Ala Kalɔ Buse 44:8 - Katɔti Ɔku Kedee

⁸ Na sika ɔƒualadi udeedi ɔni na bɔ́ka bɔnu muedi ni, bɔ́sɔku-nwu bɔ́siku Kanaan kalɔ lɛlɔ búboku. Bi ɔsu na aabu anii bɔdubuyu sika ɔƒualadi iye ugyiedi bɔsiku ƒula ɔtɔlati kesii?

Ala Kalɔ Buse 44:8 Referans Kwoze

Romaƒuɔ 13:9

Ɔda ɔni bébo-bu banii, “Tadi kɔsɔnɔ, tadu ukyuli, teyu, taya na anumi egyie-ɔ na ukyuli ɔdi ala lɛlɔ,” ku ɔda bubo biala nsɔ nkya ɔmɛni kama ni, ɔna ƒui ɔdanku lɛlakpa linwi lɛni ndi, “Yɔ ƒula ukyulikpana aani ƒula lɛlɔ kalɛ.”

Mateo 19:18

Mmɔ na ɔnana ɔmmɔ úye-nwu ɔnini, “Ɔda bubo bɔmani?” Yesu ɔ́su-nwu ɔnini, “Tadu ukyuli, tadi kɔsɔnɔ, teyu, tada ƒula ukyulikpana kenye,

Lɛkpa Ulu 5:19

Teyu.

Israelƒuɔ Bɔlɛ 20:15

Teyu.

Ala Kalɔ Buse 44:7

Nsu banana bammɔ bédie kenye banini, “Ati, bi ɔsu na aasu ala amɛni udu taasiku-bu lɛlɔ. Abu ƒula kabla bablane bulakana lɛmɛni udu bɔbla kudii!

Ala Kalɔ Buse 43:12

Na biti sika ɔƒualadi ɔni na básɔku bákya-mii aƒo kemmo akpa anyɔ bɛda. Ɔsika ɔlɛka bitáƒɔ kayu kedeedi kammɔ lɛnɔ. Ɔƒɛni kalɛ bɔti na bátati asa na básɔku sika ɔƒualadi ɔmmɔ bákya-mii aƒo kemmo.

Ala Kalɔ Buse 42:35

Ɔmmɔ kama ka ɔdi biala úwilimi nwuna edula ni, ɔdi biala sika ɔƒualadi ku obo ɔni na nka béti betéye edula mmɔ ɔkya bana aƒo kemmo. Na ka bátina bana ɔti lɛnɔ na ɔ́nu sika lɛbo lɛmɛni ni, bana ƒui báyia.

Ala Kalɔ Buse 42:27

Ka ɔƒɛ ɔ́sa-ma na bédu kesii kani na batɛ ni, bana akɔ unwi ɔƒɛnimi nwuna koƒo ɔnii uute nwuna ebuo ala utine adila. Na ka ɔɔnu ni, aanu sika ɔƒualadi ɔni na úti útéye edula mmɔ na básɔku bakya-nwu koƒo kemmo.

Ala Kalɔ Buse 42:21

Ɔmmɔ kama básu lɛlɔ banini, “Katuala kadi keeebo ɔmɛni kemmo. Bɔgyi nwaa ka bula ɔnwani ɔni bɔ́bla likpidi ɔsu na buubó abi amɛni udu. Búnyimo kalɛ na ɔ́ƒɛ ɔ́da-nwu uwi ɔni na uuvele-bu ka nka bútabla-nwu lɛla lɛmmɔ udu. Nsu búni na bútanu-nwu kɔnyana. Anwuɔsu na lɛbibo lɛmɛni udu líbo-bu lɛlɔ.”

Ala Kalɔ Buse 43:18

Amu uwi ɔni na bákpanku-ma béselaku Yoseƒ kaduli ni, liƒu bonwu lɛdi lɛ́da Yoseƒ banwani bamɛni. Na ɔdi biala ɔ́kali ɔnii, “Sika ɔƒualadi ɔni na básɔku bákya bula aƒo kemmo ɔni na búbo búbavi ɔsu na béti-bu béboku mɛni. Na ɔɔyɔ́ ka úkpoku-bu na ɔdi-bu lɛlɔ na uƒie-bu unwini nwuna kabla bablane, na ɔƒɔ-bu bebuo ala betine.”