Ala Kalɔ Buse 6:11 - Katɔti Ɔku Kedee

¹¹ Uwi ɔmɛni kemmo ni, likpidi bɔbla búbile kayawi na Katɔti anumi na ɔda bubo lɛlɔ tadi ku lɛlɔ bukpoku kani nkya.

Ala Kalɔ Buse 6:11 Referans Kwoze

Esekiel 8:17

Mmɔ na Katɔti ɔ́su-mi ɔnini, “Ɔdi likpidi geen ka Yuda kadi bekyuli benye baabla ala ani muuƒí livo mɛni udu. Na ɔɔɔdi amɛni lɛti mmomu etemila tatɛ ulu lɛlɔ ku kalala káaƒɔ Israel kalɔ kemodi kammɔ lɛlɔ ƒui kesi kesii na bákya-mi kɔnyi geen. Na ulu ukpidi ƒui ɔni lɛlɔ na badubɔsia na bakya-mi kɔƒa na bedumi-mi na ɔdi mɛni.

Habakuk 2:8

Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 2:13

Ɔsika ɔɔɔdi bekyuli bani na bunu kani na beenú ɔda bubo bɔmɛni ndubɔbla siin na Katɔti anumi. Mmomu bekyuli bani mɔɔbla taasiaku lɛla lɛni nkya ɔda bubo bɔmmɔ kemmo ndubɔbla siin.

Esekiel 28:16

Átaadiku kadi bamba bekyuli kuye na énwini ɔlalane na likyulikpi lɛ́ƒɔ lɛlɔ kemmo ƒui. Anwuɔsu línye-ɔ lɛlɔ na lɛ́bɔku-ɔ lɛ́lɛ mina kɔbi kedee lɛlɔ mmɔ. Na ngba kebweyi kani na nka kátaagyumana-a mmɔ ɔlati nábɔku-ɔ ɔ́lɛku sika atabi ani náƒɔ kuye akɔ mmɔ.

Yesaia 60:18

Na basɔ belénu kekpo ku ala bubile kɔku na ƒula liku. Na ndubo-mii bɔgyumana aani kalɛ na awodu aaka taamana lɛla lɛdi na bimwi-mi ka lɛ́ƒɔ-mii ngba ɔsu.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Habakuk 2:17

Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.

Habakuk 1:2

Unwoti, uwi ɛlɛ sɔɔn na ndubunye nteevele-ɔ nnii bunku-bu ntédu asa na enu ete-mi? Na uwi ɛlɛ kama asa na adububo ebedie-bu alɛku kalɛ na bekyuli báta benye beekpóku-bu mɛni kemmo?

Yeremia 6:7

Ekpidi bɔbla bɔ́yu búnye ɔma ɔmmɔ aani kalɛ na libiɔ ntu bɔɔyu teenye libiɔ kemmo. Kalala bɔbla ndi kɔku kɔni mɔɔlɛ́ taasi awodu ani na bɛ́tu bɛ́mana mmɔ kemmo. Na bekyuli bani na bɛɛbla ala amɛni badi békpi bewi na bani lɛnɔ báƒɔ lɛlɛ batɛ kesi kesii.

Kɔgya 140:11

Taya na ukyuli ɔni muubile bekyuli anyi ɔkɛ bɔnwuna bɔdi na kalɔ kamɛni lɛlɔ. Ya na lɛbibo lɛsiaku bekyuli bani muuti kalala kasusu.

Kɔgya 55:9

Unwoti, ya na mina bekisine bammɔ beƒu. Na ebile bana kɔkwɛ kɔni na baakya kemmo ku kadɔ ku kekpo ku bekyuli ala bubile bɔni na mɔɔnu na ɔma ɔmmɔ kemmo.

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Ala Kalɔ Buse 13:13

Na uwi ɔmmɔ kemmo ni, Sodom bekyuli bebo kuli ɔkplu na bátaabla alaekpidi lidu lidu taaƒiɔ Katɔti.

Ala Kalɔ Buse 10:9

Na ɔdi ɔgbini unengudi geen na Unwoti anumi. Na básu lɛgba lɛdi banini, “Ukyuli ɔmmɔ use aani Nimrod, ɔgbini unengudi geen.”

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Ala Kalɔ Buse 7:1

Ɔmmɔ kama ni, Unwoti ɔ́su Noa ɔnini, “Ti awɔ ku ƒula kaduli bekyuli ƒui na bitéduo ɔkɔlɔ ɔmmɔ kemmo, ɔsika lɛ́nu ka awɔ kani nse siin na kaba kamɛni bekyuli akɔ.

Ala Kalɔ Buse 6:10

Ɔ́wɔ bebi ɛtɛ. Na ama ndi Sem ku Ham ku Yaƒet.

Israelƒuɔ Bɔlɛ 32:7

Mmɔ na Unwoti ɔ́su Mose ɔnini, “Babla, na ayu kɔbi eteesie. Ɔsika ƒula bekyuli bani na ákpanku álɛku Egyipte kalɔ lɛlɔ bábla likpidi na béni-mi.

Lɛkpa Ulu 31:29

Ngyi ka mina kekpima ni, bekyuli bamɛni badubo bekyuli bekpidi bunwini na badubo ala ani na lɛ́tina-ma mɛni buni. Na uwi ɔdi ɔdubo ɔni na badubo ɔgbankpi bɔsiaku, na uwi ɔdi ɔdubo ɔni na badubo Unwoti kɔnyi bɔkya na bataabla ala ani na úbo-ma ɔda ɔnii batabla.”

Litemi Batɛne 2:19

Nsu si litemi ɔtɛne ɔmmɔ ɔ́nya úkpi ni, na bekyuli bammɔ ƒui beenwíni teesie bana ɔbladu ukpidi ɔni ntulo bana bati ɔdi ɔni bátaabla kemmo. Na baasiaku baƒiɔ kama na baakpá-ma na baabla-ma kabla. Na beení ka bedie bana ɔbladu buɛ ku atuɔkplu atu.