Ala Kalɔ Buse 24:1 - Katɔti Ɔku Kedee

¹ Na uwi ɔmmɔ kemmo ni, Abraham ɔ́ɔbi lɛlɔ geen ɔni na nwuna akwa éesie anumi. Na Katɔti úte-nwu kusɛ kusɛ na nwuna ngba keliela biala kemmo.

Ala Kalɔ Buse 24:1 Referans Kwoze

Galatiƒuɔ 3:9

Anwuɔsu bani mbo bɔƒɔtaadi ni, Katɔti úte ama ku Abraham ɔni mbo bɔƒɔtaadi ƒui kusɛ kusɛ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Agba 10:22

Unwoti kusɛ kusɛ mɔɔyá na ukyuli uunwíni ɔlakɛne, na kɔnyana kɔdi kulásia ɔmmɔ lɛlɔ.

Ala Kalɔ Buse 13:2

Abram úbenwini ɔlakɛne na bebuo bani na ubo ku sika ugyiedi ku ɔƒualadi ɔsu.

Ala Kalɔ Buse 18:11

Ɔƒɛni Abraham ku ulekudi Sara ƒui ni, bana akwa éesie lɛtɔtɔ geen ɔsu báabi. Na Sara lɛnɔ ɔ́ɔvi uwi ɔni na nka ɔkana kaƒɔ bɔda.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Yesaia 51:2

Abraham ku Sara na Katɔti ɔ́ƒuna ka babla bina nana ati bene. Na Unwoti úte Abraham ɔmɛni kusɛ kusɛ na ɔkɛnku anwu ɔnana unwi pɛ ɔmmɔ lɛlɔ na kaba bekyuli lidu lidu báƒɔ kayawi.

Luka 1:7

Bekyuli bamɛni beeebo bebi badi, ɔsika Elisabet ɔdi udinkɔ. Na bana inyɔ lɛnɔ báabi lɛlɔ.

Baga 1 1:1

Uwi ɔni na Ɔga Dawid ɔ́bi na nwuna akwa éesie anumi geen ni, si bébi-nwu ala dɛ muedi ni, lɛlɔ lilábla-nwu gugungu.

Ala Kalɔ Buse 49:25

Na Unwoti Katɔti ɔni ndi ƒula bati Katɔti muubunku-ɔ. Na ɔdubute-ɔ ntu bɔsiku katɔ ku kalɔ ƒui. Na ɔdubɔya na beleku bawɔ na bete bebi anyii ntu.

Ala Kalɔ Buse 25:20

Na Isak lɛnɔ úbeti uleku ɔni baalɔ Rebeka uwi ɔni na ɔ́ƒɔ akwa aavlene. Na Rebeka ɔmɛni ku ɔnwani ɔnanabi ɔni baalɔ Laban ni, bana ɔti ndi Betuel ɔni nási Mesopotamia kalɔ lɛlɔ na kadi kani bekyuli baalɔ Aramƒuɔ akɔ.

Ala Kalɔ Buse 24:35

Na Unwoti Katɔti úte mina ɔtɔlati kusɛ kusɛ geen na ubo lɛkɛ kaduɛ. Ubo baƒonu ku ɔmantɛ bakɔ ku sika ɔƒualadi ku ugyiedi. Ubo kabla bablane bananabi ku belekubi. Ubo bebuo ala betine benengudi bani mbo keƒu ku baƒlumu lɛnɔ.

Ala Kalɔ Buse 21:5

Na uwi ɔmmɔ kemmo ni, Abraham ɔ́ɔƒɔ akwa eti anyɔ asa na Sara ɔ́wɔ ubi ɔmmɔ úte-nwu.

Ala Kalɔ Buse 26:12

Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.