Hebriƒuɔ 12:12 - Katɔti Ɔku Kedee

¹² Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Hebriƒuɔ 12:12 Referans Kwoze

Yesaia 35:3

Bɛkya bekyuli bani na enu áƒɛ-ma na bábla kpɛtɛ kpɛtɛ ogya, na bani na bana akɔnkɔ áyɔ na aatɔ́ ayu ɔkplu.

Hebriƒuɔ 12:3

Bɛtɛya Yesu ɔni nákya ɔkplu na úbo abi na ala ekpidi bablane bamɛni enu kemmo, kalɛ na enu alaƒɛ-mii na binwini kama.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Esekiel 21:7

Na si béye-ɔ lɛla lɛni ɔsu na eedumo lɛni ni, su-ma anii énu kenye kekpidi kani mɔɔda liƒu geen na kadubɔya na ukyuli biala nénu-ka ɔtɔtɔ ɔgyu-nwu na utaatɔ ku liƒu kpakpaakpa. Na uwi ɔsɔ uletu asa na ala amɛni adubo bɔlɛ. Ami Unwoti muusé kenye kamɛni!”

Hebriƒuɔ 12:5

Munuu bɛ́ɛyiƒala Katɔti etemila ani na ɔ́su-mii úti ɔ́kya-mii ogya aani bebi kalɛ? Ɔ́su ɔnini, “Mina ubi, teti Katɔti kɔtu bɔni tabla lɛla keeke. Na enu ataƒɛ-ɔ si ɔɔdɔnku-ɔ.

Esekiel 7:17

Bina enu adubo butaatɔ na bina akɔnkɔ ayɔ.

Nahum 2:10

Niniwe ɔdi ɔ́sa ɔƒɛni amu! Bábwɛ ɔma ɔmmɔ, na liƒu bonwu líƒie bekyuli bammɔ na benye baatɔ́ kpakpaakpa, na bana anumi ábla ƒuƒuu na bɔyia ɔsu.”

Daniel 5:6

Ɔga ɔmɛni ɔ́yia geen na nwuna anumi ávumana ábla aani ɔlɛne kukuuku ɔdi, na akɔnkɔ aatɔ́-nwu, na nwuna lɛgba ƒui lɛ́bla kpɛtɛ kpɛtɛ.

Kɔgya 109:24

Lílie kɔka laa na mina akɔnkɔ aatɔ́-mi, na mina ɔlɔna ɔ́kwii útálɛ ku ekubi.

Seƒania 3:16

Uwi ɔdi ɔdubo ubédu ɔni na badubɔsu awɔ Yerusalem banini, “Sɔ tayia, na enu ataƒɛ-ɔ!