Hebriƒuɔ 10:4 - Katɔti Ɔku Kedee

⁴ Ɔsika bese ku bakɔ ubugya ulakana ekpidi bɔƒɔ budie ukyuli lɛlɔ.

Hebriƒuɔ 10:4 Referans Kwoze

Hebriƒuɔ 10:11

Limeyi ndi limeyi ni, Yudani ɔkpane biala uunye taabla nwuna ɔkpane kabla kani ndanku bɔkpa ulu ɔmmɔ lɛlɔ. Ɔɔbla akpala ammɔ udu kani limeyi ndi limeyi ani naaadubo bɔkana na udie likpidi na ukyuli lɛlɔ kudii.

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.

Romaƒuɔ 11:27

Na bunyimi bɔmɛni ndubɔkya ami ku-ma ntɛ si uwi ɔni na lídie ekpidi bana lɛlɔ.”

Hebriƒuɔ 10:8

Kudeedi ni, ɔ́su ɔnini, “Ala ani na béti béboku na bábla akpala ku ani na béti bákyula ku ala ekpidi lili buvele akpala ni, átada-a kubiti. Na útayɔ-ɔ kaƒɔ lɛnɔ,” ina ka ɔda bubo bɔmmɔ nátina ka babla lɛni.

Hebriƒuɔ 9:9

Mmomu ɔmmɔ ɔdi lɛla lɛni mɔɔtina ka etela ku akpala ani ƒui na bada baabla akpala ammɔ ni, elédie bɔƒiɔ na ukyuli ɔni mɔɔbla akpala ammɔ lɛlɔ.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Marko 12:33

Na ɔlɛka ukyuli ɔyɔ Katɔti ɔ́siku nwuna kayi kemmo ƒui ku nwuna kasusu kemmo ƒui ku nwuna ɔyikun kemmo ƒui. Na ɔlɛka ɔyɔ nwuna ukyulikpana aani kalɛ na ɔɔyɔ́ anwu ɔlatidi nwuna lɛlɔ kalɛ. Ɔdia ka ukyuli ɔsia ɔda bubo bɔmɛni kama utulo si úti bebuo ku akpala abambadi útákpa Katɔti.”

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Kɔgya 51:16

Ɔsika ɔɔɔdi akpala na aawia nka ndubuti adi liboku-ɔ. Na ala ani bɔɔkyula teete-ɔ lɛnɔ alaƒɔ-ɔ anu.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Hebriƒuɔ 10:1

Ɔda bubo ndi ekposela úte ala abuni ani ndubo. Na ɔɔɔdi ɔda bubo bɔmmɔ ndanku ala abuni ammɔ alati geen tɔ. Ɔmɛni ɔsu ni, akpala ani nkɛnku ɔda bubo bɔmɛni ani na baabla lɛkwa ndi lɛkwa ni, alakana bekyuli bani mɔɔwia ka bakpa Katɔti bɔbla sɛɛn bɔwɔlɔ.