Hebriƒuɔ 1:10 - Katɔti Ɔku Kedee

¹⁰ Katɔti ɔ́sɔ ɔ́su ɔnini, “O Blɔti, na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa.

Hebriƒuɔ 1:10 Referans Kwoze

Ala Kalɔ Buse 1:1

Na kayawi kalɔ kesekɔ ƒui ni, Katɔti údie katɔ ku kalɔ.

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.

Yesaia 48:13

Ami ɔlati néti mina enu na lídie kalɔ na líbimi kayaa lɛ́ƒala katɔ na beenú-mi lɛdi uwi biala na lɛ́kpali-ma.

Yesaia 42:5

“Ami ndi Unwoti Katɔti ɔni nédie katɔ lɛ́ƒala kayaa. Na ami nédie kalɔ ku ala ani na akya-ka kemmo ƒui. Na bekyuli bani ƒui nli kalɔ lɛlɔ ni, ami muute-ma ngba ku ɔƒɛƒɛɛ ɔni na baanwuna.

Sakaria 12:1

Linyesia lɛmɛni lɛdanku Israel na lɛ́si Unwoti kudɔ lɛnini, “Ami ndi Unwoti! Na ami nébimi kayaa lɛ́ƒala katɔ, na lɛ́ya na kalɔ kenye kana ɔka lɛlɔ, na líti ɔƒɛƒɛɛ líte ukyuli na ɔɔnwuna.

Yesaia 64:8

Nsu ni, Unwoti awɔ ndi bula ɔti. Lɛvɔti na abu bɔdi na awɔ ndi ɔvɔne ɔmmɔ. Ɔsika bula ƒui ƒula enu kabla na bɔdi.

Yesaia 51:13

Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Nsu amii bɛ́yiƒala ami bina Unwoti ku Udiene, na bekyuli bani néti kɔnyi bákya-mii na baawia ka badumi-mii mmomu na bilie bɛɛyia uwi ndi uwi, nsu wɛ na bakya ɔƒɛni?

Agba 8:29

Na mɔɔnu asa na ɔ́sia kalɔ ubili aani ɔmii úte ɛpu ɔmmɔ ƒui kalɛ na uleyi ulavia mmɔ. Na kalɛ na úse kalɔ kammɔ ɔka kalɔ ni, nnye mɔɔnu.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Kɔgya 19:1

Si bɔ́nu kayaa na bɔ́nu ala ani na Katɔti ɔ́bla ni, bɔɔnu kalɛ na úbomo.

Lɛkpa Ulu 4:19

Na bitaya na lɛla lɛdi lɛkɔku-mii na bɛta bitákpa ala ani nkya kayaa na bina anumi aanu aani ɔƒɛ ku kɔbuli ku ayabi. Ɔsika anya na Unwoti Katɔti údie úte kayawi bekyuli ƒui.

Yesaia 40:12

Ɔma ndubɔkana na ɔkɔku ɛpu ntu bumomo ku bɔgyu na nwuna lɛkɔkɔ iye unene kayaa ku nwuna enu na ɔti kana bune? Ɔma ndubɔkana na ɔsala kalɔ kamɛni lɛti uwi kagyigyɛ kemmo? Na ɔma ndubɔkana na uti abi ku abinkpo ɔsia unu lɛkɔkula lɛlɔ, na ɔti-nya unu?

Yesaia 51:6

Bɛkɔliku anumi katɔ na bɛnu kayaa, na binwini bɛnu kalɔ lɛnɔ. Kayaa kammɔ kadubɔyii kakya aani kalɛ na uyɔ ɔɔyii taakya, na kalɔ lɛnɔ kayii udu aani kalɛ na kɔdi kɔɔtɔ taayii udu. Na ukyuli biala na kayawi kammɔ kemmo ɔdubukpi aani balɔlɔ. Nsu mina ngba bɔƒɔ bulebo kawɔlɔkɔ kudii na mina ala bɔbla siin lɛnɔ bulayii udu.

Hebriƒuɔ 12:27

Etemila ani na ɔ́su ɔnii, “Nsɔ ndubo bɔkunku kunwi” ni, ɔɔtina ka Katɔti ɔdubɔda ala ani na údie na aakunku mmɔ budie ana kenyekɔ. Na ani na balákana bɔkunku asɔ akya.