Hebriƒuɔ 13:8 - Katɔti Ɔku Kedee

⁸ Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Hebriƒuɔ 13:8 Referans Kwoze

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Hebriƒuɔ 1:12

Adubɔƒɛ-nya asala aani kalɛ na baaƒɛ awu. Na aani kalɛ na baavumana adala ni, lɛni kani na Katɔti ɔdubo ala ammɔ bɔvumana. Nsu kalɛ kani na awɔ ese ni, lɛni na adubo buse. Na ƒula akwa alása kudii.”

Yesaia 44:6

“Ami ndi Unwoti Ɔyikune Ƒui, udeedi ku ukplodi, Israel Katɔti unwi ɔni kani nkya, na ndi bina Ɔga ɔni náƒɔ-mii ngba.

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Kɔgya 103:17

Nsu bekyuli bani mɔɔyia Unwoti ni, ama na ɔɔyɔ́ úsela uwi ƒui. Na nwuna lɛƒɔndia ku ala bɔbla ulu lɛlɔ siin use ute bana bawɔ bawɔ

Yesaia 41:4

Ɔma mɔɔyá na ala amɛni aalɛ́ na ɔɔnu ana bɔlɛ lɛlɔ na kaba kaba bekyuli akɔ ɔ́si kalɔ kesekɔ útédu kawɔlɔkɔ? Ami Unwoti na ɔdi! Ami nli asa na lɛla biala lɛdubuse kalɔ na ndubo bulie na lɛla biala libo kawɔlɔkɔ.”

Kɔgya 90:4

Ɔsika akwa apim unwi use awɔ aani kaama kadi kani návi iye uwi klukui na usien kemmo.

Budie Taatina 1:4

Ami Yohane muunweni ɔku ɔmɛni lite amii baƒɔtaadine akpa maatɛ ani nkya Asia kalɛkɛ lɛlɔ. Bɛkɛ lɛƒɔndia ku keyi buɛɛ bɛsiku Katɔti ku nwuna Kɔyu ku Yesu Kristo kudɔ. Katɔti ndi anwu ɔni nli ɔ́si kukuuku, na ulie ɔƒɛni, na ɔdubo bulie uwi ɔni mebo ƒui. Na Katɔti Kɔyu ndi anwu ɔni mbo ɔyikun maatɛ ɔni nnye Katɔti lɛgaboku anumi.

Korintoƒuɔ 2 1:19

Katɔti Ubidi Yesu Kristo ɔni lɛlɔ litemi lɛsa na ami ku Silivano ku Timoteo bɔɔkɔ́ teete-mii ni, ɔɔɔdi ɛɛn ku oowo ukyuli. Mmomu ɔdi ukyuli ɔni litemi ndi ɛɛn uwi biala.

Budie Taatina 1:11

Lɛdi lɛmmɔ lɛ́su lɛnini, “Nweni lɛla lɛni na ánu se na eti-ni esienku baƒɔtaadine akpa maatɛ na lɛma linengudi lɛdi kemmo. Ani ndi Eƒeso ku Smirna ku Pergamo ku Tiatira ku Sardi ku Ƒiladelƒia ku Laodikea.”

Ala Kalɔ Buse 21:33

Na Abraham ɔ́lɛ ɔyuli kugyii kɔdi na Beer-Seba mmɔ. Na mmɔ na ɔ́kpali Katɔti lɛnyi ɔnii, Unwoti, Uwi Ƒui Katɔti.

Israelƒuɔ Bɔlɛ 3:14

Amu na Katɔti ɔ́su-nwu ɔnini, “Si béye-ɔ mina lɛnyi ni, na asu-ma anii, ‘Ami baalɔ Ami Ndi Ami.’ Na asu-ma ka ‘Ami Ndi Ami nátala-mi ɔ́kya-mii.’ ”

Korintoƒuɔ 2 1:20

Ɔsika Katɔti kenye biala na úse-bu úse ni, kébo kéte lɛni na Yesu Kristo lɛlɔ. Ɔmmɔ ɔsu na bɔɔsu na nwuna lɛnyi kemmo bɔnii, “Ɔsia lɛni.” Na buti bumwi bute Katɔti.

Yuda 1:25

Anwu ɔmmɔ ndi Katɔti unwi pɛ ɔni náƒɔ-bu ngba ɔkɛ Blɔti Yesu Kristo lɛlɔ. Anwu na buumwi, ɔsika anwu mɔɔdi lɛga na ɔɔdi ala ƒui lɛlɔ ku ɔyikun ɔ́si kukuuku ku uwi ɔmɛni kemmo ku ɔni mebo lɛnɔ kemmo. Ɔsia lɛni.