Hebriƒuɔ 13:3 - Katɔti Ɔku Kedee

³ Na binyimo bani lɛnɔ ntɛ aban ɔtɔ aani si amii lɛnɔ na bákya ɔtɔ ku-ma ku bekyuli bani na baabla-ma kalala aani si amii muubó abi.

Hebriƒuɔ 13:3 Referans Kwoze

Mateo 25:36

Na ka nkɛ kasɔngya ni, bíte-mi adala. Na uwi ɔni na muuƒi ni, bɛ́nu-mi lɛlɔ. Ka bákya-mi ɔtɔ ni, bíbo bíbanu-mi.’

Hebriƒuɔ 10:34

Biiwuloku bani na batɛ aban ɔtɔ kɔnyana. Na bɛɛkɛ́ kayi ƒaa si ina béƒie-mii ala báƒɔ, ɔsika bɛgyi ka bibo akɛla ani ndia ntulo ammɔ na elébie kudii.

Romaƒuɔ 12:15

Bɛkɛ lɛlɔyɔ ku bani na lɛlɔ lɛɛyɔ́. Na biwuloku bani muuwulo.

Korintoƒuɔ 1 12:26

Na si lɛlɔ kakɛ kadi kakya lɛbibo kemmo ni, ɔlɔna ugyii ɔmmɔ ƒui uunú ɔlɛ na lɛlɔ ekpo akladi lɛnɔ eebó abi. Na si beemwi kakɛ kadi ni, lɛlɔ ekpo ana ƒui aakɛ́ ebiti ammɔ.

Koloseƒuɔ 4:18

Ami Paulo ɔlati mina kɔnu na líti muunweni-mii kegye kamɛni. Na bitayiƒala ka ntɛ aban ɔtɔ. Na muuvele Katɔti nnii ɔya na nwuna lɛƒɔndia lɛsiaku-mii.

Petro 1 3:8

Na ɔmɛni kawɔlɔkɔ ni, bina ƒui bɛkɛ kɔyu kemmo kasusu kenwi bɛyɔ lɛlɔ aani banwani kalɛ na bɛnu ɔdi biala kɔnyana, na biboku lɛlɔ kalɔ bite lɛlɔ.

Mateo 25:43

Ndi ɔƒɔ ḿbeduo-mii na bítaƒɔ-mi. Nkɛ kasɔngya na bítete-mi adala. Líƒi na bákya-mi ɔtɔ, nsu bítabanu-mi.’

Batalane Kabla 24:23

Na ɔ́ya bétiku Paulo bátákya ɔtɔ. Nsu ɔ́su nwuna lɛlɔ banune bammɔ ɔnii bada-nwu buɛɛ, na bete nwuna bakpana kuƒi si badi bebo-nwu kudɔ banii babanu-nwu iye beboku-nwu etela adi.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Batalane Kabla 27:3

Amu na nwuna kadi kégye ni, bútédi búnye Sidon Ketudɔ. Amu na Yulio úte Paulo kuƒi ku kaƒɔ ƒaa ɔnii uteesie ɔma kemmo na utánu nwuna bakpana kalɛ na bete-nwu ala ani na weti wesie ulu.

Ala Kalɔ Buse 40:23

Ka ala amɛni ƒui ébo ábavi lɛni ni, ntɛ lɛlɔ ɔnune ɔmɛni útenyimo Yoseƒ aani kalɛ na ɔ́su-nwu. Mmomu ɔ́yiƒala-nwu.

Hebriƒuɔ 11:37

Bébo badi atabi na bábwɛ badi lɛnɔ kemmo inyɔ. Na bádu badi ku kewii. Na badi béteenyimi baƒonu ku bese lɛku taavi, ɔsika beeebo lɛla lɛdi. Na bekyuli bábla-ma kalala, na bébo abi geen!