Hebriƒuɔ 11:6 - Katɔti Ɔku Kedee

⁶ Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Hebriƒuɔ 11:6 Referans Kwoze

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Luka 12:31

Mmomu ni, biteeti kasusu na Katɔti lɛga kadikɔ lɛlɔ na ɔdubuti ala amɛni ƒui ute-mii.

Kɔgya 119:10

Mɔɔkya ɔkplu ka liti mina ɔyikun ƒui lɛbla ƒula kabla. Anwuɔsu gyumana-mi kalɛ na neeenwini kama naaakya ƒula ɔda bubo kudii.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Romaƒuɔ 10:14

Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Kɔgya 73:28

Nsu ami ni, ɔdia ute-mi geen ka lɛ́ni líde Katɔti. Na ndubɔkɛ katamikukɔ na Ɔyikune Ƒui Katɔti kudɔ. Na libo ala ani ƒui na ɔ́bla kudu lite bekyuli.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Petro 2 1:5

Kasusu kamɛni geen lɛlɔ ɔsu ni, bɛkya ɔkplu biala na bɛbla lɛbuni lɛni ndanku kalɛ na bɛ́ƒɔ Kristo bɛ́di. Na lɛbuni lɛmmɔ lɛya na bɛti lɛla lɛni na Katɔti ɔɔyɔ́.

Hebriƒuɔ 4:6

Litemi lɛmɛni lɛmu lise lɛni ka badi badubɔkɛ bɔnwuna bɔmmɔ. Na bani náka lɛsa bɔkɔ bɔmmɔ bunu ni, ama mmomu néteduo bɔnwuna bɔmmɔ kemmo ɔ́si bana atuɔkplu ɔsu.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Bumomo Bɔka 14:11

Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.

Hebriƒuɔ 7:19

Ɔsika ɔda bubo bɔni na Katɔti úte-bu ɔkɛnku Mose lɛlɔ ni, bútabla Katɔti kabla bútawɔlɔ. Na ɔƒɛni ni, bɔ́kɛ lɛnunsia lɛni ndia ntulo na lɛɛyá na bɔɔní teede Katɔti.

Kɔgya 78:32

Na ala amɛni ƒui kama ni, katɔ kani na alaekpidi ani baabla aakɔ́ teebu. Na akɔla ala budie taatina ani baanu ka Katɔti ɔɔbla ƒui átaya na baƒɔ-nwu badi.

Hebriƒuɔ 4:2

Ɔsika básu abu lɛnɔ litemi buni lɛmmɔ aani kalɛ kani na básu ama lɛnɔ. Nsu litemi lɛni bénu kátalɛ kɔsia kɔdi kétete-ma. Ɔsika ama bani nénu kenye kammɔ ni, bátaƒɔ-ka bátadi.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Bumomo Bɔka 20:12

Nsu Unwoti ɔ́su Mose ku Aaron ɔnini, “Ka bitaƒɔ-mi bítadi geen na bite-mi ɔbu ka nse kedee na Israelƒuɔ bammɔ anumi ɔsu ni, bɛsɔ bɛɛɛdubo bekyuli bammɔ bɔkpanku busienku kalɔ kani lɛ́su ka ndubo-ma bute kemmo.”

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.

Marko 16:17

Na Katɔti ɔdubute baƒɔtaadine ɔyikun na babla akɔla lidu lidu. Badubɔgya ayu ekpidi na mina lɛnyi kemmo. Badubutemi adi lidu lidu.

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 7:9

Israel ɔma unengudi ƒui ndi Samaria. Na ɔma ɔmmɔ lɛlɔ ɔdine kani ndi Ramalia ubidi Peka. Na si eeenye mina bɔƒɔtaadi kemmo kpakplaa ni, agyi anii eeebo kenyekɔ kadi.’ ”

Kɔgya 58:11

Na bekyuli badubɔsu banini, “Sɔsɔ ni, báƒɔ bekyuli babuni kayu. Ɔsika Katɔti ɔni mɔɔtɛ litemi ulu lɛlɔ mɔɔdi kayawi lɛlɔ.”

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Kɔgya 106:24

Ka bátaƒɔ Katɔti linyese bátadi ɔsu ni, kalɔ kammɔ kátada-ma ebiti.

Hiob 21:14

Nsu baasu Katɔti banini, ‘Nyonu-bu! Buláwia ƒula lilu lɛdi bɔnii bɔɔnu bɔti.

Kɔgya 78:22

Na ɔmɛni úbo lɛni, ɔsika bátaƒɔ-nwu bátadi na béteti kayi bátasia-nwu lɛlɔ lɛnɔ ka ɔdubɔkana na ɔƒɔ-ma ɔsu.

Rut Keliela Ɔku 2:12

Muuvele Blɔti nnii ɔƒɔ-ɔ kayu na lɛla lɛni na ábla mɛni ɔsu. Na nsɔ muuvele Unwoti Israel Katɔti ɔni kudɔ na ébo mɛni ka ɔgyumana-a na ɔƒɔ-ɔ kayu ƒui.”

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Mateo 5:12

Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Mateo 11:26

Sɔsɔ Ati, lɛni na aayɔ́ ka ɔlɛ.”