Ala Kalɔ Buse 3:13 - Katɔti Ɔku Kedee

¹³ Mmɔ na Unwoti Katɔti úye uleku ɔmmɔ ɔnini, “Bi na ábla mɛni?” Amu na uleku ɔmmɔ údie kenye ɔnini, “Kɔlakpi kɔmmɔ nátɔlɔ-mi na lɛ́di.”

Ala Kalɔ Buse 3:13 Referans Kwoze

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Timoteo 1 2:14

Na ɔɔɔdi Adam na ukisine ɔmmɔ ɔ́tɔlɔ, mmomu uleku na ɔ́tɔlɔ. Na ɔ́ya na ɔ́bla likpidi.

Yohane 18:35

Amu na Pilato údie kenye ɔnini, “Aabu anii Yudani na ndi? Awɔ ɔlati ƒula kadi bekyuli ku bakpane benengu néti-ɔ bábakya-mi kɔnu. Bi na ábla?”

Samuel 2 3:24

Anwuɔsu Yoab úsie Dawid kudɔ na útéye-nwu ɔnini, “O Ati, bi na ábla mɛni? Bi ɔsu na áya na Abner úbo mɛni na ɔ́sɔ ɔ́tɔlɔ kpoo lɛni? Áya na úkeli!

Ala Kalɔ Buse 44:15

Amu na Yoseƒ úye-ma ɔnini, “Bi ɔdi na bɛ́bla mɛni? Bɛɛɛgyi bɛnii ukyuli aani ami bene udu ni, mɔɔkana na mɔɔnu ala na bɔbɛ kemmo?”

Samuel 1 13:11

Mmɔ kani ni, Samuel úye-nwu ɔnini, “Bi ndi lɛla lɛni na ábla mɛni?” Amu na Saul údie kenye ɔnini, “Lɛ́nu ka banana bammɔ beegyingya. Na lɛnɔ ni, étebeduo uwi ɔni na ése lɛlɔ, na Ƒilistiƒuɔ badaku lɛlɔ bɔsala na Mikmas.

Romaƒuɔ 7:11

Na bɔkɛnku ɔda bubo lɛlɔ ni, likpidi bɔbla bɔ́kɛ ulu na bɔ́tɔlɔ-mii na bɔ́du-mi.

Samuel 1 15:15

Amu na Saul údie kenye ɔnini, “Bekpone bammɔ néti-ma básiku Amalek kalɔ lɛlɔ béboku na badi baƒonu ku ɔmantɛ bakɔ babuni ƒui na bana akɔ ka beti babakpa bete Katɔti, na bakladi ƒui ama báyila-ma udu.”

Ala Kalɔ Buse 12:18

Ɔmmɔ ɔsu Ƒarao ɔ́tala na bátálɔ Abram béboku-nwu na úye-nwu ɔnini, “Bi na ɔdi na ábla-bu mɛni, na átasu-mi ka ƒ'ulekudi na ɔdi?

Lewiƒuɔ Ɔda Bubo 12:5

Na si ulekubi na uleku ɔmmɔ ɔ́wɔ ni, uwele ɔmmɔ uuuse sɛɛn wetédu kwasida inyɔ. Na ɔlɛka ulie emeyi liti ku leevu-ɛku na ɔbla sɛɛn ɔsiku nwuna ubugya buwi kemmo.

Baga 1 13:18

Amu na kenye udiene ɔni náabi lɛlɔ mmɔ údie kenye ɔnini, “Ami lɛnɔ kenye udiene na ndi aani ƒula kalɛ. Na Katɔti ɔtu ɔdi ɔ́su-mi ka Unwoti ɔnii, ‘Nwiniku-nwu boku ƒula kaduli na ubadi na ɔni lɛla lɛdi.’ ” Nsu ɔkɔ na unengu ɔmmɔ ɔɔnyi.

Yona 1:10

Liƒu lɛ́da bekyuli bani ƒui nkya ɔkɔlɔ ubendi ɔmmɔ kemmo, ɔsika Yona ɔ́ɔsu-ma úbavi ka Unwoti na uukeli. Ɔmmɔ ɔsu béye-nwu banini, “Bi ndi ƒula kabla?”