Ala Kalɔ Buse 23:4 - Katɔti Ɔku Kedee

⁴ “Kadi bamba ukyuli na ndi. Na ndi ɔƒɔ na bina akɔ. Mɔɔyɔ́ ka bibo kabuli kalɔ kadi bite-mi na liye na bina kudɔ mɛni, na liti linwini bekyuli kavakɔ kalɛ na lɛkana na lɛva mina uleku.”

Ala Kalɔ Buse 23:4 Referans Kwoze

Hebriƒuɔ 11:9

Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.

Ala Alɛdi 1 29:15

Baƒɔ na bɔdi na kalɔ kamɛni lɛlɔ na uwi klukwii ɔdi kani na bɔdubo mɛni bulie aani bula bati kuuku kalɛ. Ɔmmɔ kama bɔdubo bɔyii bɔkya aani kalɛ na lɛla lɛdi ɔyuli ɔɔyii taakya.

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Kɔgya 119:19

Ɔƒɔ na ndi na ntebo kayawi bulie gyɔlɔɔ. Ɔmɛni ɔsu tabɛla-mi ƒula ɔda bubo.

Batalane Kabla 7:5

Katɔti útete Abraham kadikɔ kadi mmɔ, ina kalɔ blii suɛ muedi. Nsu ni, ɔ́su-nwu úse ka kalɔ kammɔ kadubɔbla anwu ku nwuna kaba kemmo bebi kadi ina ka útawɔ tɔ ubi ɔdi úti úbedu ku uwi ɔmmɔ kemmo!

Kɔgya 39:12

“Nu-mi buvele, O Unwoti, na abla ete-mi na keku kani muuwulo taakya-a ɔsu. Tetile atu na mina mmii pii bɔmɛni kama. Ɔsika nse aani ƒula ɔƒɔ ɔni nálɛlɛ-ɔ aani mina bati kuuku kalɛ kani.

Lewiƒuɔ Ɔda Bubo 25:23

“ ‘Ukyuli biala uuubo kuƒi ka uti kalɔ kadi uye ute ukyuli bamba kusɛ kusɛ. Ɔsika kalɔ kammɔ ƒui kadi ami Unwoti kadi. Na baƒɔ na bɛdi na líte-mii mmɔ na bilie.

Ala Kalɔ Buse 49:30

Lɛtakpɛ ubu ɔmmɔ ɔkya Makpela kalɔ kemmo na kede Mamre na Kanaan kalɔ lɛlɔ. Mmɔ na Abraham úye úse úte ka bataava bekyuli ɔ́si Hitini ɔni baalɔ Eƒron kudɔ úbunku kemo kani nwi mmɔ ƒui.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Etemila 12:7

Lɛni na bula ɔlɔna ɔɔsɔ teenwini teesie kalɔ kemmo na ɔƒɛƒɛɛ ɔni nkya-bu lɛlɔ kemmo uute-bu ngba mmɔ ɔsɔ uunwíni teesie Katɔti kudɔ.

Etemila 12:5

Adubo butaayia ina lɛbinkpo na aakɔ́ iye bɔyu na ada ulu ɔni nénwini ɔ́yu. Ƒula lili linwini lɛdubɔta lɛƒuala aani kɔdingyii anwula ƒuala ƒuala. Na adubɔkɛ ataakpɛ lɛgba kalɔ aani kɔɔgyu kɔni náabi na ɔɔyɔ́ ɔvumana livuo. Bula ƒui bɔdubɔsɔ bunwini busie bula kasikɔ na bekyuli bani muuwulo-bu baƒɔ lɛblɔnu lɛmmɔ ƒui lɛlɔ.

Etemila 6:3

Ukyuli ɔkana na ulie ngba ɔƒɔ akwa pii na ɔwɔ bebi ina eti anyɔ muedi. Nsu si lɛlɔ lítayɔ-nwu na nwuna ngba kemmo na uwi ɔmmɔ lɛnɔ ukpi na bátava-nwu kaduɛ ni, ubi ɔni nékpi na ntu kemmo muedi ɔ́ƒɔ kuye utulo-nwu.

Hiob 30:23

Ngyi nwaa ka kekpine kammɔ na éti-mi éselaku, ɔsika kesiekɔ na kadi kete ukyuli ɔyawine biala.

Ala Kalɔ Buse 50:13

Na béti-nwu bésienku Kanaan kalɔ lɛlɔ na bátáva-nwu na Makpela lɛtabi ubu. Na ude Mamre kesii kani na Abraham úye ka bataava nwuna bekyuli. Na Hitini ɔni baalɔ Eƒron kudɔ na úye kemo kani kemmo na ubu ɔmmɔ ɔkya.

Ala Kalɔ Buse 47:9

Amu na Yakob údie kenye ɔnini, “Akwa eti anyɔ ku avlaatɛ mɛni ka nkɛ muusié mina ngba ulu. Akwa alɛɛ kani na lɛ́ɛƒɔ na adanku lɛbibo geen. Na mina akwa étedu ngba ulu ɔni na mina bati bésie.”

Ala Kalɔ Buse 3:19

Na adubuni ewulu na ƒula lɛtɛntɛ asa na akɛ ƒula lɛdila weti wetédu uwi ɔni na adubɔsɔ enwini esie kalɔ kemmo. Ɔsika aka na líti lɛ́vɔ-ɔ. Lɛti na adi na lɛti kani na adubɔsɔ enwini.”

Batalane Kabla 7:16

Na básɔku bana ƒui bésienku ɔma ɔni baalɔ Sekem. Na bátáva-ma mmɔ na kaƒiɔtɔ kani na Abraham úye ɔ́siku Hamor kaba kudɔ kemmo.

Ala Kalɔ Buse 23:5

Mmɔ na Hetiƒuɔ bammɔ bédie kenye na básu Abraham banini,

Israelƒuɔ Bɔlɛ 2:22

Na Sipora ɔ́wɔ ubi ɔnanabi úte Mose. Na Mose ɔ́sia-nwu lɛnyi ɔnii Gerson ɔni kalɔ ndi ɔnii, “Línwini ɔƒɔ na kalɔ bamba lɛlɔ.”