Ala Kalɔ Buse 9:3 - Katɔti Ɔku Kedee

³ Na beƒiebuo ku baasɛ ku bebweyi bamɛni ƒui badubo-mii bɔyia. Na lɛla biala lɛni mbo ngba na liisié taavi linwini adila lite-mii. Kalɛ na líti lɛku kemmo evete lidu lidu líte-mii nnii bɛdi ni, lɛni kani na líti lɛla biala muute-mii ɔƒɛni.

Ala Kalɔ Buse 9:3 Referans Kwoze

Romaƒuɔ 14:14

Ka nliku Blɔti Yesu ɔsu ni, ngyi geen na mina kayi kemmo ka adila adi eeebo na eesé lɛlɔ na anya alati udu kemmo. Nsu si ɔdi ɔ́nu lɛla lɛdi aani lɛla lɛni muusé lɛlɔ ni, lɛla lɛmmɔ lɛdubuse-nwu lɛlɔ.

Lɛkpa Ulu 12:15

Nsu bibo kuƒi ka bɛdu bina bebuo na bɛkun bana lɛna na kesii biala na bilie aani kalɛ kani na bɛɛkun baƒɛ ku lɛku kemmo bakɔ ɔƒɛni. Bibo kuƒi ka bɛdi kalɛ na bɛkana aani kalɛ kani na Unwoti úte-mii. Ɔdi biala ubo kuƒi kɔmmɔ. Si ɔ́bla lɛlɔ kedee ɔdi iye útabla ni, ubo kuƒi ka ɔkun lɛna lɛmmɔ.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Koloseƒuɔ 2:16

Anwuɔsu bitaya na ukyuli ɔdi ubo-mii ɔda ɔdi na bina bɔdi ku bɔni lɛlɔ, iye emeyi kedee lɛlɔ, iye abuli awɔdi limeyi bɔdi, iye lɛnwunameyi bɔdi lɛlɔ.

Korintoƒuɔ 1 10:23

Bubo lɛsugba banii, “Kuƒi kɔtɛ na bɔbla lɛla biala.” Sɔsɔ na ɔdi. Nsu ɔɔɔdi lɛla biala ndia. Kuƒi kɔtɛ na bɔbla lɛla biala, nsu ɔɔɔdi lɛla biala mbo kɔsia lite-bu.

Romaƒuɔ 14:3

Na ukyuli ɔni mɔɔdi lɛla biala mɛni ni, utanu ɔnwani ɔni mɔɔdi ala aƒunadi ka ɔ́sɔ. Na ukyuli ɔni mɔɔdi ala aƒunadi lɛnɔ utadu ɔni mɔɔdi lɛla biala kɔtɔ. Ɔsika Katɔti ɔ́ƒɔ anwu lɛnɔ.

Lewiƒuɔ Ɔda Bubo 22:8

Utakun ebuo ukpine iye ebuo ɔni beƒiebuo nádu-nwu báva na ɔya na uteese lɛlɔ. Ami ndi Unwoti.

Romaƒuɔ 14:20

Bitebile Katɔti kabla na adila ɔsu. Lɛdila biala lise sɛɛn, nsu ɔɔɔdia si lɛla lɛni na aadi lɛdubɔya na ukyuli ɔdi utulo na ubuli uduo ɔgbankpi kemmo.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Ala Kalɔ Buse 9:2

Na beƒiebuo bani nkya kalɔ lɛlɔ ƒui ku baasɛ bani mɔɔví kayaa ku bebweyi bani mɔɔví kalɔ lɛlɔ ku kɔbɛ kɔni nkya ɛpu kemmo ƒui ni, líti-ma lɛ́kya-mi enu kemmo ka bɛdi-ma lɛlɔ.