Hebriƒuɔ 13:7 - Katɔti Ɔku Kedee

⁷ Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Hebriƒuɔ 13:7 Referans Kwoze

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Ƒilipiƒuɔ 3:17

Banwa, bisie anumi na bitaatɛya mina udu, na bɛtɛya udu ɔbuni bɛsiaku bani nli ngba bɔbuni bɔni na búlie bɔtina-mii lɛlɔ.

Hebriƒuɔ 6:12

Buláwia ka bitaabla kɔkɔsɔ. Mmomu bɛtɛya bekyuli bani nákɛ kayi buɛɛ na báƒɔ bádi ɔsu na kɔnu kútuku-ma linyese lɛni na Katɔti úse-ma mmɔ.

Tesalonikaƒuɔ 1 1:6

Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Timoteo 1 3:5

Na si ukyuli ɔdi ɔkya na ulákana nwuna kaduli bekyuli lɛlɔ bɔnu ni, agyi anii ulakana na watɔnku Katɔti baƒɔtaadine.

Hebriƒuɔ 13:24

Bigyele bina batɔnkune ƒui bite-bu ku Katɔti bekyuli bammɔ ƒui. Banwa bani nkya Italia ƒui beegyele-mii.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Korintoƒuɔ 1 4:16

Anwuɔsu ni, muuvele-mii nnii bɛsiaku mina ɔbladu kama.

Romaƒuɔ 10:17

Anwuɔsu ni, bɔƒɔtaadi bunye litemi lɛmmɔ bunu lɛlɔ. Na litemi lɛmmɔ bunu lɛkɛnku Kristo litemi lɛlɔ.

Batalane Kabla 4:31

Ka bévele Unwoti ɔmɛni báwɔlɔ ni, ɔtɔ ɔni kemmo na bakya mmɔ ɔ́kunku na Katɔti Kɔyu kɔ́ƒɔ bana ƒui lɛlɔ kemmo, na bése kalɔ baasu litemi buni lɛmɛni ku kayi buse.

Lɛnu Ƒui Ɔnu 1:8

Beleku babuni ƒui ɔbuni, bɔsu na ada anii aaagyi kesii kammɔ? Amu ni, Ɔyɔne, siaku baƒonu bammɔ agyobi kanyakɔ na etiku ƒula bese na batádi na baƒonu badane nvo anumi.

Budie Taatina 6:9

Amu na Koƒonu Ubi ɔmmɔ ɔ́mami likpo lɛlɔndi. Na lɛ́nu ayu adi na katɔ ka enye lɛbi lɛni lɛlɔ na baakpá mmɔ kalɔ. Badi bekyuli bani ƒui na bádu ayu ka básu Katɔti litemi buni ɔsu. Ama ndi bani nédie ala ammɔ kenye na ulu lɛlɔ.

Budie Taatina 20:4

Na ɔmɛni kama ni, lɛ́nu agaboku adi. Na bekyuli bani na Katɔti úte ɔyikun ka batɛku bekyuli litemi ni, belie-nya lɛlɔ. Na lɛ́nu bekyuli babambadi ayu. Ama ndi bani nédie Blɔti Yesu kenye na básu Katɔti litemi. Anwuɔsu kayawi bekyuli békulo-ma eli. Ama ndi bani nétemwi eƒiebuo ɔmmɔ iye eƒiebuo ɔmmɔ baƒiɔ bani bése béte lɛlɔ ka bataakpa. Na bátasia-ma nwuna likpose lɛdi na bana atɛntɛ iye enu lɛlɔ. Bekyuli bamɛni básɔ báta bébelie ngba na bádiku Kristo lɛga akwa apim unwi.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Tesalonikaƒuɔ 2 3:9

Bubo ɔyikun ka nka buti bula etila bɔsia-mii lɛlɔ. Nsu ka bɔɔyɔ́ ka bɛtɛya kalɛ na beenye kabla lɛlɔ ɔsu ni, bútabla lɛni.

Korintoƒuɔ 1 11:1

Bɛnu mina ɔbladu bɛtɛya aani kalɛ na ami lɛnɔ mɔɔnu Kristo ɔdi taatɛya.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Luka 8:11

“Lɛgba lɛni na líbo kalɔ bunu ndi ɔmɛni. Edula ammɔ ndi Katɔti litemi.

Tesalonikaƒuɔ 2 3:7

Amii alati bɛgyi kaduɛ ka ɔdi ka bɛbla kabla aani kalɛ kani na abu lɛnɔ bɔ́bla, ɔsika bútabla kɔkɔsɔ uwi ɔni na bɔ́kya-mii kudɔ.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Luka 5:1

Limeyi lɛdi ni, Yesu unye ɛpu ɔni baalɔ banii Genesaret kɔtu, na bekyuli baanwanɛ lɛlɔ kalɛ na bakpɛ bede-nwu na benu Katɔti litemi lɛni na ɔɔsu.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.