Ala Kalɔ Buse 24:12 - Katɔti Ɔku Kedee

¹² Amu na ɔ́kpali katɔ ɔ́su ɔnini, “O Unwoti, mina ɔtɔlati Abraham Katɔti, ya na lɛla lɛni ɔsu na líbo mɛni lɛtɛ lite-mi ɔmwi. Na anu mina ɔtɔlati Abraham kɔnyana.

Ala Kalɔ Buse 24:12 Referans Kwoze

Ala Kalɔ Buse 24:27

Na ɔ́su ɔnini, “Bemwi Unwoti mina ɔtɔlati Abraham Katɔti. Ɔsika útayiƒala kalɛ na ɔɔnu mina ɔtɔlati kɔnyana ku kalɛ na ɔɔdi nwuna etemila ani na ɔ́su-nwu úse lɛlɔ teete-nwu. Na ami ni, Unwoti Katɔti ɔ́tɔnku-mi na lísie ulu ɔmɛni ńtédu mina ɔtɔlati lɛlɔ bekyuli kudɔ.”

Baga 2 2:14

Na úti Elia lɛduni lɛmmɔ ɔ́ƒiɛmi ntu bɔmmɔ anumi na ɔ́su ɔnini, “Wɛ na Unwoti ɔni ndi Elia Katɔti mmɔ ɔkya?” Amu na ɔ́sɔ ɔ́ƒiɛmi kunyɔdi na ntu bɔmmɔ bɔ́bwɛ kemmo inyɔ. Na ɔ́sia-nwu kemmo na úténye ketu kammɔ ɔvi unyɔdi.

Israelƒuɔ Bɔlɛ 3:15

Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Israelƒuɔ Bɔlɛ 3:6

Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Ala Kalɔ Buse 26:24

Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”

Ala Kalɔ Buse 24:48

Na ɔmmɔ kama lɛ́kya lili kalɔ na límwi Unwoti Katɔti. Lɛ́kɔliku Unwoti mina ɔtɔlati Abraham Katɔti lɛnyi katɔ. Anwu nátɔnku-mi ɔ́vinku ulu ɔni geen lɛlɔ na ɔlɛka lɛsia. Na ḿbasiaku mina ɔtɔlati Abraham ɔlati ɔnwani uwɔ lite ubidi ɔnanabi ka uti-nwu.

Ala Kalɔ Buse 24:42

“Na uwi ɔni na ḿbedu libiɔ lɛmmɔ kɔtu ɔmwi ni, lɛ́kpali Katɔti lɛ́su-nwu nnini, ‘O Unwoti mina ɔtɔlati Abraham Katɔti, si ɔ́yɔ-ɔ kaƒɔ ni, na aya na lɛla lɛni ɔsu na muusié ulu ɔmɛni ubo-nwu kemmo lɛni.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Agba 3:6

Nu-nwu ti na ƒula lilu ƒui lɛlɔ, na ɔdubɔtɔnku-ɔ na ƒula kasiakɔ ƒui.

Kɔgya 127:1

Si Unwoti Katɔti kɔnu kɔɔɔkya ɔtɔ ɔni na batune benye baatú kemmo ni, kekeeke na beebó abi. Na si Unwoti Katɔti útagyumana ɔma ɔni na bagyumanane benye baanu ni, kekeeke na belie benye baagyumana.

Kɔgya 122:6

Bivele Unwoti bɛnii keyi buɛɛ kebo Yerusalem ɔma kemmo. Na bekyuli bani ƒui mɔɔyɔ́-ɔ ni, enu ku akɔkɔ eyi-ma.

Kɔgya 118:25

Ƒɔ-bu ngba, O Unwoti, buvele bɔda-a! Ya na bula kabla ƒui katɛ kete-bu.

Kɔgya 37:5

Ti ƒula ala ƒui siaku Unwoti Katɔti lɛlɔ na aƒɔ-nwu adi, na ɔdubɔbla lɛla lɛni námanku ute-ɔ.

Nehemia 2:4

Amu na ɔga ɔmmɔ ɔ́su ɔnini, “Bi na aayɔ́ ka lɛbla lite-ɔ?” Amu na lɛ́kpali Ati ɔni nkya katɔ

Nehemia 1:11

Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Baga 1 18:36

Ka useyi akpala bɔbla uwi údu ni, Kenye Udiene Elia ɔ́lɛ úsie úténye anumi. Amu na ɔ́kpali Katɔti ɔnini, “O Unwoti ɔni ndi Abraham ku Isak ku Israel Katɔti! Ya na bekyuli bamɛni banu bati ɔmwi ka ni, awɔ ndi Israel Katɔti. Na ami lɛnɔ ndi ƒula kabla ɔblane. Na ala ani lɛ́bla mɛni ni, ƒula ɔda bubo kenye na lɛ́bla-nya.

Ala Kalɔ Buse 43:14

Na muuvele Unwoti Katɔti nnii ɔnu-mii kɔnyana na ɔya na ɔnana ɔmmɔ kayi kayɔ na ɔnyonu Benyamin ku ɔnwani ɔni na úƒie úse, na basiaku-mi na bɛsɔ binwini bibo. Nsu ami amu ni, si kukpi kɔ́du-mi ni, bɔdu na kɔ́du-mi.”

Ala Kalɔ Buse 32:9

Ɔmmɔ kama ni, Yakob ɔ́kpali katɔ na úvele ɔnini, “O mina Unwoti, Abraham Katɔti ku Isak Katɔti, awɔ ɔni násu-mi anini, ‘Nwini na eteesie ƒula kalɔ lɛlɔ ku ƒula lɛlɔ bekyuli kudɔ na ndubɔya na enu ku akɔkɔ eyi-ɔ.’

Ala Kalɔ Buse 31:42

Na Unwoti Katɔti ɔni ndi mina ɔti lɛnɔ Katɔti na ɔdi Abraham Katɔti ɔsiaku-mi. Na bɔyɔ geen bɔni na mina ɔti Isak ɔ́yɔ Unwoti Katɔti lɛnɔ búdie-mi. Si ɔɔɔdi lɛni nka áya na lɛ́tɔlɔ enukplu. Nsu Unwoti Katɔti ɔ́nu mina kogyoklo ku lɛbibo. Ɔmmɔ ɔsu na ɔ́dɔnku-ɔ kamaadi usien.”

Ala Kalɔ Buse 28:13

Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.

Ala Kalɔ Buse 27:20

Amu na Isak úye ubidi ɔnini, “Dɛ na ɔ́bla asa na ákɛ ebuo ádu pla lɛni?” Mmɔ na Yakob údie kenye ɔnini, “Ƒula Unwoti Katɔti náya na lɛku lɛtɛnku-mi lɛni.”

Ala Kalɔ Buse 27:10

Na si lɛ́wɔlɔ ni, na eti-nya esienku ƒ'ɔti na ɔdi kalɛ na uti nwuna kusɛ kusɛ ute-ɔ asa na wekpi.”

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Ala Kalɔ Buse 24:21

Na uwi ɔmmɔ ƒui ni, ala lɛlɔ ɔnune ɔmmɔ unye ɔɔnu Rebeka kpoo ɔnii ɔɔnu ɔti si Unwoti Katɔti ɔ́ya na nwuna ulu ɔni na úsie ɔ́lɛ-nwu kɔsia sɔsɔ.

Ala Kalɔ Buse 32:10

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.