔya na ewida asiaku-mii na bibo abi biala na ámanku-mii na bina ɔbladu kenye.”

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Yeremia 16:12

Na bɛ́bla ala ani na ásɔ ébie etulo amɛni! Bɛɛbla atuɔkplu kpakplakpa na ɔni na binu-mi litemi na bedi-ni lɛlɔ ni, ala ekpidi ani nébo-mii kasusu kani na bɛɛbla.

Hebriƒuɔ 3:10

Ɔmmɔ ɔsu na líti kɔnyi lɛ́kya kaba kammɔ. Na lɛ́su nnini, ‘Bana kayi ƒui kakɛ ulu bamba lɛlɔ, na bátanu mina lilu bátati kudii.’

Marko 13:33

Bɛsia anu na binye kagyumana, ɔsika bɛɛɛgyi limeyi lɛni na uwi ɔmmɔ wedu.

Mateo 24:4

Yesu ɔ́su-ma ɔnini, “Bɛsia anu kaduɛ na ukyuli ɔdi ulátɔlɔ-mii.

Yeremia 3:17

Yerusalem ɔma ɔmmɔ ɔdubunwini mina lɛga kadikɔ liboku lɛni lɛlɔ na nlie. Na kadi bekyuli ƒui badubo-mi butaabu. Na basɔ balasiaku bana likyulikpi ɔbladu ɔni na bana kɔyi kɔɔtina-ma kama.

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Agba 1:32

Ɔsika bekyuli bani na bana kasusu kásɔ ni, ngba bukpidi bɔni na belie ndubo-ma bɔdu. Na ala ani na badɔlɔdi baakali ka átɛ áwɔlɔ ƒui ndubo bɔya na bayii ku udu.

Marko 13:9

“Ɔlɛka amii alati binye kagyumana. Badubuƒie-mii na beti-mii besienku litemi katɛkɔ. Badububo-mii na kasalakɔ. Na ami ɔsu ni, bɛdubunye baga ku lɛlɔ badine anumi, na bɛdubɔsu-ma Katɔti litemi buni lɛmɛni.

Hosea 1:2

Katɔti ɔ́kpali-mi na ɔ́su-mi ɔnini, “Hosea, téti uleku ɔni mɔɔsiaku banana bamba na bɛwɔ, ɔsika Israel ɔ́lɛ-mi kama aani uleku utidi.”

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Kɔgya 18:21

Mɔɔdi Unwoti ɔda bubo lɛlɔ. Na ńtedeyi ńtalɛ nwuna ulu lɛlɔ na lɛ́ƒiɔ-nwu.

Hiob 22:17

Bekyuli bammɔ néni Katɔti Ɔyikune Ƒui na bákali banii uuubo ɔyikun ɔdi bana lɛlɔ.

Romaƒuɔ 11:21

Ɔsika si Katɔti útenye útada Yudaƒuɔ bani nse aani kugyii kɔmmɔ ɔlati kɔgba bɔƒɛ ni, bɛɛkali ka ɔdubunye ɔda amii amu?

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Marko 13:23

Anwuɔsu binye kagyumana! Lɛ́su-mii lɛla biala líse asa na uwi ɔmmɔ wedu.

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Hiob 21:14

Nsu baasu Katɔti banini, ‘Nyonu-bu! Buláwia ƒula lilu lɛdi bɔnii bɔɔnu bɔti.

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Hebriƒuɔ 3:19

Anwuɔsu bɔ́nu bɔ́ti ka ɔni na bátaƒɔ-nwu bátadi ɔsu na bátakana-nwu bɔni bude na bakɛ bɔnwuna.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Hebriƒuɔ 10:31

Liƒu lɛla bonwu lɛdi si Katɔti ɔni nli ngba uwi ƒui ɔ́da-a na kɔnyi kemmo.

Hebriƒuɔ 12:22

Biiise aani Israelƒuɔ bammɔ. Mmomu amii ni, Sion Kɔbi kudɔ na bíbo bínye ɔni ndi Katɔ Ɔga Ɔma Yerusalem ɔni ndi Katɔti ɔni nli ngba uwi ƒui ɔma unengudi. Katɔti batu mpim mpim kasala bani na lɛlɔyɔ lɛ́ƒɔ-ma kemmo na bíbo bíbasiaku.

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’