Ala Kalɔ Buse 8:12 - Katɔti Ɔku Kedee

¹² Nsu Noa ɔ́sɔ ɔ́ya na emeyi maatɛ bamba ásɔ ávi asa na ɔ́sɔ ɔ́tala Abloduma ɔmmɔ. Nsu ka Abloduma ɔmmɔ úsie ni, ɔ́sɔ útenwini útebo-nwu kudɔ lɛnɔ.

Ala Kalɔ Buse 8:12 Referans Kwoze

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Ala Kalɔ Buse 8:10

Amu na Noa ɔ́kywɛ na emeyi maatɛ ávi asa na ɔ́sɔ ɔ́tala Abloduma ɔmmɔ úmene.

Yesaia 8:17

Ndubunye ntaanu mina Unwoti anumi, ɔni nábɛla nwuna anumi ɔ́siku Yakob kaduli bebi kudɔ. Ndubuti mina anu ƒui lɛsia Katɔti lɛlɔ.

Kɔgya 27:14

Kya ɔkplu na ataanu Unwoti ulu. Enu ataƒɛ-ɔ taanu-nwu anumi.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Ala Kalɔ Buse 8:11

Amu ka Abloduma ɔmmɔ únwini úbo ni, nnɔ kugyii livete lɛwɔdi lɛtu-nwu kenye. Mmɔ na Noa ɔ́ti ka ntu bɔmmɔ bɔ́ɔkpɛ bɔ́wɔlɔ.

Yeremia 48:28

Ɔƒaani ni, bɛdubo bina lɛma bɔda buwi na bitábla kɔkyakɔ na atakpɛ lɛkɔkɔ ku kɔka kemmo na bitélie mmɔ aani babloduma.