Ala Kalɔ Buse 39:1 - Katɔti Ɔku Kedee

¹ Na uwi ɔmmɔ kemmo ni, báakpanku Yoseƒ béboku Egyipte na béye-nwu béte unengu ɔni baalɔ Potiƒar. Na Potiƒar ɔmɛni ɔdi Ɔga Ƒarao benengu akɔ unwi. Na anwu ndi bani ƒui mɔɔgyumana ɔga ɔmmɔ unengu.

Ala Kalɔ Buse 39:1 Referans Kwoze

Kɔgya 105:17

Nsu ɔ́tala ukyuli na ɔtɔ-ma anumi na Egyipte. Na anwu ndi Yoseƒ ɔni béti béye ka unwini bekyuli bamba kabla ɔblane.

Ala Kalɔ Buse 37:28

Ɔmmɔ ɔsu ka Midianƒuɔ beyedine bamɛni badaku bana kudɔ budu ni, báni Yoseƒ bálɛku ubu ɔmmɔ kemmo. Na béti-nwu béye béte-ma. Na bádi-nwu kuye sika ɔƒualadi ebi aavlanyɔ. Na Midianƒuɔ bammɔ béti-nwu bésienku Egyipte.

Ala Kalɔ Buse 37:36

Na uwi ɔni kemmo na Yakob ɔɔbla ɔmɛni ƒui ni, Midianƒuɔ bamɛni béeti Yoseƒ béye bete Egyipteni ɔni baalɔ Potiƒar na ɔdi Ɔga Ƒarao benengu akɔ unwi ɔni mɔɔnu bekyuli bani mɔɔgyumana ɔga unengudi lɛlɔ.

Ala Kalɔ Buse 37:25

Uwi ɔni na bélie kalɔ banii baadi ni, bánu ka bebuo ala betine beti ala pii adi badubo. Na badi Ismael kadi bekyuli bani nási Gilead. Bebuo bamɛni béti kutu akyala lidu pii ku ala awɛɛdi ƒɛƒɛɛ bésela Egyipte kalɔ lɛlɔ.

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Ala Kalɔ Buse 45:4

Amu na Yoseƒ ɔ́su nwuna banwani ɔnini, “Bɛni bide-mi.” Na ka báni béde-nwu ni, ɔ́sɔ ɔ́su-ma ɔnini, “Ami ndi bina ɔnwani Yoseƒ ɔni na bíti bíye, na béti-mi béboku Egyipte kalɔ lɛlɔ!

Ala Kalɔ Buse 40:3

Ɔmmɔ ɔ́su ɔ́ya na bákya-ma ɔtɔ na bagyumanane bammɔ ƒui unengu kesii. Na mmɔ kani na bákya Yoseƒ lɛnɔ ɔtɛ.