Ala Kalɔ Buse 4:7 - Katɔti Ɔku Kedee

⁷ Si ábla lɛla lɛni na mɔɔyɔ́ ni, nka ƒula kayi kemmo kadubɔbla ƒaa. Nsu likpidi lɛɛtú-ɔ na lɛɛyɔ́ ka lɛdi-ɔ lɛlɔ. Anwuɔsu nye kagyumana na adi likpidi lɛmmɔ lɛlɔ.”

Ala Kalɔ Buse 4:7 Referans Kwoze

Yakobo 1:15

Na ala ani mɔɔda-nwu ɔkwɛ mmɔ ni, aaƒɔ́-nwu lɛlɔ kemmo na ɔɔyá na ɔɔbla likpidi. Na uwi ɔni na likpidi lɛmmɔ lɛnɔ lɛ́di-nwu lɛlɔ ƒui ni, ɔdubukpi ɔkya likpidi kemmo.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Romaƒuɔ 6:16

Bɛgyi geen ka ni, si bínu lɛlɔ kalɔ na bíti bina lɛlɔ bɛ́kya ukyuli ɔni kabla na bɛɛbla kalɔ ni, na bɛdi ukyuli ɔmmɔ kabla bablane. Anwuɔsu bɛkana binwini kabla bablane bite likpidi lɛni mɔɔkpanku ukyuli taatákya kukpi kemmo. Na bɛkana binwini kabla bablane bite lɛbuni lɛni mɔɔkpanku ukyuli taatákya siin bɔbla kemmo.

Bumomo Bɔka 32:23

“Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Malakai 1:13

Bina ala bɔbla bɔɔtina ka bɛ́ɛnɔnku ala ammɔ bɔbla na biidie enu taakywɛ-nya ku lɛlɔ bɔtina. “Na si bíti bebuo bani na básɔ bíboku bɛnii bibakpa bite-mi ni, bɔƒɔ na ɔlɛka lɛƒɔ-ma?

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Malakai 1:8

Nsu ni, bɔnu bilánu ka útamanku ka biti ebuo ɔni na lɛnumi lɛ́bwɛ-nwu iye ɔ́sɔ na nwuna lɛlɔ ekpo étedu bɛkpa bite-mi? Amii biti ebuo ɔmmɔ udu bisienku bina aban ɔgadine unengu na bɛnu si kaƒɔ kadubɔyɔ-nwu na ubunku-mii lɛla lɛdi!

Batalane Kabla 10:35

Mmomu kalɔ biala lɛlɔ ukyuli ɔni muuboku lɛlɔ kalɔ teete-nwu na ɔɔbla nwuna lɛyɔla ni, anwu na ɔɔƒɔ́.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Ala Kalɔ Buse 3:16

Amu na Katɔti ɔ́su uleku ɔmmɔ ɔnini, “Ndubɔya na ebo abi geen uwi ɔni na ada kaƒɔ. Na adubunu ɔlɛ asa na awɔ bebi. Ina amu muedi ni, ƒula anu adubɔsia ƒ'ɔgyani lɛlɔ, na akya-nwu kalɔ.”

Timoteo 1 5:4

Nsu si ukpinele ɔdi ubo bebi iye bawɔ ni, bebi bammɔ bese kalɔ bataatɛya bana kaduli bekyuli bɔda ku bana bawɔne bɔda aani bana bɔƒɔtaadi kabla kalɛ. Ɔmmɔ mɔɔtina ka beesé bana bawɔne kɔdɛ. Ɔmɛni mɔɔyɔ́ Katɔti kaƒɔ.

Samuel 2 24:23

Ami Arauna líti lɛla biala muute awɔ mina ɔga na muuvele Unwoti Katɔti nnii ƒula lɛlɔ lɛda-nwu kubiti.”

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Ala Kalɔ Buse 19:21

Amu na ɔtu ɔmmɔ údie kenye ɔnini, “Ɔdia, línu lɛla lɛni na évele ɔsu lɛɛɛdubo ɔma blii ɔni lɛlɔ litemi na aasu mɛni bɔkyula.

Hiob 29:4

Uwi ɔmmɔ na ala ádianku-mi na ami ku Katɔti keliela kése kaduɛ, na útaagyumana-mi ku mina kaduli bekyuli ƒui geen.

Baga 2 8:28

Ɔƒɛni Ahasia ku Ahab ubidi Yoram bésie bétékpoku Siriaƒuɔ Ɔga Hasael na Ramot-Gilead. Na kekpo kammɔ kemmo ni, Asiriaƒuɔ bákya Ɔga Yoram ɔlɛ lɛlɔ,

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Hiob 11:14

Na edie ƒula alaekpidi ƒui atu, ku ani na ábla na bɔbɛ kemmo ƒui.

Hiob 11:15

Na ɔmmɔ ɔdubɔya na kɔƒa kɔsɔ kulékpo-ɔ, na kayi kelie-ɔ kalɔ na enye kpakplaa na asɔ alayia lɛnɔ.

Yeremia 3:12

Yeremia, nwini kenye sienku kalɔ kammɔ katɔ kakɛ na ebo kudu momoomo anini, ‘Israel, ami ndi bina Unwoti binwini bibo-mi kudɔ! Bɛ́lɛ-mi kama na bɛkya-mi kɔnyi geen. Nsu mɔɔnu kɔnyana ɔsu ni, ndubuti lɛkyiɛ-mii.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.