Ala Kalɔ Buse 9:1 - Katɔti Ɔku Kedee

¹ Amu na Katɔti úte Noa ku nwuna bebi kusɛ kusɛ na ɔ́su-ma ɔnini, “Bɛwɔ na bimomo na bɛƒɔ kalɔ lɛlɔ ƒui.

Ala Kalɔ Buse 9:1 Referans Kwoze

Ala Kalɔ Buse 9:7

Na amii ni, bɛwɔ na bimomo biyile kalɔ kammɔ ƒui lɛlɔ.”

Ala Kalɔ Buse 1:28

Na Katɔti úte-ma kusɛ kusɛ, na ɔ́su-ma ɔnini, “Bɛwɔ biyile kalɔ kamɛni ƒui lɛlɔ. Na bɛdi-ka lɛlɔ ku bebweyi bani ƒui nkya-ka kemmo.”

Ala Kalɔ Buse 8:17

Na aya na bebweyi bani nkya-a kudɔ mmɔ bana ƒui lidu lɛnɔ balɛ bebo kalɛ na ama lɛnɔ bawɔ na bemomo na kalɔ kammɔ ƒui lɛlɔ.”

Ala Kalɔ Buse 1:22

Katɔti úte-ma kusɛ kusɛ na ɔ́su ɔnini, “Bɛwɔ na bimomo na bɛƒɔ ntu bɔmmɔ kemmo ƒui. Na bani mbo avwi lɛnɔ bemomo.”

Yesaia 51:2

Abraham ku Sara na Katɔti ɔ́ƒuna ka babla bina nana ati bene. Na Unwoti úte Abraham ɔmɛni kusɛ kusɛ na ɔkɛnku anwu ɔnana unwi pɛ ɔmmɔ lɛlɔ na kaba bekyuli lidu lidu báƒɔ kayawi.

Ala Kalɔ Buse 24:60

Béte Rebeka kusɛ kusɛ na básu-nwu banini, “Bula ɔnwani ulekubi, buuvele Katɔti bɔnii ɔ́ya-a na awɔ bebi pii na bemomo liti liti. Na ɔya na bawɔ bamɛni badi bana bekisine ƒui lɛlɔ betédu bana kɔyakun muedi.”

Ala Kalɔ Buse 10:32

Ɔmɛni ɔsu Noa bebi ku bana adua ku kalɛ na bana bati báwɔ-ma kenye na bana kɔlɔ lɛlɔ na badi mmɔ. Na ama ndi bekyuli bani nédie kadi lidu kaba bekyuli na báƒɔ kayawi ƒui lɛlɔ na ɔnantu bɔna bɔmmɔ kama.

Ala Kalɔ Buse 2:3

Na limeyi lɛmmɔ lɛdanku kusɛ kusɛ na lise kedee ka ɔ́ƒuna-ni úse ɔsu. Ɔsika limeyi lɛmɛni lɛlɔ na ɔ́nwuna ɔni na údie ala ƒui ɔ́wɔlɔ.

Kɔgya 112:1

Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.

Ala Kalɔ Buse 9:19

Noa bebi ɛtɛ bani na ubo ndi bani anyi na bɔ́lɔ mɛni. Na ama náwɔ bebi na báƒɔ kalɔ lɛlɔ ekpo ƒui.

Ala Kalɔ Buse 9:2

Na beƒiebuo bani nkya kalɔ lɛlɔ ƒui ku baasɛ bani mɔɔví kayaa ku bebweyi bani mɔɔví kalɔ lɛlɔ ku kɔbɛ kɔni nkya ɛpu kemmo ƒui ni, líti-ma lɛ́kya-mi enu kemmo ka bɛdi-ma lɛlɔ.

Ala Kalɔ Buse 35:11

Amu na Katɔti ɔ́su-nwu ɔnini, “Ami ndi Unwoti Ɔyikune Ƒui. Wɔ na bimomo! Kadi kadi bekyuli badubɔlɛ basi ƒula kadi bekyuli akɔ. Na baga baga badubɔlɛ basi-ɔ lɛlɔ kemmo.