Hebriƒuɔ 13:12 - Katɔti Ɔku Kedee

¹² Lɛni kani na Kristo lɛnɔ úbo abi na ɔma kabanye kalɛ na ɔbla nwuna badi kedee ɔkɛnku nwuna ubugya lɛlɔ.

Hebriƒuɔ 13:12 Referans Kwoze

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Batalane Kabla 7:58

Na bákpɛ-nwu bálɛku ɔma ɔmmɔ kemmo, na bákya-nwu anumi ku atabi bubo. Na bekyuli bani nákpɛ-nwu bálɛku ni, bédie bana lɛwu béti béwi okloƒu ɔkɔdi ɔni baalɔ Saulo lɛgba lɛlɔ.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Bumomo Bɔka 15:36

Ɔmmɔ ɔsu bákpanku-nwu bálɛku na bétebo-nwu atabi aani kalɛ na Unwoti úbo-ma ɔda.

Lewiƒuɔ Ɔda Bubo 24:23

Mmɔ na Mose ɔ́su Israelƒuɔ na beti ɔnana ɔni nátɛmi enyekpi na bétébo-nwu atabi bádu. Na Israelƒuɔ bábla básia aani kalɛ kani na Unwoti úbo-ma ɔda.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Yosua 7:24

Ɔmmɔ kama Yosua ku Israelƒuɔ béƒie Akan ku bebi bananabi ku belekubi ku nwuna ɔmantɛ bakɔ ku baƒonu ku bebuo beblidi ala betine bani na ubo ku sika ɔƒualadi ku awu gyɔlɔɔ ku sika ugyiedi ugyii ku nwuna kevo ku ala ani nse-nwu, na béti anwu ku ala ammɔ ƒui bésienku kɔwɛ kɔni baalɔ banii Akɔ nwuna kalɔ ndi Lɛbibo Kɔwɛ.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Yohane 19:34

Mmomu ukpone unwi ɔ́tu-nwu ɔƒɛnyi ɔ́ƒuala ku nwuna lɛtula. Na mmɔ mmɔ ni, ubugya ku ntu bɔ́lɛ.

Luka 4:29

Na báta bénye na bátákpɛ Yesu bálɛku ɔma ɔmmɔ kemmo bétényene kɔwɛ kɔdi kɔtu ku kasusu ka bebo-nwu batákya kɔwɛ kemmo.

Hebriƒuɔ 10:10

Na Katɔti ɔ́bla-bu kedee na nwuna bɔyɔ kenye ɔkɛnku kalɛ na Yesu Kristo úti nwuna ɔlɔna ɔ́kpa úte-nwu kunwi pɛ kani úte uwi ƒui ɔsu.

Budie Taatina 14:20

Na ɔ́ni-ma kɔtu na ɔma ɔmmɔ kabanye aani kalɛ na baamana ntu teedie ebi ammɔ kemmo. Na ubugya ɔ́gba ɔ́si mmɔ, na ɔ́ƒɔ kalɛkɛ kammɔ ƒui. Na ubugya ɔmmɔ bɔgyu ɔdubudu ukyuli limɔ.