Hebriƒuɔ 3:10 - Katɔti Ɔku Kedee

¹⁰ Ɔmmɔ ɔsu na líti kɔnyi lɛ́kya kaba kammɔ. Na lɛ́su nnini, ‘Bana kayi ƒui kakɛ ulu bamba lɛlɔ, na bátanu mina lilu bátati kudii.’

Hebriƒuɔ 3:10 Referans Kwoze

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Kɔgya 67:2

Na aya na bekyuli ƒui banu ƒula lɛƒɔyɔ bati. Na banu bati lɛnɔ kalɛ na aaƒɔ́ teete bekyuli na kayawi ƒui.

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Yohane 8:45

Nsu ka mɔɔsu-mii litemi geen lɛmɛni ɔsu ni, bilaƒɔ-mi taadi.

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Yesaia 28:7

Na Katɔti bakpane ku Katɔti kenye bediene ƒui benye baabla ntɛ ekpila na ntɛ kpakplaa bɔni ɔsu. Na baagbánta si baanu kɔyu kemmo ala iye baadi kasusu kpakplaa kadi na lɛla lɛdi lɛlɔ. Na ntɛ bɔ́ya na béƒu bakɛ.

Kɔgya 147:20

Útabla ɔmɛni útete kadi bamba bekyuli badi kudii. Na baaagyi kalɛ na ɔɔtɛ litemi lɛnɔ. Bɛya na bumwi Unwoti.

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Romaƒuɔ 3:7

Ukyuli ɔdi ɔkana na uye ɔnini, “Nsu si mina ala ani na naaabla ulu lɛlɔ mɔɔyá na Katɔti litemi geen lɛmmɔ liigyingya na beemwi-nwu ni, bi ɔsu na bɛɛdú-mi kɔtɔ ka ukyuli ukpidi na ndi?”

Kɔgya 78:40

Bekyuli bamɛni báta bénye-nwu lɛlɔ kɔlɛ kɔlɛ na kalɔ kakwiidi kemmo mmɔ, na báya na kayi kaakpulu-nwu geen.

Ala Kalɔ Buse 6:6

Na úduo Unwoti ka údie ukyuli ɔ́kya kalɔ lɛlɔ. Na nwuna kayi kénu ɔlɛ geen.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Mateo 20:24

Amu uwi ɔni na batɛyane leevu bakladi bénu ka banwani bammɔ baayɔ́ ka badi-ma lɛlɔ ni, béti kɔnyi geen!