Ala Kalɔ Buse 6:8 - Katɔti Ɔku Kedee

⁸ Nsu Noa anwu ni, nwuna lɛlɔ lɛ́da Unwoti kubiti.

Ala Kalɔ Buse 6:8 Referans Kwoze

Ala Kalɔ Buse 19:19

Ami aani bina kabla ɔblane kalɛ ni, mina ala áƒɔ-mi anu. Na bɛ́nu-mi kɔnyana geen. Na bidie-mi ngba na ɔgbankpi kemmo. Nsu naaakana bukeli busie abi lɛlɔ. Amu ɔgbankpi ɔmɛni ɔdububo ubaka-mi ɔkya na likpi.

Hebriƒuɔ 4:16

Anwuɔsu bɛya na buti bula lɛlɔ ƒui bute-nwu na bɔkpɛ bude-nwu na nwuna lɛgaboku kudɔ ku kayi buse ka ubo lɛƒɔndia ɔsu. Na ɔkɛnku nwuna lɛƒɔndia ɔsu ni, ɔdubɔnu-bu kɔnyana na ubunku-bu uwi biala na búvele-nwu lɛla lɛdi.

Luka 1:30

Amu na ɔtu ɔmmɔ ɔ́su-nwu ɔnini, “Maria, tayia. Ƒula lɛlɔ lɛ́da Katɔti kubiti geen.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Tito 2:11

Ɔsika Katɔti údie nwuna lɛƒɔndia ɔ́tina-bu na ngba bɔƒɔ bɔni na ubo ute bekyuli bayawine ɔsu.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Agba 3:4

Ɔmɛni ɔdubɔya na aƒɔ lɛnyi na adia na Unwoti ku bekyuli ƒui anumi.

Kɔgya 145:20

Na bani ƒui mɔɔyɔ́-nwu ni, ɔɔgyumana-ma. Nsu balalane ama ni, ɔdubɔyila-ma udu.

Romaƒuɔ 4:4

Ukyuli ɔni mɔɔbla kabla ni, ulábu nwuna lɛyuƒɔla aani litela, mmomu ɔdi lɛla lɛni námanku-nwu na nwuna kabla kenye.

Batalane Kabla 7:46

Katɔti úbunku Dawid kaduɛ. Anwuɔsu Dawid úye Unwoti ɔnii nka ute-nwu kuƒi na ɔtu keliekɔ geen use ute anwu ɔni ndi Yakob Katɔti.

Agba 12:2

Lɛlɔ lɛɛyɔ́ Unwoti na bekyuli babuni lɛlɔ. Nsu ulátunaku balalane kɔkwɛ kukpidi kɔni na baakya.

Petro 2 2:5

Lɛni kani na ɔ́bla bekyuli bani nákya kukuuku lɛnɔ. Nsu Noa ɔni násu bekyuli kalɛ na Katɔti ɔɔwia ka bekyuli belie ngba ku nwuna badi maatɛ kani na údie. Na ntu bɔ́ƒɔ kayawi ƒui na bɔ́nyina bekyuli bakladi na békpi.

Agba 8:35

Ɔsika ukyuli biala nánu-mi ɔti ni, ɔ́kɛ ngba, na nwuna lɛlɔ lɛdubɔda Unwoti ebiti.

Yeremia 31:2

“Na ketele kalɔ kakwiidi kemmo ni, lɛ́bla bani ka kukpi kútadu lɛƒɔndia. Na lɛ́ya na bákɛ keyi buɛɛ. Na si uwi ɔmmɔ údu ni, ndubɔbla lɛni kani lite amii lɛnɔ. Ami Unwoti násu lɛni.”

Timoteo 2 1:18

Na muuvele Katɔti nnii ɔnu-nwu kɔnyana na Litemi Bɔtɛ Limeyi lɛmmɔ lɛlɔ. Awɔ ɔlati agyi kɔlɛ kɔlɛ kɔni na úbunku-mi na Eƒeso.

Galatiƒuɔ 1:15

Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,

Romaƒuɔ 11:6

Nwuna lɛƒɔndia lɛlɔ na ɔkɛ ɔ́ƒuna-ma, na ɔɔɔdi bana lɛla lɛni bábla ɔsu na ɔ́ƒuna-ma. Na si Katɔti ɔɔƒuna bekyuli na bana kabla bɔbla kenye ni, na nwuna lɛƒɔndia lɛɛɛdi lɛƒɔndia geen.

Tito 3:7

Na ɔkɛ nwuna lɛƒɔndia ɔsu ni, abu ku-nwu ntɛ bɔ́dia kalɛ na abu lɛnɔ bɔ́kɛ ngba ƒui bɔni lɛlɔ na bula anu asia.

Mateo 24:37

Ami, Ukyuli Ɔyawine Ubi, ndubo buse aani kalɛ na ɔ́lɛ na Noa uwi.

Luka 17:26

“Ala ani nálɛ na Noa uwi ni, anya kani ndubo bɔlɛ na uwi ɔni na ami, Ukyuli Ɔyawine Ubi, masɔ mebo.

Petro 1 3:20

Ama ndi bani nétenu Katɔti bɔlɛ uwi ɔni na ɔ́kɛku-ma kayi na Noa ɔkya ɔɔnwí nwuna ɔkɔlɔ ubendi ɔmmɔ. Nkyuli ɛlɛɛ bani bumomo mabla aani nkyuli maane kani nákɛ ngba na ntu búteti-ma.

Esekiel 14:14

Ina Noa ku Daniel ku Hiob bakya kalɔ kammɔ kemmo ni, kalɛ na basiaku-mi kama siin ɔɔɔdubo kalɔ kammɔ bɔƒɔ, mmomu ama alati kani ndubɔkɛ bɔƒɔ.