Hebriƒuɔ 1:2 - Katɔti Ɔku Kedee

² Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Hebriƒuɔ 1:2 Referans Kwoze

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Yohane 1:3

Ɔkɛ Anwu ɔmmɔ lɛlɔ na Katɔti ɔ́sia údie lɛla biala. Na lɛla lɛdi liiibo ɔni na ɔɔɔdi nwuna lɛlɔ na Katɔti ɔ́sia údie-ni.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Petro 1 1:20

Katɔti ɔ́ƒuna Kristo úse asa na údie kayawi. Na amii ɔsu na Katɔti údie-nwu keyi na uwi ukplodi ɔmɛni kemmo.

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Hebriƒuɔ 11:3

Ɔkɛnku bɔƒɔtaadi lɛlɔ na búnu kalɔ ka Katɔti úti nwuna kenye litemi údie kayawi ƒui. Na lɛla lɛni na bula anumi aakana bɔnu mɛni ni, Katɔti údie-nya ɔ́siku lɛla lɛni na bulákana bɔnu kemmo.

Romaƒuɔ 8:17

Na si bɔdi nwuna bebi ni, na bɔdi nwuna ala badine. Na abu ku Kristo bɔdubɔdi Katɔti ala bɔsala. Na bɔdubukeye lɛnɔ aani nwuna kalɛ si búbo abi aani kalɛ na Kristo úbo abi.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Mateo 26:63

Nsu Yesu úbile kenye na útasu lɛla lɛdi. Ɔkpane unengudi ɔ́sɔ ɔ́su-nwu ɔnini, “Lɛ́kpali Katɔti mɔɔkya-a nnii su-bu si awɔ ndi Ukyuli Ɔƒunadi ɔni ndi Katɔti Ubidi ɔmmɔ.”

Mateo 21:38

“Nsu uwi ɔni na lɛlɔ banune bamɛni bánu ubidi ɔmɛni ni, básu lɛlɔ banini, ‘Aanu kemo ɔlati ubidi ɔni ndi nwuna ala ɔdine. Bɛya na bɔdu-nwu na buƒie nwuna ala bɔƒɔ.’

Hebriƒuɔ 5:8

Na ina ka ubidi na ɔdi ni, ɔ́tɛya abi ani na ɔdi ka ukyuli ubo si uunú Katɔti litemi.

Eƒesoƒuɔ 1:10

Na kasusu kammɔ kadububo kete lɛni na kawɔlɔkɔ uwi ɔni na Katɔti ɔ́su úse lɛlɔ. Ɔdubɔsala ala ani ƒui nkya katɔ ku kalɔ na uti-nya ɔkya lɛlɔ ɔdine unwi ɔni ndi Kristo kalɔ.

Yesaia 44:24

“Israel, bɛnu bɛti ka ami ndi Unwoti, na mina kudɔ na ngba ƒui bɔɔlɛ́ taasi. “Ami náƒɔ-mii ngba, na ami nédie lɛla biala na lɛkya katɔ úbalɛ kalɔ lɛlɔ ƒui.

Hebriƒuɔ 7:3

Na bétenweni lɛla lɛdi bátasiku ɔti iye uni, iye kaba lɛlɔ, iye nwuna bɔwɔ iye kukpi lɛlɔ. Na Katɔti ɔ́ya na use aani anwu Katɔti Ubidi, ɔsika ɔdi ɔkpane ute uwi ƒui.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Hebriƒuɔ 1:5

Ɔsika ni, Katɔti útasu nwuna ɔtu ɔdi dii ɔnini, “Awɔ ndi mina ubi. Na ɔmwi ni, línwini-ɔ ɔti.” Na ɔ́sɔ útasu ɔtu ɔdi ɔnini, “Ami madi-nwu kɔti, na anwu wadi mina ubi.”

Eƒesoƒuɔ 3:9

Na lɛya bekyuli bati kalɛ na Katɔti abɛla ammɔ ani na anwu ɔni nédie ala ƒui úti ɔ́bɛla bekyuli uwi ɔni návi kemmo adubo kabla bɔbla na bekyuli akɔ.

Yesaia 2:2

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli, na kadi bekyuli ƒui badubukeli besie mmɔ.

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.

Lɛkpa Ulu 4:30

Na si bíduo bukpoku bɔdi kemmo na ala amɛni aalɛ́ku-mii ni, mmɔ na bɛdubunwini bisie Unwoti kudɔ na binu nwuna litemi.

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Mika 4:1

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli na kadi bekyuli ƒui badubukeli besie mmɔ.

Yeremia 30:24

Na mina kɔnyi kenye kaaadubo bɔyɔ wetédu uwi ɔni na lɛ́bla lɛni mɔɔyɔ́ lɛ́wɔlɔ. Na limeyi lɛdi ni, bɛdubunu lɛla lɛni na ndanku mɛni kalɔ.”

Yuda 1:18

Básu banini, “Emeyi ekplodi ammɔ kemmo ni, bekyuli badubo-mii buti bɔbla lɛmala na ala ani baasu taasiku-mii lɛlɔ ɔsu. Na basiaku bana udunkpi ala ani na Katɔti ulayɔ kama.”

Romaƒuɔ 1:4

Na ɔkɛnku Katɔti Kɔyu lɛlɔ ni, Katɔti údie-nwu ɔ́tina bekyuli ku ɔyikun bonwu ka ɔdi ubidi ɔni na ɔ́gyila ɔ́lɛku bekpine akɔ.

Batalane Kabla 2:17

Ɔ́su ɔnini, “Na emeyi ekplodi kemmo ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Yohane 16:15

Ala ani ƒui nse Katɔti ni, adi ami adi. Anwuɔsu na lɛ́su nnii ala ani nse-mi ni, Katɔti Kɔyu kɔdubuti-nya ɔtina-mii.

Marko 12:6

“Ukyuli ɔni násɔ úbu na ɔdubɔtala-nwu ndi ɔnana ɔmɛni ubidi ɔyɔne. Kawɔlɔkɔ ni, ɔ́tala ubidi ɔyɔne ɔmɛni. Na ɔ́su lɛlɔ ɔnini, ‘Mɔɔƒɔ́ taadi ka badubute mina ubi anwu ɔbu.’

Marko 1:1

Ɔmɛni ndi litemi buni lɛni nkɛnku Yesu Kristo lɛlɔ ɔni ndi Katɔti ɔlati ubidi.

Daniel 10:14

Na ɔƒaani ni, líbo mɛni kalɛ na lɛsɔ mbedie lɛla lɛni ndubo ƒula bekyuli bɔlɛku uwi ɔni ndubo kemmo lɛtina-a.”

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Yesaia 45:18

Unwoti lɛti kani ndi Katɔti! Anwu nédie katɔ ku kalɔ kesii kani na bekyuli bakana bulie, utulo ka udie ketele kalɔ kakwiidi sɔɔn kani kemmo na lɛla lɛdi liiibo. Unwoti lɛti kani ndi Katɔti, na ɔbambadi ɔdi ɔsɔ uuubo.

Lɛkpa Ulu 31:29

Ngyi ka mina kekpima ni, bekyuli bamɛni badubo bekyuli bekpidi bunwini na badubo ala ani na lɛ́tina-ma mɛni buni. Na uwi ɔdi ɔdubo ɔni na badubo ɔgbankpi bɔsiaku, na uwi ɔdi ɔdubo ɔni na badubo Unwoti kɔnyi bɔkya na bataabla ala ani na úbo-ma ɔda ɔnii batabla.”

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Hebriƒuɔ 1:8

Nsu na Ubidi ɔmmɔ lɛlɔ ni, Katɔti ɔ́su ɔnini, “Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na ulu siin lɛlɔ.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Ala Kalɔ Buse 49:1

Ɔmmɔ kama ni, Yakob ɔ́lɔ nwuna bebi ƒui ɔnini, “Bibasala na lɛsu-mii ala ani ndubo-mii bɔlɛku na emeyi ani nkpɛ kama adubo kemmo.

Hebriƒuɔ 9:26

Si lɛni na use ni, ɔlɛka nka Yesu ɔsɔ ubebo abi ɔsia kama kɔlɛ kɔlɛ ɔ́si kayawi kalɔ kesekɔ ƒui. Nsu kalɛ na use ni, kunwi pɛ kani na úbo kayawi kamɛni kemmo úbedie-bu na ekpidi ƒui kemmo ku nwuna ubugya ɔni na úti ɔ́kpa na bula lili. Na ɔdanku uwi ƒui utédu kayawi kawɔlɔkɔ.

Yohane 3:25

Limeyi linwi lɛdi ni, Yohane batɛyane ku Yudani ɔdi bése kalɔ baakya unyeƒi na ntu bɔkpi ɔdi lɛlɔ.

Daniel 2:28

Nsu Katɔti ɔni nli mɔɔdi ala ƒui lɛlɔ ɔ́siku katɔ kakaaka ɔdubɔkana na udie abɛla amɛni keyi. Na uwi ɔni na atɛ alɛɛ ni, ɔ́tina-a ala ani ndubo abalɛ uwi ɔni ndubo.

Yeremia 48:47

“Nsu limeyi lɛdi ni, ndubɔsɔku ƒula bekyuli liboku ɔma. Ami Unwoti násu.”

Yesaia 45:12

Ami nédie kayawi na lɛ́bla ukyuli lɛ́kya-ka kemmo. Ami ɔlati néti mina enu na línene kayaa lɛ́ƒala katɔ ku ala ekeyedi ani ƒui nkya kayaa mmɔ.

Bumomo Bɔka 24:14

Amu na Bileam ɔ́su Balak ɔnini, “Ɔƒɛni lisela mina bekyuli kudɔ. Nsu asa na matɔlɔ ni, muubó-ɔ ɔda ɔmɛni na lɛsu-ɔ lɛla lɛni Israelƒuɔ badubo ƒula bekyuli bɔbla limeyi lɛdi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Mateo 13:39

Na ukisine ɔni nágya livo lɛmmɔ ndi ɔbɔnsamu. Na edula bɔƒɛ uwi ndi kayawi kawɔlɔkɔ. Na edula baƒɛne bammɔ ndi Katɔti batu.

Marko 12:7

“Nsu kabla bablane bammɔ básu lɛlɔ banini, ‘Ɔmɛni ndi bula unwoti ala ɔdine. Bibo na bɛya bɔdu-nwu, na buti nwuna kadikɔ bɔbla bula kadi!’

Yohane 1:10

Nsu geen ni, ɔkya kayawi. Na ina ka nwuna lɛlɔ na Katɔti ɔ́kɛ asa na údie kayawi ni, bekyuli bátanu-nwu bátati.

Yohane 5:26

Kalɛ na ngba ƒui bɔɔsí mina Ɔti kudɔ ni, lɛni kani na ɔ́ya na ngba ƒui bɔɔsí ami Ubidi lɛnɔ kudɔ.

Yohane 5:27

Na úte-mi ɔyikun ɔni na lɛtɛku kayawi ƒui litemi, ɔsika ami ndi Ukyuli Ɔyawine Ubi.

Yohane 9:29

Bɔgyi ka Katɔti ɔ́tɛmiku Mose. Na ukyuli ɔmmɔ anwu ni, bɔɔɔgyi kesii kani na ɔ́si muedi!”

Korintoƒuɔ 1 2:7

Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Hebriƒuɔ 7:28

Ɔsika ni, ɔda bubo bɔmmɔ bɔɔƒuna bakpane bani naaakana bunye kpakplaa ama alati. Nsu linyese lɛni nébo na ɔda bubo bɔmmɔ kama ni, bɔ́ƒuna Ubi ɔmmɔ na ɔ́ya na ɔ́wɔlɔ nwuna kabla úte uwi ƒui.

Yohane 13:32

Na si ɔkɛnku Ubi lɛlɔ na bekyuli bákɔliku Ɔti lɛnyi katɔ ni, Katɔti lɛnɔ ɔdubɔya na bekyuli bakɔliku Ubi ɔmmɔ katɔ na nwuna anumi. Na ɔdubɔya na babla lɛni kɔnakunwi.