Ala Kalɔ Buse 34:2 - Katɔti Ɔku Kedee

² Uwi ɔni na Hamor ubidi Sekem ɔni ntɔnku Hiwiƒuɔ ɔ́nu ulekubi ɔmɛni ni, úƒie-nwu na ɔ́yɔ-nwu mmɔ kani.

Ala Kalɔ Buse 34:2 Referans Kwoze

Hiob 31:9

“Si ukyuli bamba uleku ɔdi úgyie-mi anumi na lɛ́wia nnii mɔɔƒɔ́-nwu linwini mina ɔdi ni,

Mateo 5:28

Na ami mɔɔsu-mii nnii ɔnana ɔni manu uleku ɔbambadi na wada-nwu ɔkwɛ ni, ɔ́bla likpidi na nwuna kayi kemmo.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Hiob 31:1

“Líse kenye ka lɛɛɛdubo ugblebi ɔdi ɔnusɛ bɔnu na ɔda-mi ɔkwɛ.

Litemi Batɛne 14:1

Amu na Simson ɔ́vi úsie Timna. Na mmɔ ɔ́nu Ƒilistini ugblebi ɔdi.

Samuel 2 11:2

Limeyi lɛdi useyi uwi ni, Dawid ɔ́ta katɛnkɔ na ɔkɛ uusié taavi na ɔga kesii ɔtɔ katɔ mmɔ. Amu na ɔ́nu úmene na kaduli kadi kemmo na kalɔ ka uleku ɔdi ulie ɔɔkpí ntu. Na uleku ɔmmɔ ɔɔdia bɔnu geen.

Lɛkpa Ulu 22:29

ɔlɛka bakya-nwu kayu sika ɔƒualadi antabi akyami bɔkɔku liti ute uleku ɔmmɔ ɔti. Na ɔmmɔ kama uleku ɔmmɔ unwini ɔnana ɔmmɔ ɔgyani. Ɔsika úwi-nwu anumi kalɔ. Na ɔnana ɔmmɔ uuubo kuƒi kɔdi na ɔnyonu ulekubi ɔmmɔ na nwuna ngba emeyi ƒui kemmo.

Lɛkpa Ulu 22:24

na bɛkpanku ɔnana ku uleku ɔmmɔ bisienku ɔma kabanye na bibo bana inyɔ atabi bɛdu. Ɔlɛka badu uleku ɔmmɔ, ɔsika úni na útava útakpali ka babaƒɔ-nwu ina ka ɔma kemmo na bakya uwi ɔni na ɔnana ɔmmɔ ɔnii anwu ku-nwu baatɛ. Na lɛla lɛni ɔsu na ɔlɛka badu ɔnana ɔmmɔ lɛnɔ ndi ka úsie ɔɔtɛnku uleku ɔni bévele béte ukyuli bamba. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.

Lɛkpa Ulu 21:14

Na si éti-nwu na ánu ka asɔ alayɔ-nwu ni, eeebo kuƒi ka anu-nwu aani ukyuli uyedi na eti-nwu eye. Ɔsika awɔ ku-nwu bɛ́tɛ na ébile-nwu. Anwuɔsu nyonu-nwu na uteesie ƒaa.

Ala Kalɔ Buse 33:19

Na mmɔ ni, Yakob úti sika ɔƒualadi ebi eti anyɔ na úye kalɔ kadi. Mmɔ na ɔ́da keliekɔ. Na kalɔ kammɔ ni, úye-ka ɔ́siku Sekem ubidi Hamor bebi kudɔ.

Ala Kalɔ Buse 20:2

Mmɔ ka Abraham údie ulekudi Sara ɔ́tina bekyuli bammɔ ni, ɔ́su-ma ɔnini, “Mina ɔnwani ulekubi na ɔdi.” Ɔmmɔ ɔsu Abimelek ɔni ndi Gerar ɔma ɔga ɔ́tala na bátákpanku Sara béboku-nwu.

Ala Kalɔ Buse 10:17

Hiwiƒuɔ ku Arkiƒuɔ ku Siniƒuɔ

Ala Kalɔ Buse 6:2

ɔni na kayaa batu bani náyila bana kenyekɔ na Katɔti kudɔ ni, bánu kalɛ na beleku bammɔ baadia bɔnu ɔsu ni, béti bani na baayɔ́.

Ala Kalɔ Buse 34:3

Ɔ́si ɔmmɔ lɛlɔ ni, Yakob ubidi Dina litemi lɛ́da Sekem kayi geen. Na ka ɔɔyɔ́-nwu ɔsu ni, ɔɔtɛmiku-nwu kpɛtɛ kpɛtɛ.

Ala Kalɔ Buse 34:30

Mmɔ na Yakob ɔ́su Simeon ku Lewi ɔnini, “Bíti lɛbibo bonwu bíboku-mi lɛlɔ. Na bíti lɛla libudi bibawɛɛ-mi lɛlɔ. Na ndubo buteenwenyi na Kanaanƒuɔ ku Perisiƒuɔ kadi bekyuli kudɔ na kalɔ kamɛni lɛlɔ. Bɛɛnu ka buuumomo na si básala lɛlɔ na báta kekpo na mina lɛlɔ ni, badubɔyila mina kaduli bekyuli ku ala ƒui udu.”

Litemi Batɛne 9:28

Amu na Ebed ubidi Gaal ɔ́su ɔnini, “Ɔma ndi Abimelek, na ɔma lɛnɔ ndi Sekem ɔni ba bɔkya-nwu kalɔ? Ɔɔdi anwu ndi Gideon ubidi, na Sebul muubunku kabla si uuubo yoo? Ɔlɛka bɛsala ku Hamor kaba bekyuli mmomu. Ɔsika ama ndi Sekem ɔti. Bi ɔsu na bɛmu bɛkya Abimelek kalɔ?”

Ala Kalɔ Buse 34:27

Yakob bebi bábavi bekpine bammɔ lɛlɔ na bála bana ala ƒui batɔlɔku ɔma ɔni kemmo na bébile bana ɔnwani mmɔ.

Yosua 9:7

Amu na Israelƒuɔ béye-ma banini, “Bi ɔsu na bɛɛyɔ́ ka bɔbla unwi? Ɔƒaalɛ bina keliekɔ kátagyunku-bu.”

Samuel 2 11:4

Amu na Dawid ɔ́tala batu badi ɔnii batákpanku-nwu beboku. Uleku ɔmmɔ úbo na anwu ku Dawid bátɛ. Na asa na webo Dawid kudɔ ni, nwuna kɔnu bɔƒɛ kenye kékulo na ɔ́wɔlɔ lɛlɔ bɔbla sɛɛn ɔdi ɔmmɔ. Na ka bátɛ báwɔlɔ ni, uleku ɔmmɔ ɔ́sɔ únwini úsie kaduli.

Samuel 2 13:14

Nsu ɔmɛni ƒui ni, ɔnwani Amnon úni kasusu kani na uute-nwu na ɔ́tɛnku-nwu ɔkplu kemmo.