Ala Kalɔ Buse 23:12 - Katɔti Ɔku Kedee

¹² Mmɔ ni, Abraham ɔ́sɔ úboku lili kalɔ na bekyuli bammɔ ƒui anumi.

Ala Kalɔ Buse 23:12 Referans Kwoze

Ala Kalɔ Buse 23:7

Amu na Abraham ɔ́ta na úboku lili kalɔ na Hetiƒuɔ bammɔ ƒui anumi.

Ala Kalɔ Buse 19:1

Na ɔmmɔ kama ni, Unwoti batu inyɔ bammɔ bébeduo Sodom useyi uwi. Na Lot ulie ɔma ɔmmɔ kabanye na ɔban ɔmmɔ kayakun. Ka ɔ́nu-ma ni, ɔ́ta útásiaku-ma na úboku lili kalɔ.

Ala Kalɔ Buse 18:2

Mmɔ ni, Abraham ɔ́talaku anumi na ɔ́nu nkyuli ɛtɛ badi ka benye-nwu kɔmadɔ. Ka ɔ́nu-ma kani na ɔ́babla na ɔ́ta kesii kani na úlie mmɔ útásiaku-ma ulu na úboku lili kalɔ bana anumi.

Ala Kalɔ Buse 23:11

“Ati, neeeye-ka neeete-ɔ! Líti kalɔ kammɔ líte-ɔ ƒaa ku lɛtakpɛ ubu ɔni nkya kalɔ kammɔ kemmo na bekyuli bamɛni ƒui anumi kalɛ na ava ƒula ukpine.”

Ala Kalɔ Buse 23:13

Na ɔ́su Eƒron na bana ƒui anumi ɔnini, “Kywɛ-mi atu. Si adubo bɔtunaku-mi ni, ndubɔƒɔ kalɔ kammɔ ƒui kayu. Anwuɔsu nuku-mi kalɔ na aƒɔ sika ɔƒualadi ɔmmɔ na ɔdia na lɛva mina ukpine na mmɔ.”