Hebriƒuɔ 12:1 - Katɔti Ɔku Kedee

¹ Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.

Hebriƒuɔ 12:1 Referans Kwoze

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Ƒilipiƒuɔ 2:16

Na bɛda ngba litemi lɛmmɔ kaduɛ. Na si bɛ́kana na bɛ́bla ɔmɛni ni, ndubɔkɛ kenyekɔ na lɛkun lɛmɛnɛ na limeyi lɛni lɛlɔ na Yesu wada walɛ. Ɔsika ɔdubɔtina ka ńtekeli usi ɔmmɔ keeke iye ńtebo abi ńtewiakun.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Galatiƒuɔ 5:7

Na nka binye kabla kammɔ lɛlɔ kaduɛ! Na ɔma náya na bɛ́da bɛ́ya, na ɔ́ya na bɛ́da litemi geen lɛmmɔ lɛlɔ bɔdi bɛ́ya?

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Timoteo 2 2:4

Ɔsika ukpone ɔni nnye nwuna kabla lɛlɔ geen ni, ɔɔwia ka nwuna ablala ada nwuna ɔtɔnkune ebiti. Anwuɔsu ɔsɔ ulakya bekyuli bani naaadi bekpone ablala kenye.

Yakobo 1:3

Ɔsika si bɛ́kana na bɛ́di ala ani muukpóku-mii lɛlɔ ka bɛ́ƒɔ Kristo Yesu bɛ́di ɔsu ni, ɔdubo-mii bubunku na bɛdubɔkana na binye lɛla biala kenye kpakplaa.

Mateo 24:13

Na ukyuli ɔni ndubɔkya ɔkplu utálɛ kawɔlɔkɔ ni, Katɔti ɔdubute-nwu ngba ƒui.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Hebriƒuɔ 6:15

Na ɔmmɔ kama ka Abraham ɔ́kɛ kayi buɛɛ na ɔ́sia Katɔti anu ɔsu ni, kɔnu kútuku-nwu kenye kani na Katɔti úse-nwu mmɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.

Luka 12:15

Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Petro 2 1:6

Na lɛla lɛni bɛgyi mmɔ lɛya na bɛkana na bɛdi lɛlɔ. Na si bɛ́di lɛlɔ ni, na bɛkana na binye kpakplaa. Na si bínye kpakplaa ni, na bɛkana na bilie ngba bɔbuni aani baƒɔtaadine kalɛ.

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.

Yesaia 60:8

“Bi nkɛ kayaa mɔɔví mmɔ aani liƒlukutu? Na use aani babloduma néveyi bésela bana kakyakɔ?

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Yohane 3:32

Na anwu muudie ala ani na ɔ́nu ku ani na únu mmɔ kalɔ. Nsu ɛlɛɛ kani mɔɔƒɔ́-nwu taadi.

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Esekiel 38:9

Nsu awɔ ku ƒula bekpone lisu bonwu lɛmmɔ bɛdubo-ma bukpo aani kalɛ na ɔƒɛƒɛɛ kpakplaa ɔɔkya ligede na bɛka bɛmana-ma aani liƒlukutu bonwu lɛdi.

Budie Taatina 13:10

Ukyuli ɔni na badubo buƒie ni, badubuƒie-nwu. Na ukyuli ɔni lɛnɔ na badubo bɔdu na ɔkɛɛ kenye lɛnɔ ni, badubo-nwu bɔdu. Ɔmɛni ɔsu ni, amii Katɔti bekyuli ɔlɛka binye lɛbibo biala kenye kpakplaa na bɛsiaku Blɔti ulu lɛlɔ.

Luka 16:28

Mmɔ ni, mbo banwani bananabi ɛlɔ. Ya na utébo-ma ɔda kaduɛ kalɛ na ama belebo likpo lɛni na lɛbibo lɛkya mɛni.’

Kɔgya 18:23

Ɔgyi kalɛ na nda lɛlɔ siin na ńtabla likpidi lɛdi.

Yohane 4:39

Uwi ɔni na Samariaƒuɔ bénu ka uleku ɔmmɔ ɔ́su ɔnii, “Yesu ɔ́su-mi lɛla lɛni na lɛ́bla na mina ngba kemmo” ni, bana akɔ pii bése kalɔ baaƒɔ́ Yesu taadi.

Yohane 4:44

Na ina ka Yesu ɔ́su dii ɔnii Katɔti kenye udiene ɔdi biala uuubo ɔbu na anwu ɔlati nwuna kalɔ lɛlɔ ni,

Galatiƒuɔ 2:2

Lísie mmɔ ɔsika Katɔti nédie ɔ́tina-mi. Na lídie ala kalɔ lɛ́tina-ma ɔkɛnku litemi buni lɛni lɛ́sa na lɛ́kɔ líte bani naaadi Yudaƒuɔ mmɔ lɛlɔ. Nsu ami ku batɔnkune bani ntɔnku baƒɔtaadine akpa ammɔ lɛti nása. Ɔsika naaayɔ nnii ɔkɛnku batɔnkune bammɔ ɔsu na mina kabla kani mɔɔbla mɛni iye kani na lɛ́bla lɛ́vi kabla keeke.

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Ƒilipiƒuɔ 1:30

Kekpo kani nnye muukpó mɛni ni, amii lɛnɔ bibunku-mi. Kekpo kamɛni kani na bɛ́nu ka lɛ́kya ńteekpo. Na aani kalɛ na bínu ni, aka kani na mmu nnye muukpó.

Petro 1 5:1

Muuvele amii bani ndi baƒɔtaadine benengu na bina akɔ, ɔsika ami ɔlati lɛ́nu kalɛ na Kristo úbo abi na muudie ɔmmɔ kenye. Na mina anu asia ka ami ku-nwu bɔdubɔdi lɛga na nwuna bukeye bɔmmɔ kemmo na uwi ɔni na wasɔ webo.

Hiob 8:10

Na bula bati kuuku bammɔ ama bebo lɛlati na badubɔkana na batina-a lɛla.

Marko 10:50

Kɔnakunwi ni, údie nwuna kɔdi úwi na ɔ́ba lɛgyu úsie Yesu kudɔ.