Ala Kalɔ Buse 8:1 - Katɔti Ɔku Kedee

¹ Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Ala Kalɔ Buse 8:1 Referans Kwoze

Ala Kalɔ Buse 30:22

Ɔmmɔ kama ni, Unwoti Katɔti ɔ́ya na Rahel ɔ́ti ka útayiƒala-nwu. Anwuɔsu ɔ́lɛmi-nwu kaƒɔ, na ɔ́wɔ ɔnanabi. Na ɔ́su ɔnini, “Unwoti Katɔti údie kɔƒa mina anumi.”

Ala Kalɔ Buse 19:29

Anwuɔsu uwi ɔni na Katɔti ɔɔkyula lɛma linengudi lɛmɛni ni, únyimo Abraham lɛla lɛni na úvele-nwu. Anwuɔsu údie Lot na ɔgbankpi ɔni na Katɔti ɔ́ya na úbakyula ɔma ɔni kemmo na Lot ulie mmɔ kemmo.

Israelƒuɔ Bɔlɛ 2:24

Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob.

Kɔgya 136:23

Únyimo-bu uwi ɔni bɔkya lɛbibo kemmo. Ɔsika ɔɔyɔ́-bu uwi ndi uwi.

Samuel 1 1:19

Ka kadi kégye ni, Elkana ku nwuna badi ƒui báta na ka bátákpa Katɔti báwɔlɔ ni, bátɔlɔ bésie bana ɔma na Rama. Na Elkana ku ulekudi Hana bátɛ, na Unwoti anu asia-nwu lɛlɔ.

Israelƒuɔ Bɔlɛ 14:21

Amu na Mose únene nwuna ugyii ɔdadi ɔmmɔ ɔ́tina Ɛpugyie ɔmmɔ, na Unwoti ɔ́ya na ɔƒɛƒɛɛ bonwu ɔdi úkpo ɔ́si ɔƒɛ katukɔ kakɛ na ɔƒɛƒɛɛ ɔmɛni údi ɛpu ntu bɔmɛni úsienku kama na ɔ́ya na kalɔ kakwiidi kálɛ. Ntu bɔmmɔ búle lɛlɔ kemmo inyɔ,

Kɔgya 106:4

Unwoti, tayiƒala-mi uwi ɔni na adubɔbla lɛbuni ete bekyuli bani na áƒuna. Nyimo-mi uwi ɔni na adubɔƒɔ-ma.

Amos 8:7

Unwoti úse kenye ɔkɛnku kalɛ na Israelƒuɔ baabu-nwu kenye ɔnini, “Lɛɛɛdubo ala ani udu na bábla mɛni bɔyiƒala.

Habakuk 3:2

Unwoti, ngyi kalɛ na áƒɔ lɛnyi, anwuɔsu na ɔ́bla-mi kalɛ kadi ka lɛ́nu ala ani na ábla. Buvele, ya na ƒula kɔnyi kɔyɔ-ɔ, na anu-bu kɔnyana. Na abla ete-bu kalɛ na ábla éte bula bati kuuku.

Kɔgya 137:7

O Unwoti, nyimo lɛla lɛni na Edomƒuɔ bábla na limeyi lɛni na Yerusalem ɔ́yu kalɔ. Báva básu banini, “Bigyingya ɔma ɔmmɔ! Bɛƒɛ lɛtɔ lɛmmɔ ku ana atabi ani bakya kalɔ ƒui kede kede!”

Kɔgya 132:1

Unwoti, nyimo Dawid lɛbibo lɛni kenye na unye kpakplaa.

Nehemia 13:31

Na lɛ́ya béyi kugyiikɛ kɔni beeti taakyula akpala na béti béboku nwuna uwi lɛlɔ. Na básɔ béyi bana edula ebi edeedi ani na báƒɛ ku adingyii ebi edeedi ani béde na béti béboku bábabla akpala na uwi lɛlɔ. Amu na lívele Katɔti ka unyimo-mi na nwuna kɔnyana bɔnu kemmo.

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Nehemia 13:29

O mina Katɔti, nyimi-ma. Ɔsika bébile bana bakpane kabla ku bunyimi bɔni na bakpane ku Lewiƒuɔ bényimiku-ɔ.

Nehemia 13:14

Amu na ami Nehemia muuvele Katɔti nnii, “Mina Katɔti, nyimo-mi na kabla kabuni kani lɛ́bla na ƒula kaduli, na taya na kabla keeke.”

Budie Taatina 18:5

Ɔsika ɔma ɔmmɔ ekpidi éemomo na ákuku étédu katɔ, na Katɔti únyimo udunkpi ala ani ƒui na nwuna bekyuli bábla.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.

Agba 25:23

Kalɛ na ɔƒɛƒɛɛ ɔni muukpó taasi katɔ taayu uuboku ɔnantu ni, lɛni kani na katɛ ɔtɛne keeke ɔɔkya ukyuli kɔnyi.

Hiob 14:13

“Anwuɔsu ni, O Unwoti, bɛla-mi kya kaƒiɔtɔ kemmo na ese uwi ɔni na adubɔsɔ enyimo-mi si ƒula kɔnyi kɔ́yɔ-ɔ.

Bumomo Bɔka 22:32

Amu na Unwoti ɔtu ɔmmɔ úye Bileam ɔnini, “Bi na ebuo ɔmmɔ ɔ́bla-a ɔsu na ébo-nwu kɔtɛ sɔɔn? Bubo na líbo ḿbenye lítile-nwu ulu. Ɔsika ulu ɔni akɛ ésela mmɔ uuuse-nwu siin.

Yona 4:11

Na Niniwe ɔma bonwu ɔmɛni kemmo ni, bekyuli bani metulo aani nkyuli apim eti anyɔ ku aavlanyɔ bakya. Na bebuo lidu lidu mpim eti anyɔ lɛnɔ bakya. Na bana ƒui baaagyi likpidi ku lɛbuni kavumana. Si ama baayii ku udu ni, utalɛka ukpoku-mi?”

Kɔgya 36:6

Kalɛ na ese siin ɔ́da lidu kalɔ utulo abi ani nnye na bɔɔnu. Na kalɛ na aatɛ litemi taasiaku ulu lɛlɔ utulo kalɛ na ɛpu kemmo kágyu. Na awɔ kani mɔɔnu bekyuli ku bebuo ƒui lɛlɔ.

Israelƒuɔ Bɔlɛ 15:10

Nsu ka Unwoti ɔ́nya ɔ́nwuna kunwi pɛ kani na ɛpu ɔmmɔ úti Egyipteƒuɔ bammɔ ƒui. Na bányi ntu kemmo aani lɛbuala lɛni mbo unu.

Bumomo Bɔka 10:9

Na si bɛ́ta bɛnii biikpóku bina bekisine bani na banii babaƒɔ-mii kalɔ ni, na bɛvwi kakpɛɛ kammɔ kɔnakunwi. Na bina Unwoti Katɔti ɔdubo-mii bunyimo na ukpo ɔƒɔ-mii na bina bekisine enu kemmo.

Hiob 12:15

Katɔti ɔkana na ɔya na ɔnantu ɔda na kalɔ kakwii. Na anwu kani mɔɔyá na kayaa kaalɛmi na ɔnantu ɔna utulo ku lɛlɔ.

Kɔgya 29:10

Unwoti uli kalɔ kpli ɔɔdi ɛpu ɔmmɔ lɛlɔ. Na ɔɔdi ala ƒui muedi lɛlɔ úsela uwi ƒui.

Kɔgya 105:42

Ɔsika únyimo linyese kedee lɛni na úse úte Abraham ɔni ndi nwuna kabla ɔblane.

Yesaia 44:27

“Ami muudie lɛdi taakya ɛpu ku ntukpa ƒui na bɔɔkwii.

Nahum 1:4

Si Unwoti údie lɛdi ni, ɛpu ku ntukpa ƒui bɔɔkwii, na aku ani nkya Basan ku Karmel ku Lebanon abi lɛlɔ ƒui egyii ku anwula aayɛyɛ.

Ala Kalɔ Buse 9:10

Na linyese lɛmɛni lɛdanku baasɛ ku ɔmantɛ bebuo ku beƒiebuo bani nákya-a kudɔ na bálɛ ɔkɔlɔ bonwu ɔmmɔ kemmo.

Kɔgya 115:12

Unwoti uuti-bu lɛlɔ kasusu uwi ndi uwi na ɔdubute-bu kusɛ kusɛ. Ɔdubute Israel kaba bebi kusɛ kusɛ. Na ɔdubute Aaron ku nwuna bakpane kasala kusɛ kusɛ.

Yeremia 50:38

Na bina ntukpa ku ntu bɔni na bɛ́bwɛ ulu bíte ka butaavi ƒui bɔdubo bɔkwii. Na ala amɛni ƒui adubɔlɛ lɛni na baƒiɔ ala ani náƒɔ bina kalɔ kammɔ lɛlɔ ƒui na ábla-mii bɔdɔlɔdi ɔsu.

Sakaria 10:11

“Lɛbibo lɛdubo mina bekyuli butulo aani kalɛ na baanú teeduo ɛpu kemmo. Nsu ndubo ɛpu avlɔvɔ ammɔ kenye butile, na lɛya na Nil Ketu kakwii ketédu nwuna ligyu kalɔ kalɔ ƒui. Na lɛya na Asiriaƒuɔ lɛmɛnɛ bɔkun ku Egyipte ɔyikun ƒui ubo kalɔ na ɔyii udu.