Hebriƒuɔ 13:6 - Katɔti Ɔku Kedee

⁶ Anwuɔsu bɔɔsu ku kayi ƒui bɔnini, “Blɔti ndi mina ubunkune, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?”

Hebriƒuɔ 13:6 Referans Kwoze

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Kɔgya 124:8

“Unwoti ɔni nédie katɔ ku kalɔ ni, anwu nédie-bu.”

Hebriƒuɔ 4:16

Anwuɔsu bɛya na buti bula lɛlɔ ƒui bute-nwu na bɔkpɛ bude-nwu na nwuna lɛgaboku kudɔ ku kayi buse ka ubo lɛƒɔndia ɔsu. Na ɔkɛnku nwuna lɛƒɔndia ɔsu ni, ɔdubɔnu-bu kɔnyana na ubunku-bu uwi biala na búvele-nwu lɛla lɛdi.

Kɔgya 56:4

Katɔti ƒula lɛlɔ na mina anu asia, anwuɔsu na naaayia. Na muumwi-ɔ na ƒula kenye kani na ásu ése ɔsu. Ukyuli ɔyawine ulakana-mi lɛla lɛdi bɔbla.

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Kɔgya 54:4

Unwoti Katɔti, awɔ ndubo-mi bubunku kalɛ na neeebuli.

Kɔgya 33:20

Abu ni, Unwoti lɛlɔ na bula anu asia. Na ɔdi bula ɔgyumanane ku bula ubunkune.

Kɔgya 63:7

Ɔsika awɔ kani muubunku-mi uwi biala na ƒula avwi ɔyuli kalɔ na muudie ɔnu na lɛlɔ lɛɛyɔ́-mi.

Kɔgya 94:17

Si ɔɔɔdi Unwoti nébunku-mi ni, nka líkpi na ami ɔdi ɔ́sa.

Kɔgya 40:17

Na ami amu ni, ɔwabane na ndi na mɔɔyáki ala pii. Anwuɔsu ya na ƒula anu asia-mi lɛlɔ. Awɔ muubunku-mi na aaƒɔ́-mi. O Katɔti, tetu uwi.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Eƒesoƒuɔ 3:12

Ɔmɛni ɔsu na bunye kpakplaa na búti bula kayi ƒui bɔ́sia-nwu lɛlɔ ka si bɔ́blaku-nwu unwi na bɔ́ƒɔ-nwu bɔ́di ni, na bɔkɛ ulu ƒaa na bɔda bɔlɛ Katɔti anumi ku kayi buse.

Lɛkpa Ulu 33:29

Israelƒuɔ, bɛya na lɛlɔ lɛyɔ-mii. Ɔsika bekyuli badi beeebo aani bina kalɛ. Bɛdi bekyuli bani na Unwoti náƒɔ-mii ngba. Na Unwoti ɔlati ndi bina ekpola. Na biti-nya bikpo bɛdi lɛlɔ. Na bina bekisine badububo bebevele-mii ka bɛnu-ma kɔnyana. Nsu bitenu kalɔ, na bibo-ma bɛdu ƒui.”

Yesaia 41:14

Amii Israel kadi bekyuli, bɛda lɛlɔ bukpoku bɛya ina bekyuli baanu-mii aani liklubi iye biiimomo na bɛɛɛdi lɛla lɛdi. Amii ndi Israel Katɔti kedee ɔni mɔɔgyumana-mii na mɔɔƒɔ́-mii ngba.

Kɔgya 27:9

Ɔmmɔ ɔsu ni, O mina Unwoti Katɔti, awɔ lɛnɔ tada ƒula anumi tedie-mi lɛlɔ. Na teti kɔnyi takya ƒula kabla ɔblane na abɔku-nwu. Ɔsika awɔ ndi mina ɔƒɔne ɔni muubunku-mi.

Kɔgya 146:3

Biteti anu bitasia bagadine lɛlɔ iye bayawine bebi badi lɛlɔ, ɔsika ɔdi ulakana-mi bubunku.

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.

Israelƒuɔ Bɔlɛ 18:4

Na ubidi unyɔdi baalɔ Elieser ɔni kalɔ ndi mina udiene, ɔsika Mose ɔ́su ɔnini, “Mina ɔti ɔdi Udiene Katɔti, ɔsika údie-mi ɔ́lɛku Egyipte ɔga enu kemmo.”

Hebriƒuɔ 10:19

Ɔmɛni ɔsu ni, banwa, ulu ɔtɛ ute-bu ka bɔkana na buduo katɔma kani nse kedee ntulo ƒui mmɔ kemmo ɔkɛnku Yesu ubugya lɛlɔ.

Samuel 1 23:17

Ɔ́su-nwu ɔnini, “Tayia, mina ɔti Saul kɔnu kulétuku-ɔ. Geen ni, awɔ ndubo ebenwini Israelƒuɔ ɔga na ami ndubɔbla ƒula ubunkune. Na mina ɔti muedi ɔgyi ɔmɛni lɛni.”

Baga 1 17:8

Amu na Unwoti ɔ́su Elia ɔnini,