Ala Kalɔ Buse 3:10 - Katɔti Ɔku Kedee

¹⁰ Amu na údie kenye ɔnini, “Línu-ɔ kɔku na kemo kammɔ kemmo na liƒu lɛ́da-mi, ɔsika nkɛ kasɔngya. Anwuɔsu líkeli ńtábɛ.”

Ala Kalɔ Buse 3:10 Referans Kwoze

Ala Kalɔ Buse 2:25

Na uwi ɔmɛni kemmo ni, ɔnana ku uleku ɔmmɔ beli kasɔngya ɔni na kɔƒa kɔdi kulekpo-ma.

Yesaia 57:11

“Bi ndi baƒiɔ bani kama na bɛsiaku, na ama na bɛɛyia teetulo ami ɔsu na bɛ́yiƒala-mi ku mina ala ani na lɛ́bla, na bɛsɔ binyimo adi na bina kayi kemmo? Munuu ɔni na líbile kenye mɔɔnu-mii kpoo ɔsu na mina lɛlɔ liƒu lɛsɔ liiibo-mii lɛlɔ kemmo?

Yesaia 47:3

Bekyuli badubo-ɔ kasɔngya bɔnu na kɔƒa kukpo-ɔ, ɔsika adubo bɔvi ku kasɔngya. Na ndubo kasi budie na ɔdi ulébu iye ukeli.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Yohane 1 3:20

Na si ina bula kayi kaadú-bu kɔtɔ muedi ni, enu ataƒɛ-bu. Bɔgyi ka Katɔti ɔɔtɛ litemi biala ulu lɛlɔ teetulo-bu, na ɔgyi lɛla biala.

Hiob 23:15

Ɔmmɔ ɔsu na nnye-nwu anumi ku liƒu. Na si mɔɔkali ala amɛni taanu ni, na lɛlɔ lɛɛtɔ́-mi kpakpaakpa.

Israelƒuɔ Bɔlɛ 3:6

Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Budie Taatina 16:15

“Binu! Ami Yesu ndubo bɔda bɔlɛ-mii lɛlɔ kɔnakunwi aani uyune kalɛ! Lɛlɔ lɛdubɔyɔ ukyuli ɔni nnye kagyumana na ɔda adala ani mɔɔtina ka use siin uwi biala kemmo, kalɛ na ulakɛ kasɔngya ku kɔƒa na kadi akɔ!”

Israelƒuɔ Bɔlɛ 32:25

Mmɔ na Mose ɔ́nu ɔ́ti ka Aaron nébile bekyuli bamɛni ɔsu na bábla adɔlɔla amɛni na bana bekisine anumi.

Ala Kalɔ Buse 3:7

Mmɔ na bana inyɔ ƒui anumi ébimi na bánu báti ka bakɛ kasɔngya. Anwuɔsu béde kugyii evete bonwu adi básala na béti bábɛla lɛlɔ kasɔngya.

Ala Kalɔ Buse 3:11

Mmɔ na Katɔti úye-nwu ɔnini, “Ɔma násu-ɔ ɔnii akɛ kasɔngya? Munuu kugyii kɔni lɛlɔ ebi na líbo-ɔ ɔda nnii tadi mmɔ ni, aku na átádi?”

Israelƒuɔ Bɔlɛ 20:18

Amu ka bekyuli bammɔ bénu kalɛ na katɔ keedu, na kaabwɛ ogya, na kakpɛɛ lɛnɔ kaaku, na bánu kalɛ na uyɔ lɛnɔ ɔ́ƒɔ kɔbi kɔmmɔ lɛlɔ ni, liƒu bonwu lɛ́da-ma. Anwuɔsu báni bésie kama kama.

Israelƒuɔ Bɔlɛ 20:19

Na básu Mose banini, “Si Unwoti úbo litemi lɛdi na wasu-bu ni, na ɔsu-ɔ na asu-bu. Na bulayɔ ka Unwoti ɔlati ɔtɛmi ute-bu. Si ɔɔɔdi lɛni bula ƒui bɔdubo bukpi.”

Lɛkpa Ulu 5:25

Nsu buuye bɔnii bi ɔsu na buuti bula ngba butákya ɔgbankpi kemmo? Ɔsika lɛgyavonku lɛmmɔ lɛdubo-bu ngba bɔyila. Na bɔɔtí nwaa ka bɔdubo bukpi si bɔ́sɔ búnu bula Unwoti Katɔti lɛdi.

Hiob 31:33

Ńteti mina ekpidi adi ńtabɛla bekyuli kalɛ na badi baabɛla bana ekpidi taakya kayi kemmo banii ɔdi utati.