Hebriƒuɔ 12:9 - Katɔti Ɔku Kedee

⁹ Ɔmɛni kama bubo bati bani náwɔ-bu na kalɔ kamɛni lɛlɔ na baaní-bu kɔtu na bɔɔbu-ma lɛnɔ na ɔmɛni ɔsu. Anwuɔsu ɔlɛka buboku lɛlɔ kalɔ bute Katɔti ɔni ndi bula kɔyu kemmo Ɔti kalɛ na bulie ngba.

Hebriƒuɔ 12:9 Referans Kwoze

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Bumomo Bɔka 27:16

“Unwoti Katɔti, awɔ ndi bayawine ƒui ayu ngba kasikɔ, muuvele-ɔ nnii die ɔtɔnkune te ƒula kadi bekyuli bamɛni

Yesaia 42:5

“Ami ndi Unwoti Katɔti ɔni nédie katɔ lɛ́ƒala kayaa. Na ami nédie kalɔ ku ala ani na akya-ka kemmo ƒui. Na bekyuli bani ƒui nli kalɔ lɛlɔ ni, ami muute-ma ngba ku ɔƒɛƒɛɛ ɔni na baanwuna.

Yohane 3:6

Ɔsika ukyuli ɔni na ɔlɔna kemmo na básia báwɔ-nwu ni, ɔdi ɔlɔna kani. Nsu Katɔti Kɔyu kɔdubɔwɔ kɔyu kemmo bekyuli.

Hiob 12:10

Na Unwoti lɛkɔkɔ kemmo na lɛla lidiedi biala lɛkya. Na anwu muute ɔyawine biala ngba ɔƒɛƒɛɛ ɔni na ɔɔnwuna.

Sakaria 12:1

Linyesia lɛmɛni lɛdanku Israel na lɛ́si Unwoti kudɔ lɛnini, “Ami ndi Unwoti! Na ami nébimi kayaa lɛ́ƒala katɔ, na lɛ́ya na kalɔ kenye kana ɔka lɛlɔ, na líti ɔƒɛƒɛɛ líte ukyuli na ɔɔnwuna.

Israelƒuɔ Bɔlɛ 20:12

Bu ƒ'ɔti ku ƒ'ini na adubulie ngba gyɔlɔɔ, na keyi kayɔku-ɔ na kalɔ lɛlɔ, kalɔ kani na ami Unwoti ƒula Katɔti ndubuti lite-ɔ.

Yesaia 38:16

O Unwoti, ƒula ablala ku kenye litemi kemmo na ukyuli ɔɔkɛ́ ngba. Na mmɔ kani na ami lɛnɔ ndubɔkɛ mina kɔyu kemmo ngba. Anwuɔsu muuvele-ɔ nnii bwi-mi na ásɔku ɔlɔkplu éte-mi.

Petro 1 5:6

Anwuɔsu bɛya na Katɔti ɔyikun utaadi-mii lɛlɔ. Na watalaku-mii katɔ na uwi ɔni lɛlɔ na ɔɔyɔ́.

Yakobo 4:7

Anwuɔsu biboku lɛlɔ kalɔ bite Katɔti. Bitatunaku ukisine ɔmmɔ, na ɔdubukeli-mii kudɔ.

Yesaia 57:16

Mina kadi bekyuli, lɛɛɛdubo kɔnyi buti bɔsɔ bulie butaadu-mii kɔtɔ kani. Ɔ́bla bi ɔ́bla dɛ ni, ami nédie-mii líboku kayawi. Anwuɔsu lɛɛɛdubo bɔya na enu aƒɛ-mii na bɛyila lɛnunsia ƒui.

Lewiƒuɔ Ɔda Bubo 19:3

“ ‘Ɔdi biala uti ɔbu ute ɔti ku uni. Na bɛdi mina Lɛnwunameyi lɛlɔ kaduɛ. Ami ndi Unwoti bina Katɔti.

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.

Agba 30:17

“Anumi ani mɔɔnu ɔti ɔnusɛ teedumi na ulánu ɔnii ɔ́manku ka unu uni litemi ni, baasɛ bekpidi bani nkya kɔwɛ kemmo ndubo bebedie-ma anumi na livuo kemmo na begbini baduli-ma bebweli ƒui.

Lɛkpa Ulu 27:16

‘Ewida asiaku ukyuli ɔni naaabu ɔti iye uni.’ Na ɔlɛka bekyuli ƒui batuna banii, ‘Ɔsia lɛni.’

Etemila 12:7

Lɛni na bula ɔlɔna ɔɔsɔ teenwini teesie kalɔ kemmo na ɔƒɛƒɛɛ ɔni nkya-bu lɛlɔ kemmo uute-bu ngba mmɔ ɔsɔ uunwíni teesie Katɔti kudɔ.

Yakobo 4:10

Biboku lɛlɔ kalɔ bite Blɔti, na ɔdubɔtalaku-mii katɔ.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Romaƒuɔ 1:3

Linyese lɛmɛni lɛkɛnku Katɔti Ubidi ɔni ndi Blɔti Yesu Kristo lɛlɔ. Báwɔ-nwu aani ɔyawine kalɛ na ɔdi Dawid kaba kemmo ubi.

Batalane Kabla 2:30

Nsu ɔdi Katɔti kenye udiene. Na Unwoti úse kenye úse ka wabla Dawid kaba kemmo ubi na wadi lɛga aani Dawid ɔmmɔ kalɛ kani.

Luka 18:2

Ɔ́su ɔnini, “Litemi ɔtɛne ɔdi ɔ́kya ɔma ɔdi kemmo ɔni na uláyia Katɔti na uláƒalɛ ukyuli lɛnɔ.

Luka 18:4

“Ɔbla uwi pii ni, litemi ɔtɛne ɔmmɔ úni na útabla lɛla lɛdi na litemi lɛmmɔ lɛlɔ. Nsu kawɔlɔkɔ ni, ɔ́su nwuna lɛlɔ ɔnini, ‘Ina ka naaayia Katɔti na naaaƒalɛ ukyuli ni,

Budie Taatina 22:6

Amu na Katɔti ɔtu ɔmmɔ ɔ́su-mi ɔnini, “Etemila amɛni adi ukyuli kama kekpokɔ na adi etemila geen. Na Unwoti Katɔti ɔni muuti nwuna Kɔyu teete nwuna kenye bediene ni, anwu nátala nwuna ɔtu ɔnii ubatina nwuna kabla ɔblane ala ani ndubo abalɛ na uwi klukui kemmo.”

Yesaia 45:10

Bebi beeebo kuƒi ka beye bana bawɔne banini, ‘Dɛ na bɛ́bla na bɛ́wɔ-bu na bɔdi bekyuli bani na bɔdi?’ ”