Hebriƒuɔ 13:5 - Katɔti Ɔku Kedee

⁵ Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Hebriƒuɔ 13:5 Referans Kwoze

Lɛkpa Ulu 31:8

Na Unwoti ɔlati ɔdubɔtɔnku-ɔ. Na ulálɛ-ɔ kama iye ɔnyonu-ɔ. Anwuɔsu taya na enu áƒɛ-ɔ iye liƒu lɛda-a.”

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Lɛkpa Ulu 31:6

Bɛya na anumi egyie-mii na binye kpakplaa. Bitayia-ma. Na bina Unwoti Katɔti ɔlati ɔdubɔkya-mii akɔ. Na ulénwini kama ulakya-mii iye ɔda-mii ɔnyonu.”

Samuel 1 12:22

Nwuna lɛnyi bonwu lɛni náƒɔ kuye ɔsu ni, Unwoti ɔɔɔdubo nwuna bekyuli buni, ɔsika ɔɔyɔ́-nwu kaƒɔ ka ɔbla-mii nwuna kadi bekyuli.

Yesaia 41:17

“Uwi ɔni na bawabane ku bani na bese kpɛtɛ kpɛtɛ beekpi utukwɛ na balakɛ ntu na bani ni, ami Unwoti Israel Katɔti ndubo na mbedie-ma na naaayiƒala-ma kudii.

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Kɔgya 37:25

Ɔ́si mina lɛnamu uwi úti úbedu ɔni na lɛ́ɛbi lɛlɔ mɛni ni, ńtanu ka Unwoti Katɔti údie ukyuli ɔni nse siin ɔdi atu kudii. Na ńtanu ka nwuna bebi bakɛ beteevele asa na badi.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Ala Kalɔ Buse 28:15

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Mateo 6:25

Anwuɔsu mɔɔsu-mii nnii biteti kasusu pii na bɔdi ku bɔni iye bina adala lɛlɔ. Ɔsika ngba bɔƒɔ kuye butulo adila. Na ɔlɔna lɛnɔ ɔ́ƒɔ kuye utulo adala.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Mateo 6:34

Anwuɔsu biteti kasusu pii na kadi kani nétegye tɔ lɛlɔ. Limeyi lɛmmɔ alatidi lɛdanku nina etila. Útalɛka biti etila bamba bibunku limeyi lɛmmɔ adi lɛlɔ.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Luka 3:14

Bekpone badi lɛnɔ béye-nwu banini, “Na abu nɔɔ? Bi na ɔlɛka bɔbla?” Amu na ɔ́su ama lɛnɔ ɔnini, “Bɛya na bina lɛyuƒɔla lɛda-mii ebiti. Na bɛsɔ bitasia ɔmɛni kama bitanya ukyuli ɔdi bitamana na bɛƒɔ-nwu egulabi adi iye bitadu ukyuli ɔdi kɔtɔ na ulu ukpidi lɛlɔ.”

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Kɔgya 119:36

Ya na ƒula ɔda bubo lɛlɔ bɔdi butaada-mi ɔkwɛ teetulo kalɛ na lɛkɛ lɛkɛ.

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Eƒesoƒuɔ 5:5

Ɔsika amii alati bɛgyi bise ka ukyuli ɔni mɔɔbla lɛnungyie lɛni ndi lɛƒiɔkpa iye ɔni mɔɔbla lɛsɔnɔdi iye lɛyalɛ ni, uuubo kadikɔ kadi na Kristo ku Katɔti lɛgadi kemmo.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Israelƒuɔ Bɔlɛ 2:21

Mose únu kalɔ ka ɔsɔ ɔkya ɔnana ɔmɛni kudɔ, na ɔnana ɔmmɔ úti ubidi ulekubi Sipora úte-nwu ɔnii uti.

Eƒesoƒuɔ 5:3

Ka Katɔti bebi bɛdi ɔsu ni, bɛda lɛlɔ bidie lɛsɔnɔdi ku lɛyalɛ ku lɛnungyie ƒui kemmo. Ɔsika ala amɛni udu átamanku ka balɔ-nya anyi muedi na Katɔti bekyuli kedee akɔ.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Marko 7:22

ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Romaƒuɔ 1:29

Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Yosua 7:21

Uwi ɔni bunye kekpo kemmo ni, mmɔ na lɛ́nu Babilon awu buni gyɔlɔɔ ɔdi ku sika ɔƒualadi ebi aƒɔ alɔ ku sika ugyiedi ugyii unwi ɔni unu metulo sika ɔƒualadi ebi koƒo kunwi. Ka lɛ́nu ala ammɔ ni, anumi egyie-mi na líti-nya. Na adubɔnu-nya na mina kevo kemmo ka líku-nya lɛkya mina ɔtɔ kalɔ. Na sika ɔƒualadi ebi ammɔ akya-nwu kalɔ.”

Ala Kalɔ Buse 31:5

Ka bébo ni, ɔ́su-ma ɔnini, “Lɛ́nu lɛ́ti ka bina ɔti ɔbladu na mina lɛlɔ ɔ́vumana. Na ɔsɔ uuuse aani kudeedi kalɛ. Nsu na ɔmmɔ ƒui kama ni, mina Katɔti ɔni ndi mina ɔti Unwoti Katɔti uliku-mi.

Lɛkpa Ulu 4:31

Ɔsika Katɔti ubo lɛƒɔndia na ulada-mii ulanyonu iye ɔyila-mii udu na ulayiƒala bunyimi bɔni na anwu ɔlati únyimi ku bina bati kuuku.

Samuel 1 10:7

Si ala amɛni álɛ ni, kabla biala na anii aabla ni, na enye-ka lɛlɔ kpakplaa ɔsika Katɔti ulieku-ɔ.

Baga 1 6:13

Na ani ndi ka ndubulie mina kadi bekyuli Israelƒuɔ akɔ, na lɛɛɛdubo-ma bɔnyonu kudii.”

Baga 1 8:57

Na muuvele nnii Unwoti, bula Katɔti, ulieku-bu aani kalɛ na úlieku bula bati kuuku. Na utanyonu-bu iye udie-bu atu kudii.

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Mateo 6:19

“Bitatɛ akɛla bitese bitete lɛlɔ na kayawi kamɛni kemmo. Kayawi mɛni ni, kubweyi kɔdububile-nya na etili, na beyune lɛnɔ beduo beyu-nya.

Korintoƒuɔ 2 4:9

Bekisine pii basiaku-bu, nsu Katɔti útedie-bu atu. Ina ka bébo-bu banii baadú-bu muedi ni, bútekpi.

Ala Kalɔ Buse 30:31

Amu na Laban úye-nwu ɔnini, “Bi na ɔlɛka lite-ɔ?” Mmɔ ni, Yakob údie kenye ɔnini, “Tete-mi lɛla lɛdi. Nsu si adubɔkana na abla lɛla linwi lɛni na meye-ɔ mɛni ete-mi ni, ndubusie anumi na ntaanu-ɔ bebuo lɛlɔ na nteesienku-ma kadikɔ lɛnɔ.