Na bésie anumi bétékpoku Kanaanƒuɔ bani nlie Hebron, kesii kani na bátaalɔ banii Kiriat-Arba, na básɔ bésie bétékpoku Sesai ku Ahiman ku Talmai kadi bekyuli, na bádi-ma lɛlɔ.
Na Yudaƒuɔ bani nlie Maria kudɔ baasia-nwu kɔnu ni, ama lɛnɔ báta básiaku Maria kama uwi ɔni na ɔ́babla ɔ́lɛ mmɔ. Ɔsika bábu ka kaƒiɔtɔ kammɔ kudɔ na ɔ́sɔ úsela utéteewulo.
Dawid úlie Hebron akwa maatɛ ku abuli aku na ɔ́di Yuda kaba bekyuli lɛlɔ kani. Na ɔmmɔ kama ɔ́tɔlɔ úsie Yerusalem. Na mmɔ ni, ɔ́di Yuda ku Israelƒuɔ ƒui lɛlɔ akwa avlaatɛ-ɛtɛ.
Ɔmmɔ ɔsu Israel benengu ƒui bébo Hebron na Dawid kudɔ mmɔ. Na bényimi bunyimi bɔdi ku lɛlɔ na Unwoti anumi. Na bébo Dawid kudu na béwi-nwu lili nnɔmii béti bése-nwu likpo ka anwu ndi Israelƒuɔ ɔga.
Na uwi ɔmmɔ ƒui kemmo ni, Samuel úukpi, na Israel kadi bekyuli béewulo-nwu báva na anwu ɔlati nwuna ɔma na Rama. Na like bebone ku bani ƒui mɔɔkpali bekpine taatɛmiku-ma ni, Saul ɔ́bɔku-ma na kalɔ kammɔ ƒui lɛlɔ.
Ɔmɛni ɔsu ni, lɛma lɛni bédie na Yordan Ketu ɔƒɛ kanukɔ ndi Kedes na Naƒtali abi lɛlɔ na Galilea ku Sekem na Eƒram Kɔbi lɛlɔ ku Kiriat-Arba ɔni básɔ baalɔ bani Hebron na ɔkya Yuda abi lɛlɔ.
Na bádi Debirƒuɔ lɛlɔ na béƒie Debirƒuɔ ɔga ku bekyuli bani ƒui nkya Debir mmɔ ku akpaklɔ ani nde mmɔ bekyuli na bádu-ma kede kede. Na kalɛ kani na úti ɔ́bla Debir ku nwuna ɔga ku bekyuli bammɔ ƒui ni, lɛni kani na ɔ́bla Hebron ku Libna baga lɛnɔ.
Na básia Negev kalɔ kemmo na bákɔ bétédu Hebron, kesii kani na Anak kaba kemmo bekyuli bani ndi Ahiman ku Sesai ku Talmai bélie. Báada Hebron ɔma akwa maatɛ kama asa na báda Soan ɔma ɔni nkya Egyipte.
Na ala ani nálɛ ƒui ɔsu ni, Esau úti kɔnyi ɔ́kya Yakob geen, ɔsika ɔti Isak úti nwuna kusɛ kusɛ úte Yakob. Mmɔ na ɔ́su ɔnini, “Kébu blii na bula ɔti ukpi. Na si uwi ɔni na buuwulo-nwu ni, ndubo mina ɔnwani Yakob bɔdu.”
Mmɔ ni, Isak ɔ́kpanku Rebeka na bétéduo uni Sara kevo kemmo na úti-nwu. Na ɔ́si uwi ɔmmɔ kemmo ni, Rebeka únwini Isak ulekudi ɔni na ɔ́yɔ-nwu geen, na Isak kayi kábla-nwu buɛɛ na uni kukpi kama.
Kalɛ kani na Unwoti úbo Yosua ɔda ni, lɛni na Yosua úte Kaleb ɔni ndi Yeƒune ubidi kalɔ na kakɛ kani na Yuda kaba bebi belie-ka kemmo. Na Hebron na baalɔ banii Kiriat Arba. Na Arba ndi Anak ɔti kuuku.
Na bekyuli pii bani nli lɛma lɛni nde bana mmo ndi bekyuli bani nási Yuda kaba kemmo. Na belie Kiriat-Arba ku Dibon ku Yekabseel ku akpaklɔ ani nde lɛma libendi lɛmmɔ.
Uwi ɔmmɔ ni, Samuel úbekpi, na Israel kadi bekyuli ƒui básala na béwulo-nwu báva nwuna ɔma na Rama. Amu na Dawid ɔ́ta nwuna kakyakɔ mmɔ, na ɔ́yu úduo Maon kalɔ kakwiidi kammɔ kemmo.