Ala Kalɔ Buse 3:5 - Katɔti Ɔku Kedee

⁵ Mmomu Katɔti ɔgyi ka si bɛ́di kugyii kɔmmɔ ebi ni, bɛdubo anu bɔda. Na bɛdubo bɔbla aani anwu Katɔti kalɛ. Na bɛdubɔnu lɛbuni ku likpidi lɛnɔ bɛti.”

Ala Kalɔ Buse 3:5 Referans Kwoze

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Tesalonikaƒuɔ 2 2:4

Na ɔdubɔta unye utile kɔyu ɔyikun biala ulu na ɔtina ka anwu lɛti ndi ayu ƒui utulone. Na ɔdubo bɔta muedi butélie Katɔti kakpakɔ na ɔbla lɛlɔ aani anwu ndi Katɔti ɔmmɔ.

Ala Kalɔ Buse 2:17

Nsu kugyii kɔni mɔɔyá na ukyuli ɔɔnu lɛbuni ku likpidi taati aku ni, tadi-ku ebi. Ɔsika si ádi kugyii kɔmmɔ ebi ni, bukpi kani na adubo bukpi.”

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Mateo 6:23

Nsu si ƒula anumi alánu nwaa ni, lɛdisa lɛdubɔƒɔ-ɔ lɛlɔ ƒui. Anwuɔsu si ƒula bukeye búnwini lɛdisa ni, na ɔdubɔbla-a suu geen.

Ala Kalɔ Buse 3:22

Amu na Unwoti Katɔti ɔ́su ɔnini, “Ɔƒaani ni, ukyuli ɔgyi lɛbuni ku likpidi lɛnɔ aani abu kalɛ. Anwuɔsu ɔ́sɔ útalɛka ɔkɛ kuƒi na ude kugyii ebi ani mɔɔyá na ukyuli uulie ngba mmɔ ɔdi na ɔsɔ ulekpi.”

Ala Kalɔ Buse 3:10

Amu na údie kenye ɔnini, “Línu-ɔ kɔku na kemo kammɔ kemmo na liƒu lɛ́da-mi, ɔsika nkɛ kasɔngya. Anwuɔsu líkeli ńtábɛ.”

Ala Kalɔ Buse 3:7

Mmɔ na bana inyɔ ƒui anumi ébimi na bánu báti ka bakɛ kasɔngya. Anwuɔsu béde kugyii evete bonwu adi básala na béti bábɛla lɛlɔ kasɔngya.

Budie Taatina 13:14

Ɔ́tɔlɔ bekyuli bani ƒui nlie kalɔ lɛlɔ na nwuna akɔla bɔbla ani na ɔ́bla ɔkɛnku eƒiebuo udeedi ɔmmɔ lɛlɔ ɔsu. Ɔ́ya na bekyuli bammɔ bése baƒiɔ badi béte lɛlɔ, na bávɔ-ma na bese aani eƒiebuo udeedi ɔni náƒɔ ɔlɛ ka bébeyi-nwu ɔkɛɛ nsu ɔmu uli ngba.

Budie Taatina 13:4

Bekyuli bátaalɛ akɔnkɔ teete kɔlakpi kɔmmɔ, ɔsika kúte eƒiebuo ɔmmɔ kenyekɔ kenengudi. Na bátaalɛ akɔnkɔ teete eƒiebuo ɔmmɔ lɛnɔ. Na baasu banii, “Ɔma nse aani eƒiebuo ɔmɛni? Na ɔma makana-nwu bukpoku? Ɔdi uuubo!”

Yesaia 14:14

Na ndubɔkɔ lisie katɔ katɔ ƒui, na ami ku Unwoti Ɔyikune Ƒui bɔdubɔbla likeke.”

Baga 1 22:6

Ɔmmɔ ɔsu Israelƒuɔ ɔga ɔ́lɔ kenye bediene eti maane (400) ɔ́sala na úye-ma ɔnini, “Nteesie Ramot-Gilead na ntékpoku-ma munuu ntesie?” Amu na kenye bediene bammɔ básu-nwu banini, “Teesie! Ɔsika Unwoti ɔdubo-ma buti bɔkya awɔ ɔga enu kemmo.”

Israelƒuɔ Bɔlɛ 20:7

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Daniel 6:7

Anwuɔsu ƒula bakutine ku benengu ku kasusu bakyane ku ƒula aban bagadine ƒui búnu kalɔ ka enyimi ɔda bubo bɔni muutile ukyuli biala kuƒi ka ɔkya lili kalɔ ute baƒiɔ badi iye lɛla bamba utulo awɔ kani emeyi avlaatɛ ani ndubo mɛni kemmo. Na ukyuli biala ɔni meni ɔmɛni bɔbla ni, ɔlɛka bebo-nwu bakya ƒula bagyata ubu kemmo.

Esekiel 28:9

Na si uwi ɔni na úbo úte ka enye asiaku ƒula bekisine adubɔsɔ asu anii kayaa ɔyikune ɔdi na adi? Badubo-ɔ bukpoku na ebo abi aani ukyuli ɔyawine bamba kalɛ.

Esekiel 13:22

“Baabla ala ani na ami lɛɛɛdubo bɔbla kudi kudii. Baatɔ́lɔ bekyuli babuni na baakya-ma ogya ka babla likpidi na baayá na kayi keelie bekyuli bekpidi kalɔ ka bataabla bana ekpidi na bayila bana ngba bumodi bɔmmɔ ƒui.

Kɔgya 12:4

Ɔsika baasu ka ama ni, bana kenye ogya na badubuti bakɛ lɛla biala. Na lɛla biala na baayɔ́ ni, badubɔsu-ni ƒaa, ɔsika baasu banii ukyuli biala ulakana-ma lɛla lɛdi bɔbla.

Ala Alɛdi 2 32:15

Bitaya na Hesekia use-mii lisusu lɛmmɔ udu! Baƒiɔ badi bátakana bunye bɔsiaku Asiria kudii na baƒɔ bana kadi bekyuli badi. Anwuɔsu bɛƒɔ-mi bɛdi ka bina Katɔti lɛnɔ ɔɔɔdubo-mii bɔkana bɔƒɔ!”

Esekiel 29:3

ami nnini, ‘Awɔ Egyipte ɔga, ábla lɛlɔ aani odenge bonwu ɔdi na ɔtɛ ketu kemmo. Na átaabla lɛlɔ aani si Nil Ketu bonwu kammɔ ƒui ɔwɔ kadi na kadi na awɔ nábla-ka éte lɛlɔ. Nsu ɔƒaani ni, ami Unwoti Katɔti línwini ƒula ukisine!

Esekiel 28:12

“Esekiel, ɔyawine ubi, die ɔkwanu te Tiro ɔga na asu-nwu anii ami nnini, ‘Na uwi ɔdi návi kemmo ni, na adia geen áwɔlɔ na ebo kasusu geen na aadia bɔnu lɛnɔ.

Ala Kalɔ Buse 2:9

Na kemo kammɔ kemmo ni, Katɔti ɔ́ya na egyii ákwɛ enye na adi egyii abuni ani mɔɔdia bɔnu ku edula ani ndia kaduɛ na adia ete ka badi. Na kemo kammɔ ntɛntɛ ni, kugyii kɔni muute ukyuli ngba kunye na kɔni mɔɔyá na ɔɔnu lɛbuni ku likpidi taati lɛnɔ kunye.

Litemi Batɛne 3:2

Na Unwoti ɔ́bla ɔmɛni kalɛ na ɔtina Israelƒuɔ bani nétesie tɔ kekpokɔ kudii kalɛ na beekpó.