Ala Kalɔ Buse 49:4 - Katɔti Ɔku Kedee

⁴ Ƒula udu use aani ntu bɔni mɔɔnwanɛ lɛlɔ. Nsu asɔ eletulo bakladi na lɛla lɛdi kemmo lɛnɔ. Ɔsika ákɔ ƒ'ɔti katɛnkɔ. Na ébile-nwu atɛla.

Ala Kalɔ Buse 49:4 Referans Kwoze

Ala Kalɔ Buse 35:22

Uwi ɔni na Israel ku anwu badi bakya kalɔ kammɔ kemmo ni, ubidi Ruben ku ɔti ulekudi Bilha bátɛ na ɔti úbenu lɛla lɛmɛni. Bebi leevu-inyɔ na Yakob ɔ́wɔ.

Ala Alɛdi 1 5:1

Bamɛni ndi Ruben ɔni ndi Israel ubidi udeedi bebi. Ɔdi ubi udeedi geen, nsu uwi ɔni na úbile ɔti katɛnkɔ na ɔ́ya na keesé lɛlɔ ni, nwuna kenyekɔ aani ubi udeedi kalɛ béti-ka béte Yoseƒ ɔni ndi Israel ubidi. Ɔmmɔ ɔsu bátakana na béte-nwu lɛnyi bakya bebi bedeedi bɔwɔ ɔku kemmo aani ubi udeedi ɔni báka bɔ́wɔ kalɛ.

Lɛkpa Ulu 27:20

‘Ewida asiaku ukyuli ɔni na anwu ku ɔti ulekudi baatɛ. Ɔsika ɔ́ya na ɔti katɛnkɔ keesé lɛlɔ.’ Na ɔlɛka bekyuli batuna banii, ‘Ɔsia lɛni.’

Lɛkpa Ulu 33:6

Amu na Mose úte Ruben kaba kusɛ kusɛ ɔnini, “Ina ka Ruben bekyuli beeemomo ni, belekpi kudii.”

Korintoƒuɔ 1 5:1

Na ɔƒɛni ni, bekyuli baasu nwaa ka ni, bina akɔ badi baadi kɔsɔnɔ kɔni ntulo bɔsu. Na bekyuli bani naaadi baƒɔtaadine muedi balakana ɔmmɔ udu bɔbla. Básu-mi banii ɔnana ɔdi ku ɔti ulekudi baatɛ!

Lɛkpa Ulu 5:21

Taya anumi egyie-ɔ-na ƒula ukyulikpana ulekudi iye nwuna kaduli iye nwuna kabla ɔblane iye nwuna kalɔ iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ!”

Ala Kalɔ Buse 46:8

Bɛya bunu Israel iye Yakob bebi ku nwuna kaba kemmo bebi bani nátɔlɔ bésie Egyipte anyi. Ruben ndi Yakob ubidi udeedi.

Petro 2 3:16

Na ɔmɛni lɛlɔ kɔtɛ kani na ɔɔtɛmiku-mii si uunweni nwuna lɛku. Ɔƒɛni ni, nwuna ala adi bene kalɔ bunu bɔɔyu ɔkplu teete bekyuli bani néteduo tɔ litemi lɛmmɔ kemmo kaduɛ ku bani naaasia ulu geen ɔmmɔ lɛlɔ. Lɛni kani na Bunweni Kedee Ɔku kemmo etemila lɛnɔ ese ete-ma. Anwuɔsu beedie-nya kalɔ na ulu bamba lɛlɔ. Ɔmɛni ɔsu na badubo bɔyii ku udu.

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.