Ala Kalɔ Buse 43:3 - Katɔti Ɔku Kedee

³ Mmɔ na ubidi Yuda údie kenye ɔnini, “Ɔnana ɔmmɔ úbo-bu ɔda kpakplaa geen ɔnini, ‘Bɛsɔ bitada bitalɛ-mi anumi amu ntu bɛdanku bina ɔnwani!’

Ala Kalɔ Buse 43:3 Referans Kwoze

Ala Kalɔ Buse 44:23

Nsu ásu-bu aani ƒula kabla bablane kalɛ anini, ‘Si bítakpanku bina ɔnwani ɔnamudi ɔmmɔ bíteboku ni, bɛsɔ bitada bitalɛ mina anumi.’

Ala Kalɔ Buse 43:5

Na si elénu kalɔ bɔdi ni, abu lɛnɔ bulésie. Ɔsika bɔsu na ɔnana ɔmmɔ ɔ́su ɔnini, ‘Bɛsɔ bitada bitalɛ-mi anumi, amu ntu bɛdanku bina ɔnwani.’ ”

Batalane Kabla 20:38

Na lɛla lɛni nábla-ma ɔkwɛnu útulo ndi ɔni na ɔ́su-ma ɔnii basɔ baaadubo-nwu bɔnu ɔsu. Amu na básiaku-nwu na béti-nwu bétése ɔkɔlɔ kudɔ na ketu kenye mmɔ.

Batalane Kabla 20:25

“Na ni, amii bani ƒui nénu mina ala bɔtina ɔ́si Blɔti lɛga kadikɔ ala lɛlɔ ni, bɔsɔ bulasa kudii.

Batalane Kabla 7:34

Sɔsɔ ni, lɛ́nu lɛbibo lɛni kemmo na mina bekyuli bakya na Egyipte kalɔ lɛlɔ. Na muunú bana keku kani na beewulo taakpali-mi. Anwuɔsu lɛ́yu líbo nnii medie-ma. Bo, na lɛtala-a Egyipte.’

Samuel 2 14:32

Amu na Absalom údie kenye ɔnini, “Nu, lɛ́tala nnii babalɔ-ɔ na etéye ɔga lɛla lɛni ɔsu na lɛ́si Gesur líbo mɛni. Na si mmɔ na lɛ́sɔ nkya muedi na nka ɔɔɔdia uuutulo? Anwuɔsu ya na lɛnu ɔga anumi kɔnakunwi, na si lɛ́bla likpidi lɛdi ni, na ɔdu-mi.”

Samuel 2 14:28

Akwa anyɔ na Absalom ɔ́kya Yerusalem na útanu Ɔga Dawid kudii.

Samuel 2 14:24

Nsu Ɔga Dawid ɔ́su Yoab ɔnini, “Ya na uteesie nwuna kaduli na utebo-mi kudɔ mɛni na lɛnu-nwu anumi.” Anwuɔsu Absalom ɔ́tɔlɔ úsie nwuna kaduli na anwu ku Ɔga Dawid anumi átasa.

Samuel 2 3:13

Litemi lɛmɛni lɛ́yɔ Dawid kaƒɔ na ɔ́su-nwu ɔnini, “Ɔdia geen, na bunyimi bɔdubɔkya ami ku-ɔ ntɛ. Nsu kudeedi ni, mɔɔwia lɛla linwi lɛdi lɛsiku-ɔ kudɔ. Asa na adubɔsɔ ada alɛ-mi anumi anii abanu-mi ni, na adanku Saul ubidi ulekubi Mikal.”

Ala Kalɔ Buse 43:2

Anwuɔsu edula ani ƒui na bétéye na Egyipte mmɔ ni, báadi lɛla biala ƒui bédie báwɔlɔ. Ɔmmɔ ɔsu bana ɔti Yakob ɔ́lɔ-ma ɔ́su ɔnini, “Bɛsɔ bisie na bitéye edula blii adi biboku.”

Ala Kalɔ Buse 43:4

Ɔmmɔ ɔsu si adubunu kalɔ na bɔkpanku bula ɔnwani bɔda bɔdi ni, na bɔdubusie butéye edula ammɔ buboku-ɔ.