Hebriƒuɔ 11:12 - Katɔti Ɔku Kedee

¹² Ɔmɛni ɔsu ina ka use aani si kaƒiɔtɔ kɔtu na unye muedi ni, údie kaba kani mmomo aani kayaa ayabi. Na bemomo aani ɛpu kɔnwinimi kɔni na balakana bɔka.

Hebriƒuɔ 11:12 Referans Kwoze

Ala Kalɔ Buse 22:17

ndubute-ɔ kusɛ kusɛ na lɛya na ƒula kaba bebi bemomo betulo ayabi. Na badubo bumomo aani ɛpu kɔnwinimi. Na ƒula bawɔ badubo bukpo na baƒɔ bana bekisine lɛma linengudi ƒui.

Ala Kalɔ Buse 32:12

Nsu awɔ násu-mi anini, ‘Ndubɔnu ka enu ku akɔkɔ éyi-ɔ. Na ndubɔya na ƒula bebi ku bawɔ bemomo aani ɛpu kɔnwinimi. Na ukyuli ɔdi ulakana-ma bɔka.’ ”

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Yeremia 33:22

Na Dawid ku bakpane bani nási Lewi kɔdua kemmo badubɔkɛ bawɔ pii betulo kayaa ayabi iye ɛpu kɔnwinimi.”

Ala Kalɔ Buse 15:5

Mmɔ na ɔ́kpanku-nwu úsienku keyi na ɔ́su-nwu ɔnini, “Kɔliku anumi katɔ na anu kayaa na aka ayabi ani na aanu si adubɔkana-nya bɔka.” Amu na Katɔti ɔ́sɔ ɔ́su-nwu ɔnini, “Ƒula bawɔ lɛnɔ badubo bumomo lɛni kani.”

Ala Kalɔ Buse 26:4

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Budie Taatina 20:8

Na ɔdubo ubatɔlɔ kalɔ lɛlɔ bekyuli bani nkya kayawi ekpo ƒui, na baalɔ-ma na lɛsugba kemmo banii Gog ku Magog. Na ɔdubɔsala-ma kalɛ na betékpo. Na bana bumomo bɔdubɔbla aani ɛpu kɔnwinimi.

Yesaia 10:22

O Israel, ina ka bina kadi bekyuli bemomo aani ɛpu kɔnwinimi muedi ni, bina ɛlɛɛ kani ndubunwini bibo kama. Katɔti ɔ́lɛ ugyii na nwuna ulu siin lɛlɔ úse ka ɔkyula-mii na ɔyila-mii udu.

Israelƒuɔ Bɔlɛ 32:13

Na enyimo ƒula linyese lɛni na éte ƒula kabla bablane Abraham ku Isak ku Yakob ka adubɔya na bana kaba bekyuli bemomo aani katɔ ayabi. Na adubute-ma kalɔ kani na ése kenye ka badubuti-ka babla bana kadikɔ.”

Yesaia 48:19

Na bekyuli bemomo bina kalɔ lɛlɔ utulo ɛpu kɔnwinimi. Na nka lɛɛɛdubo bɔya na kadi badi badi-mii lɛlɔ na bayila-mii udu.”

Nehemia 9:23

Na áya bana bebi bananabi bemomo aani katɔ ayabi. Na ákpanku-ma éboku kalɔ kani na ásu bana bati ése ka adubuti ka ete-ma.

Ala Alɛdi 1 27:23

Amu na uwi ɔni na Dawid ɔ́lɛ ugyii ka ɔka Israel kadi bekyuli ni, úbo-ma ɔda ka bataka bekyuli bani na bana akwa ébo kalɔ étulo akwa aavlanyɔ, ɔsika Unwoti úse kenye úse ɔ́si kuuku ka Israel bekyuli badubo bumomo geen aani kayaa ayabi muedi.

Baga 1 4:20

Na Yudaƒuɔ ku Israelƒuɔ bemomo aani ɛpu kɔnwinimi na bádi na báni na bákɛ ebiti.

Samuel 2 17:11

“Anwuɔsu ami mina kasusu ndi ka aya na Israelƒuɔ ƒui ɔ́si Dan útédu Beer-Seba na kalɛ na bemomo aani ɛpu kɔnwinimi kenye ni, basala na awɔ atɔnku-ma esienku kekpo kammɔ.

Samuel 1 12:5

Mmɔ na Samuel ɔ́su-ma ɔnini, “Ɔmwi ni, Unwoti ku Ɔga Ɔƒunadi ɔmɛni ndi bekyuli bani nnye na bénu etemila ani na amii alati bɛ́su mɛni. Na ani ndi ka bítanu ɔdi lɛla lɛdi na mina enu kemmo.” Amu na bana ƒui bédie kenye ku lɛdi linwi banini, “Ɛɛn, ama ndubudie-bu etemila amɛni kenye.”

Litemi Batɛne 7:12

Midianƒuɔ ku Amalekƒuɔ ku kadi bamba bekyuli bani nási ɔƒɛ katukɔ ƒui bábla kakyakɔ na kɔwɛ kɔmmɔ kemmo na lisu bonwu kemmo aani baalɔlɔ. Na bana bebuo ala betine ku keƒu bemomo geen aani ɛpu kɔnwinimi, na balakana-ma bɔka.

Yosua 11:4

Na baga bamɛni báta ku bana bekpone. Na bekpone bamɛni bumomo bɔdubɔbla aani ɛpu kɔnwinimi. Na bébo bapɔnkɔ ku bapɔnkɔ kɛɛkɛ pii.

Lɛkpa Ulu 28:62

Na ina ka bimomo aani katɔ ayabi kalɛ ni, bɛdubɔsa bɛbla blii suɛ, ɔsika bítenu bina Unwoti Katɔti litemi.

Lɛkpa Ulu 1:10

Na bina Unwoti Katɔti ɔ́ya na bíimomo aani katɔ ayabi.

Romaƒuɔ 9:27

Katɔti Kenye Udiene Yesaia úbo kudu úte Yudaƒuɔ ɔnini, “Si ina Yudaƒuɔ bemomo aani ɛpu kɔnwinimi muedi ni, bana akɔ ɛlɛɛ badi kani ndubo bubu na bakɛ bɔƒɔ.

Habakuk 1:9

Na kalɛ kani na bebile ala ɔsu na bana anumi égyie uwi ndi uwi. Na bákpanku bekyuli bani na béƒie na kekpokɔ bada aani kɔnwinimi ku lɛkɔkɔ.