Ala Kalɔ Buse 6:2 - Katɔti Ɔku Kedee

² ɔni na kayaa batu bani náyila bana kenyekɔ na Katɔti kudɔ ni, bánu kalɛ na beleku bammɔ baadia bɔnu ɔsu ni, béti bani na baayɔ́.

Ala Kalɔ Buse 6:2 Referans Kwoze

Yohane 1 2:16

Ɔsika ala amɛni udu ani nkya kayawi ni, átasi Katɔti kudɔ. Adi ala ani mɔɔda bula likyulikpi ɔlɔna ɔmɛni ɔkwɛ, ku adikpi bɔdi ala ani na bɔɔnu na aada-bu ɔkwɛ, ku kayawi ala ani kemmo na ukyuli ɔɔkun lɛmɛnɛ. Ana akɔ lɛla lɛdi lítasi Katɔti kudɔ. Mmomu kayawi udunkpi kemmo na ana ƒui aasí.

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.

Esra 9:12

Ɔmmɔ ɔsu biteti bina bebi belekubi bitete-ma na beti iye bɛya na bina bakloƒu beti bana belekubi. Na bitawia ulu ɔdi na amii ku ama bɛbla unwi na ulu ɔdi lɛlɔ. Na bɛdubɔkɛ ɔlɔkplu na bɛdi ala abuni ani nkya kalɔ kammɔ kemmo na bise bina bebi ku bawɔ kama úsela uwi ƒui.’

Samuel 2 11:2

Limeyi lɛdi useyi uwi ni, Dawid ɔ́ta katɛnkɔ na ɔkɛ uusié taavi na ɔga kesii ɔtɔ katɔ mmɔ. Amu na ɔ́nu úmene na kaduli kadi kemmo na kalɔ ka uleku ɔdi ulie ɔɔkpí ntu. Na uleku ɔmmɔ ɔɔdia bɔnu geen.

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.

Israelƒuɔ Bɔlɛ 34:16

Mmɔ na bina bebi badubusie betéti bana beleku na ɔmɛni ɔdubɔkpanku-ma na balɛ-mi kama na besie batákpa bana baƒiɔ.

Ala Kalɔ Buse 27:46

Ɔmmɔ kama ni, Rebeka úsie útásu ɔgyani Isak ɔnini, “Mina ngba bɔni na nli buukpóku-mi na Hetiƒuɔ beleku bamɛni ablala ɔsu. Na si Yakob lɛnɔ úti Hetiƒuɔ beleku bamɛni akɔ ɔdi ni, amu nsɔ lɛɛɛgyi kesii kani na mina ngba búsela.”

Ala Kalɔ Buse 24:3

na Unwoti Katɔti ɔni ndi katɔ ku kalɔ ƒui ɔti lɛnyi kemmo ka ni, alawia uleku ɔdi na Kanaanƒuɔ bani akɔ na akya mɛni elete mina ubi ɔnanabi.

Ala Kalɔ Buse 4:26

Set lɛnɔ úbawɔ ubi ɔnanabi na ɔ́sia-nwu lɛnyi ɔnii Enos. Na uwi ɔmmɔ kemmo ni, bekyuli bése kalɔ ku Unwoti lɛnyi bɔkpali.

Ala Kalɔ Buse 3:6

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Korintoƒuɔ 2 6:18

Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Korintoƒuɔ 1 7:39

Uleku ɔni na ulie kɔgya ni, uuubo kuƒi ka ulie kɔgya bamba na uwi ɔni na ɔgyani ɔmu uli ngba. Na si ɔgyani ɔmmɔ úkpi ni, mmɔ asa na ɔdubɔkana na ulieku ɔnana ɔbambadi biala na ɔɔyɔ́. Nsu ɔdi ka ɔnana ɔmmɔ ɔbla ɔƒɔtaadine.

Malakai 2:15

Budie na Katɔti údie awɔ ku ƒ'ulekudi ka bɛbla aani ukyuli unwi. Na bi ɔsu na ɔ́bla lɛni? Ɔdi ka bɛwɔ bebi na bɛtɔnku-ma na benwini Katɔti bekyuli. Anwuɔsu bɛda bina ngba kaduɛ, na bitalɛ bina lɛkloƒu uwi uleku kama kudii.

Malakai 2:11

Amii bani nkya Yuda ku Yerusalem kalɔ lɛlɔ bilásiaku Unwoti kama siin. Na bíbile kakpakɔ kani na Unwoti ɔɔyɔ́ mmɔ ekisila na bɛɛbla ala ani muusé-nwu lɛlɔ na amii ku baƒiɔkpane biiti lɛlɔ.

Yesaia 63:16

Nsu awɔ ndi-bu Katɔti, ina ka Abraham ku Yakob ƒui basɔ baaagyi-bu aani bana bebi ni, awɔ Unwoti ndi bula ɔti, na Udiene na adi ete-bu ɔ́si kukuuku.

Hiob 31:1

“Líse kenye ka lɛɛɛdubo ugblebi ɔdi ɔnusɛ bɔnu na ɔda-mi ɔkwɛ.

Ala Kalɔ Buse 6:1

Uwi ɔmmɔ kemmo ni, bekyuli bése kalɔ beemomo na kalɔ lɛlɔ. Na báwɔ belekubi pii

Ala Kalɔ Buse 6:3

Amu na Unwoti ɔ́su ɔnini, “Mina kɔyu kɔɔɔdubo ukyuli kemmo bɔkya uwi ƒui. Anwuɔsu ukyuli ɔdubo bukpi. Na nwuna ngba emeyi adubɔbla akwa eti anyɔ ku aavlanyɔ kani.”

Ala Kalɔ Buse 12:11

Asa na badubuduo Egyipte ni, Abram ɔ́su ulekudi Sarai ɔnini, “Ngyi kalɛ na aadia bɔnu.

Ala Kalɔ Buse 26:35

Lɛla lɛmɛni lɛdi lɛla lɛni nékpoku Isak ku ulekudi Rebeka geen.

Hiob 1:6

Limeyi linwi ni, kayaa bayikune lidu ƒui bébo Katɔti anumi, na Satan lɛnɔ ɔkya-ma akɔ.