Hebriƒuɔ 12:2 - Katɔti Ɔku Kedee

² Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 12:2 Referans Kwoze

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Luka 24:26

Bɛɛɛgyi bɛnii ɔlɛka Ukyuli Ɔƒunadi ɔmmɔ ubo abi amɛni udu asa na uduo nwuna lɛga bɔdi bukeye kemmo?”

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Yesaia 45:22

“Bɛlɔ kayawi bekyuli ƒui na bebo-mi kudɔ na bakɛ ngba bɔƒɔ. Ami lɛti kani ndi Katɔti! Na badi baasɔ baaadi lɛla geen lɛdi.

Yuda 1:21

Bɛda lɛlɔ na bitaayɔ Katɔti uwi ɔni na binye bɛɛnu ulu ka Yesu Kristo wanu-mii kɔnyana na bɛkɛ ngba bɔni nsɔ naaadubo bɔsa kudii.

Hebriƒuɔ 8:1

Lɛla lɛni geen na bɔɔyɔ́ budie bɔtina na litemi lɛmɛni kemmo ndi ka ni, bubo ɔkpane unengudi ɔmɛni ɔni nlie kesii kani náƒɔ kuye na Katɔti lɛgaboku kudɔ na katɔ.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Ƒilipiƒuɔ 3:20

Nsu abu ni, bula ɔma ndi Katɔ Ɔga Ɔma. Na bunye bɔgya bula Ɔƒɔne ɔni ndi Blɔti Yesu Kristo.

Marko 14:36

Amu na ɔ́su ɔnini, “Ati, mina Ɔti! Akana na abla lɛla biala. Si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Yesaia 8:17

Ndubunye ntaanu mina Unwoti anumi, ɔni nábɛla nwuna anumi ɔ́siku Yakob kaduli bebi kudɔ. Ndubuti mina anu ƒui lɛsia Katɔti lɛlɔ.

Budie Taatina 2:8

Na ɔ́su-mi ɔnini, “Nweni te Smirna baƒɔtaadine lɛkpa ɔtu anii, “Ami Yesu ndi Udeedi ku Ukplodi. Na líkpi, nsu lɛ́sɔ lɛ́ta líbo nli ngba. Na ami mɔɔsu kenye kamɛni.

Hebriƒuɔ 13:13

Anwuɔsu ni, bɛya na busie butásiaku-nwu na kabanye mmɔ na bakya-bu kɔƒa kɔni bákya anwu lɛnɔ.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Luka 17:5

Yesu batalane bévele Yesu banii, “Blɔti, ya na bula bɔƒɔtaadi bumomo bubu.”

Marko 9:24

Kɔnakunwi ni, ubi ɔti ɔmmɔ ɔ́va momoomo ɔ́su ɔnini, “Mbo bɔƒɔtaadi, nsu buuumomo. Bunku-mi na lɛkɛ bɔƒɔtaadi libu!”

Hebriƒuɔ 12:3

Bɛtɛya Yesu ɔni nákya ɔkplu na úbo abi na ala ekpidi bablane bamɛni enu kemmo, kalɛ na enu alaƒɛ-mii na binwini kama.

Eƒesoƒuɔ 2:16

Na lɛnɔ ni, Kristo kukpi na ugyii lɛlɔ ɔ́klibi bana inyɔ ƒui ku Katɔti ntɛ, na ɔ́da bukisi ala ani ƒui ńkya-ma ntɛ údie, na bábla unwi ku Katɔti.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Yohane 12:32

Na si uwi ɔni na bekyuli bákɔliku-mi katɔ ni, ndubɔya na bekyuli ƒui bebo-mi kudɔ.”

Kɔgya 138:8

Na ngyi ka kasusu kani na Unwoti ubo ute-mi kadubo-nwu kemmo lɛni. Ɔsika aayɔ́-bu uwi ndi uwi. Na buuvele ka awɔlɔ ƒula kabla kani kalɔ na ése na bula akɔ.

Petro 1 1:11

Básia ulu biala lɛlɔ ka bati uwi ku ukyuli ɔni lɛlɔ na ala amɛni adubɔlɛ. Na Kristo Kɔyu náƒɔ-ma lɛlɔ kemmo na kɔ́ya na básu-bu ala bése. Kɔyu kɔmmɔ kɔ́su kúse kalɛ na Kristo ɔdubo abi bubo ku kalɛ na lɛlɔ lɛdubo-nwu bɔyɔ na ɔmmɔ kama.

Hebriƒuɔ 10:14

Ɔsika ɔkɛnku kunwi kɔni na úti lɛlɔ ɔ́kpa mmɔ ɔsu ni, ɔ́wɔlɔ nwuna kabla úte bekyuli uwi ƒui kalɛ na babla kedee.

Yohane 12:24

Na mɔɔsu-mii geen ka ni, lɛntabi lilemomo teetulo linwi lɛni kani na lɛdi, amu ntu béti-ni bákya kalɔ na libu. Na si líbu lɛni ni, uwi ɔmmɔ kama asa na liimomo teenwini antabi pii.

Yohane 8:56

Ebiti áda bina ɔti Abraham ka ɔ́ti ka ndubo. Anwuɔsu úti anu ɔ́sia mina bubo lɛlɔ ku lɛlɔyɔ.”

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Luka 23:11

Herode ku nwuna bekpone báma Yesu na bédumi-nwu. Na béti awu gyɔlɔɔ ɔbuni ɔdi bákya-nwu aani ɔga kalɛ, na básɔku-nwu bémene Pilato.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.

Budie Taatina 1:11

Lɛdi lɛmmɔ lɛ́su lɛnini, “Nweni lɛla lɛni na ánu se na eti-ni esienku baƒɔtaadine akpa maatɛ na lɛma linengudi lɛdi kemmo. Ani ndi Eƒeso ku Smirna ku Pergamo ku Tiatira ku Sardi ku Ƒiladelƒia ku Laodikea.”

Hebriƒuɔ 7:19

Ɔsika ɔda bubo bɔni na Katɔti úte-bu ɔkɛnku Mose lɛlɔ ni, bútabla Katɔti kabla bútawɔlɔ. Na ɔƒɛni ni, bɔ́kɛ lɛnunsia lɛni ndia ntulo na lɛɛyá na bɔɔní teede Katɔti.

Hebriƒuɔ 1:13

Ɔɔɔdi Katɔti ɔtu ɔdi na Katɔti ɔ́su ɔnini, “Sɔ lie keliekɔ kani náƒɔ kuye ketulo ƒui na mina kɔdianu kakɛ wetédu uwi ɔni na meti ƒula bekisine makya-a lɛgba kalɔ.”

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Marko 9:12

Yesu ɔ́su-ma ɔnii, “Sɔsɔ na básu. Elia na ɔlɛka ɔka bubo kalɛ na wabaklibi lɛla biala wese. Nsu Bunweni Kedee Ɔku lɛnɔ ɔ́su ka Ukyuli Ɔyawine Ubi ɔdububo abi pii na badubudumi-nwu. Dɛ bɛɛkali ka ɔmɛni lɛnɔ kalɔ kaatina?

Kɔgya 110:1

Unwoti ɔ́su mina Unwoti ɔnini, “Sɔ lie-mi kɔdianu wetédu uwi ɔni na meti ƒula bekisine makya-a lɛgba kalɔ.”

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Hebriƒuɔ 11:36

Bekyuli béwi badi anumi kalɔ na bébo-ma. Na badi lɛnɔ ni, bébo-ma kɔgba na bákya-ma aban ɔtɔ.

Hebriƒuɔ 10:33

Uwi ɔdi ni, beedumi-mii na beekpóku-mii na kadi anumi. Na uwi bamba kemmo lɛnɔ ni, bɛɛnu kalɛ na baabla bekyuli bamba lɛnɔ aani kalɛ na bábla-mii.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Korintoƒuɔ 1 1:18

Bekyuli bani na bana ɔbladu ɔ́ya na badaku bukpi na kɔyu kemmo ni, Kristo kukpi na ugyii lɛlɔ kɔtɛ kɔdi adɔlɔla kute-ma. Nsu abu bani na Katɔti ɔɔyá na bɔɔkɛ́ bɔƒɔ ni, bɔgyi ka Katɔti litemi lɛmmɔ lɛdi Katɔti ɔyikun ɔni na úte-bu.

Korintoƒuɔ 1 1:23

Nsu abu ni, Yesu ɔni na bákana bámana ugyii lɛlɔ litemi na bɔɔsu. Na litemi lɛmɛni lɛɛtu Yudaƒuɔ kayi. Na bekyuli bani naaadi Yudaƒuɔ lɛnɔ ni, beenú-ni aani adɔlɔla.

Yakobo 2:1

Banwa, ka bɛ́ƒɔ Blɔti Yesu Kristo ɔni ndi Bula Ɔbune bɛ́di ɔsu ni, bitanu anumi bitabla lɛla lɛdi.

Bumomo Bɔka 21:9

Anwuɔsu Mose úti lɛbualagyie na ɔ́vɔ kɔlakpi na úti-nwu ɔ́ƒala ugyii lɛlɔ. Mmɔ na si kɔlakpi kɔ́du ukyuli ɔdi na ɔ́talaku nwuna lili ɔ́nu kɔlakpi kɔmmɔ pɛ na nwuna ɔlɛ ɔ́ɔba-nwu.

Marko 15:28

Ɔmɛni úbo úte lɛni kalɛ na bénweni bése na Bunweni Kedee Ɔku kemmo banini, “Bádu-nwu bébunku ekpidi bablane.”