Ala Kalɔ Buse 7:11 - Katɔti Ɔku Kedee

¹¹ Ka Noa ɔ́ƒɔ akwa eti leevu-anyɔ (600) ni, nwuna kɔbuli kunyɔdi limeyi leevu-maatɛdi lɛlɔ ni, ntukpa bɔ́bwɛ bɔ́lɛ kalɔ lɛlɔ na katɔ lɛnɔ kálɛmi ku ɔnantu bɔna.

Ala Kalɔ Buse 7:11 Referans Kwoze

Ala Kalɔ Buse 8:2

Na Katɔti útile ntukpa bɔni nábwɛ bɔ́lɛ kalɔ ku katɔ kani mɔɔlɛ́ ntu mmɔ kenye. Na ɔnantu ɔ́da bɔna ɔ́ya.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Yeremia 51:16

Eedie lɛdi teete ntu bɔni na áya na bɔƒa kayaa na buudu ku kɔku bonwu. Na liƒlukutu lɛɛdá taalɛ kayaa. Aayá na ɔƒɛƒɛɛ ɔɔsí ƒula kesii kani na áklibi ala ése teebekpo. Na kayaa kemodi kaabwɛ ogya si ɔnantu ɔɔna.

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.

Baga 2 7:19

Na ɔtɔnkune ɔmmɔ údie kenye uwi ɔmmɔ ɔnini, “Ɔmɛni udu ulakana na webo wete lɛni. Ina banii Unwoti ɔ́ya na kakpa kana aani ɔnantu muedi.” Na Elisa údie-nwu kenye ɔnini, “Adubuti anumi anu ka úbo úte lɛni, nsu adila ammɔ adi elétuku-ɔ kenye.”

Esekiel 26:19

“Ami Unwoti ndubo ɔma ɔmmɔ bɔbla aani kalɛ na ukpine kɔyu kuse. Na lɛya na ɛpu ɔmmɔ ɔyila-a ɔkya nwuna ɔkwalɛ ɔni nágyu geen kemmo

Kɔgya 33:7

Ɔ́sala ɛpu ntu bɔmmɔ ƒui úse liku linwi. Na ɔ́ya na buwi ubu bonwu ɔdi kemmo aani kalɛ na baasála ala teewi ala kesekɔ.

Baga 2 7:2

Mmɔ na ɔtɔnkune ɔni lɛlɔ na ɔga ukpo ɔ́su Elisa ɔnini, “Ɔmɛni ulakana walɛ kudii. Na ina Unwoti ɔlati ɔ́ya kakpa kána aani ɔnantu kalɛ muedi ulebo-nwu kemmo lɛni.” Amu na Elisa ɔ́su-nwu ɔnini, “Adubuti anumi anu ala ani mɔɔsu mɛni. Nsu alákɛ adila ammɔ adi aladi.”

Ala Kalɔ Buse 1:7

Anwuɔsu Katɔti ɔ́ya na kuƒi kúduo ntu bɔmmɔ kemmo na kúle ntu bɔni nwi kalɔ lɛlɔ ɔ́siku bɔni nkya katɔ kudɔ. Na úbo úte lɛni kani.

Mateo 24:38

Uwi ɔmmɔ asa na ɔnantu wana waƒɔ kalɔ lɛlɔ ƒui ni, bekyuli bákya bátaadi taani. Na banana ku beleku beeti lɛlɔ útálɛ limeyi lɛni na Noa útéduo ɔkɔlɔ ɔmmɔ kemmo.

Yesaia 24:19

Kayawi kammɔ kábwɛ na kéle ntɛ eku eku na kégyingya kéwi kalɔ na ɔni na bákunku-ka kpakplaa geen ɔsu.

Kɔgya 74:15

Áya na abiɔ ku ntukpa ƒui bɔ́ƒɔ ntu na bɔɔgbá. Na ntukpa bonwu bɔ́kwii.

Ala Kalɔ Buse 6:17

“Na ndubɔya na ɔnantu ɔna ɔƒɔ kalɔ lɛlɔ ƒui na ɔyila lɛla biala mbo ngba udu.

Hiob 28:4

Baatu libu taasiku kalɔ kani lɛlɔ na bekyuli beli taayulaku kalɔ kalɔ kesii kani na ukyuli ulakana lɛgba buti buduo. Na baatu taada kɔbuli kɔdi lɛlɔ na bayu besie mmɔ.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Petro 2 3:6

Na ɔkɛnku ntu bɔmmɔ kani lɛlɔ ni, ɔ́ya na ntu búyi bɔ́ƒɔ kalɔ kammɔ lɛlɔ ƒui, na ɔ́du kuuku bekyuli bammɔ.

Ala Kalɔ Buse 7:6

Na Noa ɔ́ƒɔ akwa eti leevu-anyɔ (600) uwi ɔni kemmo na ɔnantu ɔmmɔ ɔ́na ɔ́ƒɔ kalɔ kammɔ ƒui.

Hiob 12:15

Katɔti ɔkana na ɔya na ɔnantu ɔda na kalɔ kakwii. Na anwu kani mɔɔyá na kayaa kaalɛmi na ɔnantu ɔna utulo ku lɛlɔ.

Hiob 38:16

“Éeduo ésie ɛpu kalɔ ntukpa bɔni muute-nwu ntu kemmo dii? Na éeduo ésie ɛpu kalɔ kesii kani nágyu na kábɛ mmɔ dii?

Agba 3:20

Na ɔkɛnku nwuna lɛlati lɛlɔ na úle ntu bonwu bɔmmɔ akpa akpa. Na ɔɔyá na liƒlukutu lɛnɔ lɛɛyu amii.

Yesaia 24:18

Na ukyuli ɔni menu liƒu lɛla lɛdi kɔku na ɔnii uukeli ɔdubɔnu uduo ubu kemmo. Na si ɔnii ɔɔkɔ́ ɔlɛ ubu ɔmmɔ kemmo lɛnɔ kakpagyuɛ kadubo-nwu budie. Kayaa kálɛmi kɔnakunwi ku ntu yoo aani kalɛ na baalɛmi ntu kayakun na kalɔ kammɔ ɔka ɔni nkya-nwu kalɔ ɔ́kunku.

Ala Kalɔ Buse 8:14

Na kɔbuli kunyɔdi kɔni nsia limeyi aavlanyɔ-maatɛdi lɛlɔ ni, kalɔ kammɔ kákwii kede kede.

Hiob 38:37

Adubɔkana na ati liƒlukutu bumomo na ada-ni aani ntu libui na ewilimi ntu bɔmmɔ