Ala Kalɔ Buse 7:2 - Katɔti Ɔku Kedee

² Na etiku bebuo lidu lidu bani nse sɛɛn ɔgya ku ule maatɛ maatɛ. Na bebuo bani neeese sɛɛn ni, ti bana lidu inyɔ inyɔ ɔgya ku ule.

Ala Kalɔ Buse 7:2 Referans Kwoze

Lewiƒuɔ Ɔda Bubo 10:10

Ɔlɛka kavumana kakya lɛla lɛni nse kedee ku lɛni neeese kedee ntɛ. Na ɔlɛka kavumana kakya lɛla lɛni báƒuna bése sɛsɛɛ ku lɛla lɛni na baaƒuƒwɛ ntɛ.

Ala Kalɔ Buse 8:20

Amu na Noa ɔ́tu lɛkpabi lɛdi úte Unwoti na mmɔ. Na ɔmmɔ kama ni, úƒie bebuo bani nse sɛɛn mmɔ akɔ badi ku baasɛ bani nse sɛɛn na úti ɔ́kpa úte Unwoti na lɛkpabi lɛmmɔ lɛlɔ.

Ala Kalɔ Buse 7:8

Bebuo bani nse sɛɛn ku bani neeese sɛɛn ƒui ku baasɛ ku bebweyi bani ƒui mɔɔví kalɔ kammɔ lɛlɔ inyɔ inyɔ bébo Noa kudɔ.

Esekiel 44:23

“Ɔdi ka bakpane bammɔ batina bekyuli kavumana kani nkya ala ani nse kedee ku ala keeke ntɛ. Na batina-ma ala ani nse sɛɛn ku ani neeese sɛɛn ntɛ.

Ala Kalɔ Buse 7:3

Na baasɛ lɛnɔ ni, ti bana lidu ƒui maatɛ maatɛ ɔgya ku ule. Kalɛ na bebuo ku baasɛ balayii udu na kalɔ lɛlɔ.