Ala Kalɔ Buse 49:3 - Katɔti Ɔku Kedee

³ “Ruben, awɔ ndi mina ubi unengudi, mina ɔyikun, awɔ ndi mina lɛkloƒu ɔyikun ɔni na lɛ́ka keyi budie. Awɔ na baabu teetulo ƒui. Awɔ mbo ɔyikun ntulo.

Ala Kalɔ Buse 49:3 Referans Kwoze

Kɔgya 78:51

Ɔ́ya bana kaƒɔ bebi bananabi bedeedi ƒui békpi na kaduli biala kemmo na Egyipte kalɔ lɛlɔ mmɔ.

Lɛkpa Ulu 21:17

Mmomu ɔdi ka ule nwuna akɛla kemmo akpa atɛ na uti akpa anyɔ ute ubidi ɔnanabi udeedi ɔmmɔ. Ɔsika ubidi ɔmmɔ nédie ɔti lɛnanabi keyi. Na anwu mbo ɔnanabi udeedi ala bɔdi kuƒi ina ka ɔti ulayɔ uni.

Kɔgya 105:36

Na ɔ́ya na Egyipteƒuɔ bebi bananabi bedeedi bani ƒui nkya kalɔ kammɔ lɛlɔ ƒui békpi.

Ala Kalɔ Buse 29:32

Lea úbada kaƒɔ na ɔ́wɔ ubi ɔnanabi. Na ɔ́sia-nwu lɛnyi ɔnii Ruben, na nwuna kalɔ ndi Katɔti únu-mi kɔnyana buwulo. Na ɔ́su ɔnini, “Na ubi ɔmɛni ɔsu ni, mina ɔgyani ɔdubo-mi butaayɔ ɔƒɛni amu.”

Ala Alɛdi 1 5:3

Na Ruben ɔni ndi Israel ubi udeedi bebi ndi Hanok ku Palu ku Hesron ku Karmi.

Ala Alɛdi 1 5:1

Bamɛni ndi Ruben ɔni ndi Israel ubidi udeedi bebi. Ɔdi ubi udeedi geen, nsu uwi ɔni na úbile ɔti katɛnkɔ na ɔ́ya na keesé lɛlɔ ni, nwuna kenyekɔ aani ubi udeedi kalɛ béti-ka béte Yoseƒ ɔni ndi Israel ubidi. Ɔmmɔ ɔsu bátakana na béte-nwu lɛnyi bakya bebi bedeedi bɔwɔ ɔku kemmo aani ubi udeedi ɔni báka bɔ́wɔ kalɛ.

Ala Alɛdi 1 2:1

Israel bebi anyi ndi Ruben ku Simeon ku Lewi ku Yuda ku Isakar ku Sebulon

Bumomo Bɔka 1:20

Na ɔ́si Ruben ɔni ndi Israel ubidi udeedi lɛlɔ ni, báka banana bani nákɛ akwa aavlanyɔ ku kama na bédu ka besie kekpo. Na bénweni-ma anyi unwi unwi na kalɛ bákya bana kaba ku atɔƒi ɔku kemmo kenye.

Bumomo Bɔka 26:5

Ruben ɔni ndi Israel ubi udeedi kaba bekyuli ndi bamɛni. Hanok ɔdanku Hanokƒuɔ. Palu ɔdanku Paluƒuɔ.

Ala Kalɔ Buse 48:18

Na Yoseƒ ɔ́su ɔti ɔnini, “Ati, oowo! Aanu, ɔmɛni ndi ubi unengudi. Ti ƒula kɔdianu sia-nwu lili.”

Ala Kalɔ Buse 46:8

Bɛya bunu Israel iye Yakob bebi ku nwuna kaba kemmo bebi bani nátɔlɔ bésie Egyipte anyi. Ruben ndi Yakob ubidi udeedi.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Lɛkpa Ulu 33:6

Amu na Mose úte Ruben kaba kusɛ kusɛ ɔnini, “Ina ka Ruben bekyuli beeemomo ni, belekpi kudii.”

Ala Kalɔ Buse 35:22

Uwi ɔni na Israel ku anwu badi bakya kalɔ kammɔ kemmo ni, ubidi Ruben ku ɔti ulekudi Bilha bátɛ na ɔti úbenu lɛla lɛmɛni. Bebi leevu-inyɔ na Yakob ɔ́wɔ.

Ala Kalɔ Buse 35:23

Lea bebi bani na ɔ́wɔ úte Yakob ndi Ruben ɔni ndi Yakob ubi unengudi. Nwuna kama báwɔ Simeon ku Lewi ku Yuda ku Isakar asa na Sebulon.

Lɛkpa Ulu 27:13

Na adua ani bekyuli ndubunye Ebal Kɔbi lɛlɔ na benu kalɛ na Katɔti uuwida bekyuli ndi Ruben ku Gad ku Aser ku Sebulon ku Dan ku Naƒtali.