Ala Kalɔ Buse 9:5 - Katɔti Ɔku Kedee

⁵ Ɔsika lídie ukyuli na mina udu kenye na ebuo iye ukyuli ɔni ndubo ukyuli ubugya kalɔ buwi ni, ami Katɔti ndubo-nwu kɔtu bɔni. Na ukyuli biala ɔni mewi ukyulikpana ubugya kalɔ ni, ami Katɔti ndubo-nwu kukpi kɔtɔ bɔdu.

Ala Kalɔ Buse 9:5 Referans Kwoze

Israelƒuɔ Bɔlɛ 21:12

“Na si ukyuli ɔdi úbo nwuna ukyulikpana ɔ́du ni, anwu lɛnɔ ɔlɛka badu-nwu.

Kɔgya 9:12

Ɔsika Katɔti ulayiƒala kalɛ na ɔni bekyuli bani néwi bekyuli ubugya kalɔ kɔtu. Na uleni bekyuli bani muuwulo taakpali-nwu keku na kalɛ na beekpóku-ma ɔsu.

Mateo 23:35

Na bekyuli bani nse siin ubugya ɔni na bíwiakun ɔ́si Habel lɛlɔ útálɛ Barakia ubidi Sakaria ɔni na bina bati bádu-nwu na kakpakɔ ku lɛkpabi ntɛ mmɔ ni, ubugya ɔmmɔ ɔdubɔsia bina kadi bekyuli ƒui lɛlɔ.

Lewiƒuɔ Ɔda Bubo 19:16

“ ‘Bitataalɔ bina bakpana anyikpi taavi. “ ‘Na ɔdi utabla lɛla lɛni maya na nwuna ɔkpanadi ngba buduo ɔgbankpi kemmo. Ami ndi Unwoti.

Israelƒuɔ Bɔlɛ 20:13

Tadu ukyuli.

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Ala Kalɔ Buse 42:22

Amu Ruben úye nwuna banwani bakladi ɔnini, “Ńtasu-mii nnii bitaya na bɔbla likpidi bɔƒiɔ ɔnamu ɔmɛni, na bítenuku-mi kalɔ? Ɔƒɛni bula ɔti ubi na ɔdi, na bɔdi ubugya unwi. Bɛɛnu ka nwuna ubugya lɛlɔ kɔtu na baaní-bu ɔmwi.”

Litemi Batɛne 9:56

Anwuɔsu Katɔti ɔ́ƒɔ Abimelek kayu ɔkɛnku likyulikpi lɛni na ɔ́bla na ɔti lɛlɔ ɔsu. Ɔsika ɔ́du nwuna banwani banana liti ku aavlanyɔ.

Samuel 2 4:11

Na amii bɛ́manku ka badu-mii betulo ɔnana ɔmmɔ muedi, ɔsika amii bɛ́du ukyuli ɔni na útabla lɛla likpidi lɛdi, mmomu bɔtɛ na ɔtɛ ɔɔlɛɛ na anwu ɔlati ɔtɔ kemmo na nwuna atɛla lɛlɔ. Nwuna kukpi kɔsia-mii lɛlɔ. Na ɔƒɛni ni, amii lɛnɔ bɛdubo bukpi kɔnakunwi kɔmɛni!”

Lewiƒuɔ Ɔda Bubo 24:17

“ ‘Si ukyuli ɔdi ɔ́du nwuna ukyulikpana ɔlɛka badu-nwu anwu lɛnɔ.

Lewiƒuɔ Ɔda Bubo 24:21

“ ‘Si ukyuli ɔdi ɔdu ɔdi ebuo na ɔwia ɔbamba ɔsia-nwu kenye. Nsu si ɔdu ukyulikpana na badu-nwu anwu lɛnɔ.

Bumomo Bɔka 35:16

“ ‘Na si ukyuli ɔdi úti lɛbuala na ɔ́ƒiɛmi ɔkpanadi na úkpi ni, ukyuli ɔmmɔ ɔdi ukyuli ɔdune na ɔlɛka anwu lɛnɔ badu-nwu.

Bumomo Bɔka 35:17

Na si ukyuli ɔdi ɔ́gyu lɛtabi lɛni na lɛkana lɛdu ukyuli na úƒwimi-ni na ɔ́du ukyuli ɔdi ni, ɔdi ukyuli ɔdune na ɔlɛka anwu lɛnɔ badu-nwu.

Bumomo Bɔka 35:18

Iye si ukyuli ɔdi úti kegyiikɛ kani na kakana kadu ukyuli na úti-ka ɔ́ƒiɛmi ukyuli ɔdi na ukpi ni, ɔdi ukyuli ɔdune na ɔlɛka badu anwu lɛnɔ.

Bumomo Bɔka 35:21

iye ɔ́ƒiɛmi-nwu kɔnu ku uukisi-nwu ɔsu na úkpi ni, ɔlɛka badu ukyuli ɔmmɔ. Na ukyuli ɔni bádu mmɔ lɛlɔ ukyuli ɔni nde-nwu ubo kuƒi ka udie ukyuli ɔdune ɔmmɔ kasi ɔnu-nwu.

Lɛkpa Ulu 19:11

Nsu si ukyuli ɔdi uukisi nwuna ukyuli ɔkpana na útábɛ ɔɔtú-nwu na ɔ́du-nwu na úkeli úsie lɛma lɛmmɔ lɛdi biala kemmo utátamiku-ma ni,

Lɛkpa Ulu 19:12

benengu bani nkya ɔma ɔni kemmo na ukyuli ɔdune ɔmmɔ ɔ́si ɔlɛka batala na betétiku-nwu beboku, na beti-nwu bete ukyuli ɔni na ɔ́du mmɔ lɛlɔ bekyuli, na ama lɛnɔ badu-nwu.

Baga 1 2:6

Anwuɔsu ti ƒula lɛnunda na abla-nwu asia kalɛ na ɔ́manku. Nsu taya na ɔkɛ bɔnwuna bɔdi na utéduo kaƒiɔtɔ kemmo ku lili ƒuala.

Baga 2 11:1

Uwi ɔni na Atalia ɔni ndi Ahasia uni ɔ́nu ka ubidi úkpi ni, ɔ́ta na útádu ɔga kaduli bekyuli bammɔ ƒui.

Ala Alɛdi 2 33:24

Ɔmmɔ ɔsu Amon alati benengu badi bényimi-nwu lɛlɔ na bádu-nwu na baga kesii mmɔ kani.

Ala Alɛdi 2 33:25

Nsu Yudaƒuɔ lɛnɔ bádu Amon badune bammɔ na béti ubidi Yosia bése lɛga.